Vikatan.com

www.vikatan.com would like to send you push notifications.

Notifications can be turned off anytime from browser settings.

'சர்வதேச கண்காணிப்புகுறித்து அச்சமில்லை': ரோஹிங்யா விவகாரத்தில் மௌனம் கலைத்தார் ஆங் சான்!

மியான்மரில், ரோஹிங்யா முஸ்லிம்களுக்கு எதிரான வன்முறை விவகாரத்தில், ''சர்வதேச கண்காணிப்புகுறித்து அச்சமில்லை'' என்று அந்நாட்டுத் தலைவர்  ஆங் சான் சூ கி தெரிவித்துள்ளார்.

ரோஹிங்யா

மியான்மரில், ரோஹிங்யா முஸ்லிம்களுக்கு எதிரான வன்முறை வெறியாட்டம் உலகையே அதிர்ச்சியில் ஆழ்த்தியுள்ளது. இதனால், அங்கிருந்து தப்பித்துவரும் பல ரோஹிங்யா முஸ்லிம்கள், வங்கதேசத்தில் அகதிகளாகத் தஞ்சமடைந்துவருகின்றனர். இவர்களின் எண்ணிக்கை நாளுக்குநாள் அதிகரித்துவருகிறது.

ஆனால், இந்தச் சம்பவம்குறித்து அந்த நாட்டுத் தலைவரும், அமைதிக்கான நோபல் பரிசு பெற்றவருமான ஆங் சான் சூ கி, எந்தவித கருத்தும் தெரிவிக்காமல் இருந்தார். இது, பெரும் சர்ச்சையைக் கிளப்பியது. ரோஹிங்யா முஸ்லிம்களுக்கு எதிரான வன்முறை, உலகம் முழுவதும் கடும் அதிர்வலைகளை ஏற்படுத்தியநிலையில், ஐ.நா சபைக் கூட்டத்தில் கலந்துகொள்வதையும் அவர் தவிர்த்தார்.

ஆங் சான் சூ கி


இந்நிலையில், இந்தச் சம்பவம் தொடர்பாகத் தற்போது, முதல்முறையாக வாய் திறந்துள்ளார் ஆங் சான். இதுகுறித்து நாட்டு மக்களுக்கு ஆற்றிய உரையில் அவர், "வன்முறை குறைந்த பிறகு, தற்போது ரோஹிங்யாக்கள் வெளியேறவில்லை. மியான்மர் குடியரிமை சரிபார்ப்புக்கு அனைத்து சமூக மக்களும் ஒத்துழைப்பு வழங்க வேண்டும். மியான்மரில் ஏற்பட்டுள்ள பிரச்னையைச் சமாளிக்க, அரசு எடுத்துள்ள நடவடிக்கைகள்குறித்து உலக நாடுகள் தெரிந்துகொள்ள வேண்டும். 

அங்கு நடைபெற்ற மனித உரிமை மீறல்கள் கண்டிக்கதக்கவை. ஆனால், மனித உரிமை மீறலில் ஈடுபட்டவர்களுக்குத் தண்டனை பெற்று தருவதற்கு முன்பு, அதற்கான ஆதாரத்தைத் திரட்டவேண்டியது அவசியம். அந்தப் பகுதிகளில் இயல்பு நிலை திரும்ப அனைத்து நடவடிக்கைகளும் மேற்கொள்ளப்பட்டுவருகிறது. இந்த விவகாரத்தில், சர்வதேச நாடுகளின் கண்காணிப்புகுறித்து அச்சமில்லை" என்று கூறியுள்ளார்.

ஆனால், ஆங் சான் தன்னுடைய உரையில் ராணுவத்தை நேரடியாகக் கண்டிக்கவில்லை.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement