தொடரும் வெனிசுலா போராட்டம்... இதுவரை 3,000 பேர் கைது!

வெனிசுலா அதிபருக்கு எதிராக நடந்து வரும் போராட்டத்தில், இதுவரை 3000-க்கும் மேற்பட்ட போராட்டக்காரர்கள் கைது செய்யப்பட்டுள்ளதாகக் கூறப்படுகிறது.

கைது

வெனிசுலாவில், அதிபர் நிக்கோலஸ் மடுராவின் ஆட்சிக்கு எதிராக, கடந்த இரண்டு மாதங்களாக உள்நாட்டுக் கலவரங்கள் நடந்துவருகின்றன. இதில், பல அப்பாவிப் பொதுமக்கள் உயிரிழந்துவருகின்றனர். மடுரா பதவி விலக வேண்டும் எனவும் அதிபர் தேர்தல் நடத்தப்பட வேண்டும் எனவும் பொதுமக்கள் தரப்பில் கோரிக்கை வைக்கப்பட்டுள்ளது. இதையடுத்து, வெனிசுலாவில் தினமும் பதற்றமான சூழல் நிலவிவருகிறது.

இரண்டு மாதப் போராட்டத்தில், 3,000-க்கும் மேற்பட்டோர் கைதுசெய்யப்பட்டுள்ளதாக தகவல் வெளியாகியுள்ளது. போராட்டத்தின்போது நடைபெறும் வன்முறைச் சம்பவங்களில், 60-க்கும் மேற்பட்ட அப்பாவி மக்கள் உயிரிழந்துள்ளதாகவும் போராட்டக்காரர்களின் தரப்பில் தெரிவிக்கப்பட்டுள்ளது. அதிபர் நிக்கோலஸ் மடுரா ஒரு சர்வாதிகாரிபோல ஆட்சிசெய்துவருவதாக எதிர்க் கட்சியினர் குற்றம் சாட்டியுள்ளது குறிப்பிடத்தக்கது.
 

Do you like the story?

Please Appreciate the Author by clapping!