அதிக மதிப்பெண்கள்

படிக்கலாம்... ஜெயிக்கலாம்!

. எல்லோரின் இலக்கும் வெற்றிதான். அதை எப்படி அடைகிறோம் என்பதில் இருக்கிறது வித்தியாசம். எந்த வழிகளில் படித்தால் எளிதாக இலக்கை அடையலாம்? இதோ வழிகாட்டும் வரிகள்...

. படிக்கும் முறை...

. படுக்கையில் படுத்துக்கொண்டு படிக்காதீர்கள். நிமிர்ந்து உட்கார்ந்து படித்தால், மூளைக்கு தேவையான அளவு ஆக்ஸிஜன் சென்று, ரத்த ஓட்டம் சீராகும். நினைவாற்றல் அதிகரிக்கும்.

. சத்தமா? மௌனமா?

. பாடங்களை சத்தமாகப் படிப்பதால், நினைவாற்றலும் உச்சரிப்பு வளமும் கூடும். எனினும், மனதிற்குள் படிக்கும் பழக்கம் உள்ளவர்கள் அப்படியே படியுங்கள்.

. இடத்தைப் பிடி!

. வீட்டில் அமைதியான இடத்தைத் தேர்ந்தெடுத்து, அங்கு உட்கார்ந்துகொண்டோ, மெதுவாக நடந்துகொண்டோ படிக்கலாம்.

. 2 மணி நேரம்!

. பாடங்களை 2 மணி நேரம் தொடர்ந்து வாசியுங்கள். பிறகு, சிறிது ஓய்வெடுங்கள். அந்த ஓய்வில், தூங்கவோ, டி.வி. பார்க்கவோ கூடாது.

. அதிகாலை...

. அமைதியான அதிகாலை நேரத்தில் கணக்குகளைப் போட்டுப் பார்த்தால், மனதில் நன்றாகப் பதியும். மற்ற பாடங்களும் இப்படித்தான்.

. பழக்கத்தை மாற்றாதே!

. அதிகாலையைவிட மாலையில் படிப்பதுதான் மனதில் பதியும் என்றால், அந்த பழக்கத்தை மாற்றாமல், அப்படியே செய்யுங்கள்.

. முந்திய இரவே...

. இரவு தூங்கச் செல்வதற்கு முன்பே, அடுத்த நாள் படிக்கும் பாடங்களைத் திட்டமிட்டால், இன்னும் சிறப்பாகப் படிக்கலாம்.

. ஸ்டாப்... ஸ்டாப்!

. தூங்கும் நிமிடம் வரை படிக்க வேண்டாம். படுக்கைக்குச் செல்லும் அரை மணி நேரத்துக்கு முன்பே, படிப்பதை நிறுத்திவிடுங்கள்.

. உறங்கும் முன்...

. உறங்கும் முன்பு, அன்று படித்த பாடங்களை ஞாபகப்படுத்திப் பாருங்கள். இதனால், படித்தவை எப்போதுமே மறக்காது.

. வெளிச்சம் முக்கியம்!

. மிகவும் குறைந்த வெளிச்சத்திலோ, கண்கள் கூசும் வெளிச்சத்திலோ, படிக்காதீர்கள். வெளிச்சம் மையமாக இருக்க வேண்டும்.

. ஜன்னல் தேவை!

. மூடிய அறைக்குள் படிப்பது சரியே.ஆனால், ஜன்னலுடன் வெளிக் காற்றும், வெளிச்சமும் இருக்கும் அறையில் படிக்க வேண்டும்.

. கூடுதல் கவனம்!

. கடினமான பாடப் பகுதிகளை தனியே ஒரு நோட்டில் எழுதி வைத்து, அதற்குக் கூடுதல் கவனம் செலுத்திப் படியுங்கள்.

. விட்டுத் தள்ளு!

. கடினமாகவும் சுமையாகவும் கருதும் பாடங்களை நினைத்துக் கவலைப்படாமல், தெரிந்த பாடத்தில் முழுக் கவனத்தையும் செலுத்துங்கள்.

. போரடிச்சா மாற்று!

. சில சமயம் ஒரு சப்ஜெக்ட் படிக்கும்போது போரடிப்பது போல் இருக்கலாம். உடனே, வேறு சப்ஜெக்ட்டுக்கு மாறுங்கள். பிறகு, இதற்கு வரலாம்.

. பிரிச்சும் படிக்கலாம்!

. பெரிய விடைகளை மொத்தமாக மனப்பாடம் செய்வதைவிட, மனதிற்குள் கட்டம் போட்டு, பகுதிப் பகுதியாகப் பிரித்து, மனப்பாடம் செய்வது நல்லது.

. ஒட்டி வை!

. தமிழ் மற்றும் ஆங்கிலப் பாடங்களில் வரும் பாடல்களை அடி பிறழாமல் எழுதி, கண்ணில் படுகிற மாதிரி அறையில் ஒட்டிவையுங்கள்.

. க்ரூப் ஸ்டடி!

. என்னதான் க்ரூப் ஸ்டடியாகப் படித்தாலும், அது 3 மணி நேரத்துக்கு மேல் வேண்டாம். தனியாகவும் சிறிது நேரம் படியுங்கள்.

. டைம் டேபிள்!

. படிக்கும் முன்பு, எத்தனை மணி நேரத்துக்கோ, அதற்கு ஒரு கால அட்டவணையைத் தயார்செய்து, ஃபாலோ செய்தால், நேரம் விரயமாவதைத் தடுக்கலாம்.

. சபாஷ் பரிசு!

. டைம் டேபிள் போட்டவாறு சரியாகப் படித்துவிட்டால், உங்களுக்கு நீங்களே பரிசு கொடுக்கலாம். அது, பிடித்த விஷயத்தைச் செய்வதாக இருக்கலாம்.

. டெஸ்ட் பெஸ்ட்!

. உங்களுக்கு நீங்களே 'டெஸ்ட்’ வைத்து எழுதிப் பார்ப்பதும் நல்ல விஷயம். இதனால், பரீட்சையின்போது பதற்றம் ஏற்படாது.

. அடிக்கடி வரை...

. அறிவியல் பாடங்களின் படங்களை அடிக்கடி வரைந்து, பாகங்களைக் குறித்து, பயிற்சி எடுங்கள். படம் வரைய பென்சில்தான் சிறந்தது.

. ஆங்கிலத்தில்...

. ஆங்கிலப் பாடத்தில் இலக்கண விதிகளை மேலோட்டமாகப் படிக்காமல், நன்கு மனப்பாடம் செய்வது நல்லது.

. வரிசையாக...

. ஒரு மதிப்பெண், இரண்டுக்கு அடுத்து, ஐந்து மதிப்பெண், கடைசியாக, பத்து மதிப்பெண் என்று வரிசையாகப் படிப்பது நல்லது.

. இதையும் படியுங்கள்!

. பாடங்களின் இறுதியில் இருக்கும் மாதிரி வினாக்களையும் தவறாமல் படியுங்கள். இதில் இருந்தும் கேள்விகள் கேட்கப்படலாம்.

. பள்ளியிலே...

. பரீட்சை தொடங்குவதற்கு அரை மணி நேரத்துக்கு முன்பே, படிப்பதை நிறுத்திவிடுங்கள். ரிலாக்ஸ்டாக பரீட்சை அறைக்குள் செல்லுங்கள்

. பரீட்சை ஹாலில்...

. நன்கு விடை தெரிந்த கேள்விக்கான விடைகளை முதலில் எழுதுங்கள். குழப்பமாகத் தோன்றுவதை கடைசியில் பார்க்கலாம்.

. எண்களைக் கவனி!

. கேள்விகளுக்கான வினா எண்களை சரியாகக் குறிப்பிடுங்கள். வினா எண்கள் தவறானால், முழுமையான மதிப்பெண்கள் கிடைக்காது.

. கற்பனை வேண்டாம்!

. புத்தகத்தில் என்ன விடை கொடுக்கப்பட்டு இருக்கிறதோ, அதை மட்டும் எழுதுங்கள். உங்களின் கற்பனைகளைச் சேர்க்காதீர்கள்.

. பாதியில் மறந்தால்...

. ஒரு பதிலை எழுதும்போது பாதியில் மறந்தால், பதற்றம் வேண்டாம். இடம்விட்டு அடுத்த விடைக்குச் செல்லுங்கள்.

. பிறகு எழுதலாம்.

. பரீட்சைக்கு செல்லும் முன்பு இவற்றை மறக்காதீர்கள்!

. ஹோல் டிக்கெட் பென்சில் இரண்டு பேனாக்கள் ரேப்பர் ஸ்கேல் கேணக்கு பரீட்சைக்கு ஜியோமெட்ரி பாக்ஸ் கேர்ச்சீப்தேண்ணீர் பாட்டில்

அதிக மதிப்பெண்கள்

Vikatan Correspondent