ஓவர்டைம் குறித்த ஜாக் மா-வின் `996' கணக்கு - டெக் வார் என வர்ணிக்கும் சீனர்கள்! | Alibaba founder Jack Ma says about `996' overtime

வெளியிடப்பட்ட நேரம்: 17:05 (16/04/2019)

கடைசி தொடர்பு:17:05 (16/04/2019)

ஓவர்டைம் குறித்த ஜாக் மா-வின் `996' கணக்கு - டெக் வார் என வர்ணிக்கும் சீனர்கள்!

தொழிலாளர்களின் வேலைநேரம் குறித்து அலிபாபா நிறுவனர் ஜாக் மா பேசியது சர்ச்சைகளை ஏற்படுத்தியுள்ளது.

ஜாக் மா

சீனாவின் மிகப்பெரிய பணக்காரர்களில் ஒருவர் ஜாக் மா. உலகின் முன்னணி ஆன்லைன் வணிக நிறுவனங்களில் ஒன்றான அலிபாபா குரூப் கம்பெனியின் நிறுவனர். இன்றைய நாளில், இவரின் சொத்து மதிப்பு 40 பில்லியன் டாலரைத் தொட்டுவிட்டது. ஆன்லைன் வணிகத்தில் கொடிகட்டிப் பறந்துவருகிறார் இவர். தனது அயராத உழைப்பில் இருந்து சமீபத்தில்தான் ஓய்வுக்குத் திரும்பியுள்ளார். இந்நிலையில், தொழிலாளர்களின் வேலைநேரம் குறித்து ஜாக் மா பேசியது சர்ச்சையை ஏற்படுத்தியுள்ளது. சமீபத்தில், ஒரு நிகழ்ச்சியில் பங்கேற்ற அவர், ``என்னைப் பொறுத்தவரை தொழிலார்கள் ஓவர்டைம் வேலைபார்ப்பது ஆசீர்வதிக்கப்பட்ட ஒன்றாகத்தான் பார்க்கிறேன். 996 என்ற அடிப்படையில் வேலைசெய்ய வேண்டும். (996 என்பது காலை 9 முதல் மாலை 9 மணிவரை என வாரத்திற்கு 6 நாள்கள் வேலைசெய்ய வேண்டும் என அர்த்தமாகும்). இளைஞர்கள், இந்த வயதில் ஒருநாளைக்கு 12 மணி நேரம் வேலை செய்யவில்லை என்றால், வேறு எப்போது செய்யப்போகிறீர்கள். 

996 என்ற அடிப்படையில் உழைத்ததால்தான், அலிபாபா போன்ற சீனாவில் உள்ள சில ஆன்லைன் நிறுவனங்கள் இந்த அளவுக்கு வளர்ச்சியை எட்டியுள்ளது. சீனாவின் பொருளாதார வளர்ச்சி 1970 முதல் 2000-ம் ஆண்டு வரை  10 சதவிகிதத்திற்கு அதிகமாகவே இருந்துவந்தது. ஆனால் அது தற்போது குறைந்தது 6 சதவிகிதமாக உள்ளது. இதனை அதிகப்படுத்த வேண்டுமானால், 996 முறையை கடைபிடிக்க வேண்டும். இது, மீண்டும் சீனாவை பொருளாதார வளர்ச்சிப் பாதைக்கு அழைத்துச்செல்லும். நீங்கள், அலிபாபா நிறுவனத்தில் சேர விரும்பினால், 12 மணி நேரம் வேலைசெய்யத் தயாராக இருக்க வேண்டும். இல்லையென்றால், அலிபாபா நிறுவனத்துக்கு நீங்கள் தேவை கிடையாது. 8 மணி நேரம் வேலைசெய்பவர்கள் யாரும் எங்களுக்குத் தேவையில்லை" என்று கூறியிருந்தார். 

ஜாக்

ஆனால், இவரின் கருத்து சீனா டெக் ஊழியர்கள் மத்தியில் கொந்தளிப்பை ஏற்படுத்தியுள்ளது. `இது ஒரு டெக் வார்', இப்படி வேலை செய்தால் ஊழியர்களின் உடல்நிலை பாதிக்கப்படும். ஊழியர்கள் மன உளைச்சலுக்கு ஆளாவார்கள் என ஆன்லைனில் எதிர்ப்புக் குரல் எழுந்தவண்ணம் உள்ளன. இது ஒரு பெரிய விவாதமாக மாறியது. இந்த எதிர்ப்புகள் பற்றிப் பேசிய ஜாக் மாவோ, ``உங்களுக்குப் பிடித்த வேலையை நீங்கள் தேர்வுசெய்திருந்தால், உங்களுக்கு 996 ஒரு பிரச்னையாகவே தெரியாது. மாறாக, பிடிக்காத வேலையைச் செய்தீர்கள் என்றால், ஒவ்வொரு நிமிடமும் உங்கள் வேலை ஒரு துன்பமாகவே இருக்கும்" என்று கூறியுள்ளார்.

நீங்க எப்படி பீல் பண்றீங்க