Published:Updated:

16 வயதுக்கு மேற்பட்ட பெண்களுக்கு கருக்கலைப்பு; பெற்றோர் அனுமதி தேவையில்லை - ஸ்பெயின் அரசு சட்டவரைவு

Abortion Law (Representational Image) ( Pexels )

ஸ்பெயினில் ஸ்பானிஷ் சோஷியலிஸ்ட் தொழிலாளர் கட்சி கூட்டணி ஆட்சியை அமைத்து நான்கு ஆண்டுகளைக் கடந்துள்ள நிலையில், மாதவிடாய் விடுமுறை, கருக்கலைப்பு சட்டவரைவு என அரசின் பல செயல்பாடுகள் பெண்கள் நலனை அடிப்படையாகக் கொண்டுள்ளதை உலக நாடுகள் கவனித்து வருவது குறிப்பிடத்தக்கது.

16 வயதுக்கு மேற்பட்ட பெண்களுக்கு கருக்கலைப்பு; பெற்றோர் அனுமதி தேவையில்லை - ஸ்பெயின் அரசு சட்டவரைவு

ஸ்பெயினில் ஸ்பானிஷ் சோஷியலிஸ்ட் தொழிலாளர் கட்சி கூட்டணி ஆட்சியை அமைத்து நான்கு ஆண்டுகளைக் கடந்துள்ள நிலையில், மாதவிடாய் விடுமுறை, கருக்கலைப்பு சட்டவரைவு என அரசின் பல செயல்பாடுகள் பெண்கள் நலனை அடிப்படையாகக் கொண்டுள்ளதை உலக நாடுகள் கவனித்து வருவது குறிப்பிடத்தக்கது.

Published:Updated:
Abortion Law (Representational Image) ( Pexels )

ஸ்பெயின் நாட்டில், 16 வயதுக்கு மேற்பட்ட பெண்கள் கருக்கலைப்புக்கு முன் தங்கள் பெற்றோரின் அனுமதி பெற்றிருக்க வேண்டும் என்ற நிபந்தனையை நீக்கும் சட்ட வரைவுக்கு அந்நாட்டு அரசாங்கம் ஒப்புதல் வழங்கியுள்ளது.

Pregnancy test (Representational Image)
Pregnancy test (Representational Image)
Pexels

16 வயதுக்கு மேற்பட்ட பெண்கள் கருக்கலைப்புக்கு முன் தங்கள் பெற்றோரின் அனுமதி பெற்றிருத்தல் கட்டாயம் என, 2015-ம் ஆண்டு ஆளும்கட்சியாக இருந்த பழைமைவாத மக்கள் கட்சியால் சட்டம் இயற்றப்பட்டது. தற்போது ஆட்சியில் உள்ள ஸ்பானிஷ் சோசலிஸ்ட் தொழிலாளர் கட்சி, முந்தைய ஆட்சியின் கருக்கலைப்பு தொடர்பான அரசின் நடைமுறைகளை மீளாய்வு செய்து, பெண்களின் வயது 16-ஐ கடந்திருந்தால் கருக்கலைப்புக்கு பெற்றோரின் அனுமதி அவசியம் இல்லை, மற்றும் மாதவிடாய் நாள்களில் ஊதியத்துடன்கூடிய விடுமுறை என்ற கருதுகோள்களுடன் சட்ட முன்வரைவைத் தாக்கல் செய்திருந்தது. இதற்கு, ஸ்பெயின் அரசாங்கம் தற்போது ஒப்புதல் வழங்கியுள்ளது.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இந்த சட்ட வரைவின் மூலம், ஸ்பெயின் நாட்டு பெண்கள் மாதவிடாய் நாள்களில் மூன்று நாள்கள் ஊதியத்துடன்கூடிய விடுமுறையை பெறுவர். மேலும், அதிகப்படியான உதிரப்போக்கு மற்றும் வலி ஆகிய காரணங்களால் இந்த மாதவிடாய் விடுமுறை 5 நாள்கள் வரை நீட்டிக்கப்படும். ஸ்பெயின் அரசு, இந்த விடுமுறை நாள்களுக்கு, நாட்டின் சமூக பாதுகாப்பு அமைப்பு பெண்களுக்கான ஊதியத்தை வழங்கும் எனவும் கூறியுள்ளது. இந்தச் சட்ட வரைவுக்கு ஸ்பெயின் அரசு ஒப்புதல் அளித்துள்ள நிலையில், மாதவிடாய் நாள்களில் பெண்களுக்கு ஊதியத்துடன் கூடிய விடுமுறையை வழங்கும் முதல் ஐரோப்பிய நாடாகியுள்ளது.

Spain
Spain
Pexels

ஸ்பெயின் அரசாங்கம், கருக்கலைப்பு செய்ய விரும்பும் பெண்கள் கரு வளர்ச்சியின் 14-வது வாரம் வரையில் அனுமதிக்கிறது. மேலும், வாடகைத் தாய் முறையை பெண்களுக்கு எதிரான வன்முறையின் வடிவமாகக் கருதுவதாகவும் தெரிவித்துள்ளது. வாடகைத் தாய் முறைக்கு தடை தொடரும் நிலையில், மேலும் பல கட்டுப்பாடுகளை விதிக்கப்போவதாகவும் தெரிவித்துள்ளது. அதன்படி, வாடகைத் தாய் ஏஜென்சிகளின் விளம்பரங்களுக்கு முற்றிலும் தடை விதிப்பதாகவும் தெரிவித்துள்ளது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஸ்பெயின் செய்தித் தொடர்பாளர் இசபெல் ரோட்ரிக்ஸ், `இந்த மசோதா ஜனநாயகத்துக்கான ஒரு புதிய படியை பிரதிநிதித்துவப்படுத்துகிறது’ எனத் தெரிவித்துள்ளார். ஸ்பெயின் நாட்டின் சமத்துவ அமைச்சர் இரேனே மான்டேரோ, அரசு நிறுவனங்கள் பெண்களின் உடல்கள் தொடர்பான தடைகள், களங்கங்களை நிராகரிக்க வேண்டும் எனக் கேட்டுக் கொண்டுள்ளார்.

Abortion rights (Representational Image)
Abortion rights (Representational Image)
Pexels

ஸ்பெயினில் ஸ்பானிஷ் சோஷியலிஸ்ட் தொழிலாளர் கட்சி கூட்டணி ஆட்சியை அமைத்து நான்கு ஆண்டுகளைக் கடந்துள்ள நிலையில், அரசின் பல செயல்பாடுகள் பெண்களை அடிப்படையாகக் கொண்டுள்ளதை உலக நாடுகள் உற்றுக் கவனிக்கிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism