Vikatan.com

www.vikatan.com would like to send you push notifications.

Notifications can be turned off anytime from browser settings.

இந்த அழகு, கறுப்பு நிறத்துக்கு மட்டுமே சொந்தம்!


நெற்றியை உரசும் நெத்திச் சுட்டியும், கைகளை நிரப்பியிருக்கும் வளையல்களும், பார்வையை ஈர்க்கும் மூக்குத்தியும், அழகான பட்டுத் தாவணியும் அணிந்திருக்கும் மூன்று அழகிய பெண்களின் செல்ஃபிதான் தற்போதைய ஃபேஸ்புக் வைரல்.

அழகு

உலகம் முழுவதும், கறுப்பு நிறம்குறித்த எதிர்மறையான கற்பிதங்களும், இந்தியாவைப் பொறுத்தவரை, சிவப்பு நிறம் மீதான ஏக்கமும் இருந்துகொண்டுதான் இருக்கிறது. இன்னமும் திரைப்படங்களில் சிவப்பு நிறம் கொண்டவர்களே பெரும்பாலும் கதாநாயகிகளாக நடிக்க முடியும் என்ற எழுதப்படாத விதி உள்ளது.

'கறுப்பாக இருப்பவர்கள் வெள்ளையாகலாம்' என்ற வகையிலான அழகு சாதனப் பொருள்களுக்கு எப்பவும் மவுசுதான். இத்தகைய சமூகச் சூழலில் 'The Uncanny Truth Teller 2' என்ற பேஸ்புக் பக்கத்தில், கருப்பு நிறம்கொண்டவர்கள் மற்றும் எடை அதிகமாக இருப்பவர்களின் புகைப்படங்கள் வெளியிடப்பட்டுவருகிறது. அந்த பேஸ்புக் பக்கத்தில், கடந்த ஒரு சில தினங்களுக்கு முன்னர் கறுப்பு நிற மேக்கப்பில் மூன்று பெண்கள் தமிழ்க் கலாசார அடையாளத்துடன் நெத்திச் சுட்டி, வளையல்கள், மூக்குத்தி, பெரிய கம்மல்கள் அணிந்துகொண்டு பட்டுத் தாவணியில் இருக்கும் புகைப்படம் வெளியிடப்பட்டுள்ளது.

அந்தப் படத்துக்கு டேக் லைனாக, 'The Faces of India they won't show you' என்ற வாசகத்தைக் குறிப்பிட்டுள்ளனர். அந்தப் புகைப்படம், தற்போது ஃபேஸ்புக்கில் வைரல் ஆகியுள்ளது. இதுவரை, அந்தப் படத்தை 30 ஆயிரத்துக்கும் மேற்பட்டவர்கள் பகிர்ந்துள்ளனர். இருப்பினும், அந்தப் பெண்கள் எந்த நாட்டைச் சேர்ந்தவர்கள் என்பது இதுவரை உறுதிப்படுத்தப்படவில்லை.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement