Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

உயிரைப் பணயம் வைத்து மீனவர்களைக் காப்பாற்றிய லேடி கேப்டன்..!

மீனவர்

திடீரென கடும்புயல் மழை என்றால் என்ன செய்வோம். பாதுகாப்பான இடத்தில் ஒதுங்குவோம். நடுக்கடலில் கப்பலில் செல்லும் போது அப்படி ஒரு நிகழ்வு நடந்தால்  என்ன செய்ய முடியும். குறைந்தப்பட்சம்  நம்மைப் பாதுகாத்துக் கொண்டு தப்பிக்க முயல்வோம். ஆனால் ராதிகா மேனன் செய்த செயலோ அசாத்தியமானது. கடந்த ஆண்டு ஜூன் மாதம் 22-ம் தேதி ஒடிசா மாநிலம் கோபால்பூர் அருகே உள்ள வங்கக்கடலில் கடும் மழை மற்றும் பலத்தக் காற்றில் ஒரு மீன்பிடி  படகு சிக்கிக்கொண்டது. நடுக்கடலில் சென்று கொண்டு இருந்த போது திடீரென ஏற்பட்ட கடல் சீற்றத்தால் மீனவர்கள் சென்ற படகின் என்ஜின் பழுதடைந்தது. உதவிக்கு ஆளில்லாமல் படகில் பயணம் செய்த 7 மீனவர்களும் கவிழும் நிலையில் இருந்த படகில் தத்தளித்துக் கொண்டிருந்தனர். ஒருகட்டத்தில் படகு கவிழ்ந்து உயிருக்குப் போராடிக் கொண்டிருந்தனர் மீனவர்கள்.

ராதிகா மேனன் இருந்த கப்பலுக்கும் கடலில் கவிழ்ந்த மீனவர்களின் படகுக்கும் இடையே 2.5.கீ.மி தொலைவு இருந்தது. கடுமையான மழை, பலத்தக் காற்று ராட்சத அலைகள் என்று மோசமான சூழ்நிலை சூழ்ந்து கொண்டிருந்தது. ஆனாலும் அந்த கடுமையான சூழலைப் பொருட்படுத்தாமல்  தன் உயிரைப் பணயம் வைத்து படகு இருக்கும் இடத்துக்குச் சென்று, அங்கு தத்தளித்துக்கொண்டிருந்த ஏழு மீனவர்களையும் பத்திரமாக மீட்டு, தன் கப்பலுக்கு அழைத்து வந்தார் ராதிகா மேனன்.

இந்த  மனிதநேயம் மிக்க சாகசத்துக்காக, ஐ.நா.வின் சர்வதேச கடல்சார் அமைப்பு (International Maritime organisation), ராதிகா மேனனுக்கு வீர தீர விருது வழங்கி கௌரவித்துள்ளது.  உயிரைப் பணயம் வைத்து கடல் பகுதிகளில் மீட்பு பணிகளில் ஈடுபவோர்களை சர்வதேச அளவில் தேர்ந்தெடுக்கப்பட்டு, அவர்களுக்கு ஆண்டுதோறும் வீர தீர விருது வழங்கும் இந்த அமைப்பு  இந்த ஆண்டிற்கான வீர தீர விருதை முதல் முறையாக இந்திய கடற்படையைச் சேர்ந்த பெண் கேப்டன் ராதிகா மேனனுக்கு அளித்து சிறப்பு செய்துள்ளது குறிப்பிடத்தக்கது.

நவம்பர் 21-ஆம் தேதி (திங்கள்) லண்டனியில் உள்ள ஐஎம்ஓ தலைமை அலுவலகத்தில் நடைப் பெற்ற விழாவில் ராதிகா மேனன் இந்த வீர தீர விருதினைப் பெற்று இந்தியாவிற்குப் பெருமை சேர்த்துள்ளார்!-

-என். மல்லிகார்ஜுனா

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

மெகா ரெய்டு - 187 இடங்கள்... 1,800 அதிகாரிகள்... குவிந்தது பணம்... குவித்தது யார்?
Advertisement

MUST READ

Advertisement
[X] Close