Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கட்டலோனியா விவகாரம்: பிரிவினைவாதக் கட்சிகளை இணைக்கும் முன்னாள் அதிபர்

கட்டலோனியா விவகாரத்தில் பிரிவினைவாதக் கட்சிகள் ஒன்று சேர வேண்டும் என முன்னாள் அதிபரும் கட்டலோனியா தலைவருமான கார்லெஸ் பூயிக்டேமோண்ட் அழைப்புவிடுத்துள்ளார்.

கார்லெஸ்

ஸ்பெயின் நாட்டில் வளம் மிகுந்த பகுதியான கட்டலோனியா, தொடர்ந்து தனிநாடு கோரிக்கையை வைத்துவந்தது. ஸ்பெயின் நாட்டின் பொருளாதாரத்தில் ஐந்தில் ஒரு பங்கு, கட்டலோனியா பகுதியிலிருந்து கிடைக்கிறது. ஸ்பெயின் அரசாங்கம், இவர்களது கோரிக்கையை நிராகரித்துவந்தது. இந்நிலையில், கட்டலோனிய மாநில அரசு, தனிநாடுகுறித்து ஸ்பெயினின் தடையையும் மீறி பொது வாக்கெடுப்பு நடத்தியது. ஆனால், இந்த வாக்கெடுப்பில், ஸ்பெயின் அரசு காவல்துறைமூலம் முடக்க, வாக்களிக்க வந்தவர்கள்மீது தாக்குதல் நடத்தியது. வாக்கெடுப்பில், 90 சதவிகித கட்டலோனிய மக்கள், தனி நாடு வேண்டும் என்ற கோரிக்கைக்கு ஆதரவாக வாக்களித்துள்ளதாக அந்த மாநில அரசு தெரிவித்து, தனிநாடு வாக்கெடுப்பில் வெற்றிப்பெற்றுள்ளதாகவும் அறிவித்தது.

இந்நிலையில், தனிநாடு கோரிக்கையைத் தொடர்ந்து முன்வைத்து வந்த கட்டலோனியா அரசைக் கலைத்துவிட்டு மறுதேர்தல் நடத்தப்போவதாக ஸ்பெயின் அரசு அறிவித்தது. அந்த அறிவிப்பைத்தொடர்ந்து கட்டலோனியா தலைவர் கார்லெஸ் பூயிக்டேமோண்ட் மீது புகார் அளித்து ஸ்பெயின் நீதிமன்றத்தில் வழக்கு தொடரப்பட்டது. நீதிமன்றத்தால் தேடப்பட்டு வரும் நிலையில்தான் அதிபர் தேர்தலில் போட்டியிடத் தயாராக இருப்பதாகவும், அதற்குப் பிரிவினைவாதக் கட்சிகள் அனைத்தும் ஒன்றிணைய வேண்டும் என்றும் பூயிக்டேமோண்ட் அழைப்புவிடுத்துள்ளார். 

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

மெகா ரெய்டு - 187 இடங்கள்... 1,800 அதிகாரிகள்... குவிந்தது பணம்... குவித்தது யார்?
Advertisement

MUST READ

Advertisement
[X] Close