வெளியிடப்பட்ட நேரம்: 09:30 (03/09/2018)

கடைசி தொடர்பு:09:39 (03/09/2018)

சோமாலியா கார் குண்டுவெடிப்பில் 6 பேர் பலி

சோமாலியாவில் தற்கொலைப்படையினர் நிகழ்த்திய கார் குண்டுவெடிப்பில் 6 பேர் பலியாகினர்.

சோமாலியா

Photo Credit: ANI

சோமாலியா தலைநகர் மொகாதிசுவில் (MOhadishu) அரசு கட்டங்கள் மீது வெடிகுண்டு நிரப்பிய காரை மோதச் செய்து தாக்குதல் நடத்தியுள்ளனர். அரசுக் கட்டங்கள், பள்ளி மற்றும் மசூதி அமைந்துள்ள பகுதியில் இந்தக் குண்டுவெடிப்பு நிகழ்ந்துள்ளது. இதில் பாதுகாப்பு படை வீரர்கள் உட்பட 6 பேர் பலியாகியுள்ளனர். காயமடைந்த 15 பேர் சிகிச்சைக்காக மருத்துவமனையில் அனுமதிக்கப்பட்டுள்ளனர். இதில் பள்ளிக் குழந்தைகளும் காயமடைந்துள்ளனர். இந்தத் தாக்குதலினால் அரசு கட்டடங்கள், பள்ளிக்கூடம் மற்றும் அருகில் இருந்த மசூதி சேதமடைந்துள்ளன. இந்தத்தாக்குதலுக்கு அல்- சாபப் (AL0-Shabab) பயங்கரவாத இயக்கத்தினர் பொறுப்பேற்றுள்ளனர். பயங்கரவாதிகளின் வாகனத்தை தடுக்கச் சென்ற 3 பாதுகாப்பு படை வீரர்கள் இத்தாக்குதலில் உயிரிழந்தனர்.

இதில் காயமடைந்த பள்ளி ஆசிரியர் ஒருவர் கூறுகையில், காலையில் மாணவர்களுக்குப் பாடம் எடுத்துக்கொண்டிருந்தபோது பயங்கர சத்தத்துடன் குண்டு வெடித்தது. கார் குண்டு வெடிப்பால் இந்தப் பகுதியே சேதமடைந்துள்ளது.