இந்தோனேஷியாவில் சக்திவாய்ந்த நிலநடுக்கம்: ரிக்டர் அளவில் 6.4 ஆகப் பதிவு!

இந்தோனேஷியாவில் இன்று காலை சக்திவாய்ந்த நிலநடுக்கம் ஏற்பட்டது. 

நிலநடுக்கம்

இந்தோனேஷியா தீவுகளில் இன்று காலை சக்தி வாய்ந்த நிலநடுக்கம் ரிக்டர் அளவுகோலில் 6.4 ஆகப் பதிவானது. இந்த நிலநடுக்கம் இந்தோனேஷியாவின் சுமத்ரா தீவுகளையே அதிகப்படியாகத் தாக்கியுள்ளது. சுனாமி எச்சரிக்கை இதுவரையில் விடுக்கப்படவில்லை என அமெரிக்க புவியியல் அமைப்பு தெரிவித்துள்ளது. 

இந்தோனேஷியாவின் பெங்குளூ தீவிலிருந்து மேற்கு திசை நோக்கி 73 கி.மீ. தொலைவில் 35 கி.மீ. ஆளத்தில் இந்த வலிமையான நிலநடுக்கம் ஏற்பட்டது. இதுகுறித்து இந்தோனேஷியாவின் புவியியல் மற்றும் வானிலை ஆராய்ச்சி மைய அதிகாரி கூறுகையில், ‘இந்த நிலநடுக்கம் சற்று வலிமையானதாகவே தாக்கியுள்ளது. பதாங், மேற்கு சுமத்ரா தீவுகளை அதிகப்படியாக தாக்கியுள்ளது. சுனாமி பயம் இல்லை’ என்றுள்ளார்.

இந்த நிலநடுக்கத்தால் ஏற்பட்ட பாதிப்புகள் குறித்து இதுவரையில் எவ்வித தகவலும் வெளியாகவில்லை. பாதுகாப்பு மற்றும் மீட்புப் பணி அதிகாரிகள் இதுகுறித்து பரிசோதித்து வருகிறார்கள். மக்கள் பலரும் தீவுகளை விட்டு தற்காலிகமாக வெளியேறி வருகின்றனர். முன்னதாக கடந்த 2016-ம் ஆண்டு டிசம்பர் மாதம் இந்தோனேஷியத் தீவுகளை வலிமை வாய்ந்த நிலநடுக்கம் தாக்கியதில் 100-க்கும் மேற்பட்டோர் பலியாகினர் என்பது குறிப்பிடத்தக்கது.

 

Do you like the story?

Please Appreciate the Author by clapping!