Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'பிரபஞ்ச அழகி' மேடையில் அன்று போட்டியாளர்.. இன்று நடுவர்! அசத்தும் சுஷ்மிதா சென்

ஃபிலிப்பைன்ஸ் நாட்டின் தலைநகர் மலினாவில் நடக்கவிருக்கிறது 65-வது பிரபஞ்ச அழகிப் போட்டி. 23 வருடங்களுக்கு முன், இதே நகரத்தில், இதே மேடையில்தான் நம் சுஷ்மிதா சென், 'பிரபஞ்ச அழகியாகத் தேர்ந்தெடுக்கப்பட்ட முதல் இந்தியப் பெண்' என்ற பெருமையுடன் அந்த கிரீடத்தை சூடிக்கொண்டார். இதோ... இப்போது அதே மேடைக்கு நடுவராகச் செல்லவிருக்கிறார் சுஷ்மிதா.

மனிலாவுக்கு தான் அழைக்கப்பட்டிருப்பது பற்றி தன் சமூகவலைதளப் பக்கத்தில் சுஷ்மிதா வெளியிட்டிருக்கும் ஹேப்பி போஸ்ட் இது:

''கூதூகலிக்கும் இதயத்துடன் தயார் ஆகிக்கொண்டிருக்கிறேன். 23 வருடங்களுக்குப் பிறகு மிகவும் மகிழ்ச்சியாக, நெகிழ்ச்சியாக ஃபிலிப்பைன்ஸுக்குக் கிளம்பிக்கொண்டிருக்கிறேன். எல்லாம் ஆரம்பித்தது மனிலா 1994 மிஸ் யுனிவர்ஸ் போட்டியில்தான். பிரபஞ்ச அழகியாகத் தேர்ந்தெடுக்கப்பட்டதில் இருந்து, இன்று அதே மேடைக்கு நடுவராகச் செல்வதில்... வாழ்க்கை ஒரு பூரண வட்டமாவதை உணர்கிறேன். என் ஃபிலிப்பைன் நண்பர்களுக்கு இப்போது நான் அந்த உறுதிப்படுத்தப்பட்ட செய்தியை தெரிவிக்கிறேன். ஆம்... நான் வருகிறேன். விரைவில் உங்களைச் சந்திக்கிறேன்!"

மனிலாவில் 65-வது பிரபஞ்ச அழகிப் போட்டி வரும் ஜனவரி 30-ம் தேதி நடக்கவிருக்கிறது. இதில் இந்தியாவின் சார்பாக பெங்களூருப் பெண் ராஷ்மிதா ஹரிமூர்த்தி கலந்துகொள்ளவிருக்கிறார் என்பது குறிப்பிடத்தக்கது. தன் 19 வயதில் இப்படி தானும் ஒரு போட்டியாளராக கலந்துகொண்டதில் இருந்து, இன்று தன்  41-வது வயது வரை சுஷ்மிதா ஒரு ஸ்வீட் செலிப்ரிட்டியாக நம்முடன் இருக்கிறார்.

ஹைதராபாத்தில் வசித்த பெங்காளிக் குடும்பத்தில் பிறந்தவர் சுஷ்மிதா. டீன் ஏஜிலேயே மாடலிங் துறைக்கு வந்துவிட்டவருக்கு, 19 வயதுக்குள்ளாகவே வசப்பட்டன 'ஃபெமினா மிஸ் இந்தியா' மற்றும் 'மிஸ் யுனிவர்ஸ்' பட்டங்கள்.  அழகிப் பட்டங்கள் சுஷ்மிதாவை திரைக்கு அழைத்து வந்தன. தமிழில் 'ரட்சகன்' முதல் இந்தியில் 'ஸிந்தகி ராக்ஸ்', 'மேன் ப்யார் கூன் க்யா' உள்ளிட்ட பல வெற்றிப்படங்களில் நடித்தார்.

சுஷ்மிதா சென், மகள்களுடன்

25 வயதில் சிங்கிள் உமனாக ஒரு பெண் குழந்தையைத் தத்தெடுத்தபோது, மொத்த இந்தியாவும் சுஷ்மிதாவை நிமிர்ந்து பார்த்தது. பின்னர் மீண்டும் ஒரு கைக்குழந்தையைத் தத்தெடுத்து, இடுப்பில் ஒரு குழந்தை, கையில் ஒரு குழந்தையுடன் ஃபேஷன் முதல் சினிமா வரை அனைத்து நிகழ்ச்சிகளிலும் கலந்துகொண்டார் இந்த 'மாம் யுனிவர்ஸ்'.

திருமணம் செய்துகொள்ளாத சிங்கிள் பேரன்டான சுஷ்மிதா, ரெனீ,  அலிஷாவின் அன்பு அம்மா. வாழ்வையும் அழகாக்கிக்கொண்டுள்ளார்  சுஷ்மிதா!

- தீபிகா

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

மெகா ரெய்டு - 187 இடங்கள்... 1,800 அதிகாரிகள்... குவிந்தது பணம்... குவித்தது யார்?
Advertisement

MUST READ

Advertisement
[X] Close