வெளியிடப்பட்ட நேரம்: 17:32 (19/04/2017)

கடைசி தொடர்பு:17:31 (19/04/2017)

தெருவோர உணவுகளுக்குப் பிரசித்தி பெற்ற ஊரிலேயே தடை!

தெருவோர உணவுகளுக்குப் பிரசித்தி பெற்ற பாங்காக் நகரில் இனிமேல் தெருவோரங்களில் உணவு விற்க தடை விதிக்கப்பட்டுள்ளது.

bangkok

தாய்லாந்து தலைநகர் பாங்காக்கில் தெருவோரத்தில் யாரும் உணவுக் கடைகள் வைக்கக்கூடாது என புது உத்தரவு பிறப்பிக்கப்பட்டுள்ளது. தெருவோர உணவுகளுக்கு சிறந்த நகரம் என உலக அங்கீகாரம் கிடைத்த ஒரு மாதத்திலேயே இந்த அதிர்ச்சிகர அறிவிப்பு வெளியாகியுள்ளது.

பாங்காக் நகரில் சுத்தம் மற்று சுகாதாரத்தைப் பேணிப் பாதுகாக்க தெருவோர உணவுக் கடைகள் விரைவில் அகற்றப்படும் என அறிவிக்கப்பட்டுள்ளது. பாங்காக்கில் தெருவோர உணவுகளுக்குப் பிரசித்திப்பெற்ற யோவார்ட், காவோ சான் ரோடு ஆகியவை சுத்தப்படுத்தப்படும் என்றும் கூறப்பட்டுள்ளது.

’நடைபாதை பாதசாரிகளுக்கே’ என்று அறிவித்துள்ள அரசு பாங்காக்கில் உள்ள 50 மாவட்டங்களில் இந்த அறிவிப்பை செயல்படுத்தத் துவங்கியுள்ளது.