Published:Updated:

ஐரோப்பாவில் உயர்கல்வி - 9| ஹங்கேரி நாட்டில் உயர்கல்வி வாய்ப்புகள்; விண்ணப்பிப்பது எப்படி?

ஐரோப்பாவில் உயர்கல்வி | Higher Education in Europe

ஹங்கேரி உயர்கல்விச்சட்டம் 2012, அனைத்து அரசுப் பல்கலைக்கழக நடைமுறை மற்றும் நிதியினைக் கண்காணித்து, கட்டுப்படுத்துகிறது.

ஐரோப்பாவில் உயர்கல்வி - 9| ஹங்கேரி நாட்டில் உயர்கல்வி வாய்ப்புகள்; விண்ணப்பிப்பது எப்படி?

ஹங்கேரி உயர்கல்விச்சட்டம் 2012, அனைத்து அரசுப் பல்கலைக்கழக நடைமுறை மற்றும் நிதியினைக் கண்காணித்து, கட்டுப்படுத்துகிறது.

Published:Updated:
ஐரோப்பாவில் உயர்கல்வி | Higher Education in Europe
இந்திய மாணவ, மாணவிகளின் தேடல்களில் பரவலாக சிக்காத நாடுகளில் அங்கேரி பல்கலைக்கழகக் கல்வியும் ஒன்று. ஏற்கெனவே குறிப்பிட்டது போல, மருத்துவக் கல்விக்கான தேடுதல்களில் ரசியா, சீனா, கிழக்கு ஆசிய நாடுகளுக்கு அடுத்ததாக, கிழக்கு ஐரோப்பிய நாடுகள் இருப்பினும், கிழக்கு ஐரோப்பிய நாடுகளின் பொறியியல், அறிவியல், கலைச் சார்ந்த கல்விக்கான இந்திய மாணவ, மாணவிகளுக்கான விழிப்புணர்வு தேவை என நினைக்கிறேன். 

மேற்கு ஐரோப்பிய நாடுகளின் அழகு, வாழ்க்கைத் தரம், வாழ்விடச் சூழல், கல்வித்தரத்திற்கு ஒப்பானதுதான் அங்கேரி நாட்டுப் பல்கலைக்கழகக் கல்வியும்.  பல்கலைக்கழகக் கல்வியைப் பொறுத்தவரை, அங்கேரி நாட்டிலும் பாரம்பரிய வரலாற்றுத் தொடர்பு உண்டு. 

ஐரோப்பாவில் உயர்கல்வி
ஐரோப்பாவில் உயர்கல்வி

அங்கேரி வரலாற்றில் கல்வி வளர்ச்சி:

16-ம் நூற்றாண்டிலேயே கல்விக்காகவும் சமய சித்தாந்தத்திற்காகவும் புரட்சிகர மாற்றங்கள் உருவாக்கப்பட்டது, தொழிற்நுட்பத் துறைகளுக்கும் அறிவியல் துறைகளுக்கும் இன்னபிற பாடப்பிரிவுகளுக்கும் தாய்மொழிக் கல்வி நடைமுறைப்படுத்தப்பட்டது. 18ஆம் நுற்றாண்டில் அங்கேரி மொழிக் கல்வி தொழிற்நுட்ப மருத்துவத்துறையில் லத்தீன மொழிக்கு மாற்றப்பட்டாலும் அடுத்தடுத்தக் காலக்கட்டத்தில் மீண்டும் அங்கேரி மொழிவழிக் கல்வி எல்லா பாடப்பிரிவுகளிலும் இடம்பெற்றது.18ஆம் நூற்றாண்டிலேயே, அங்கேரி நாட்டில் 4000 தொடக்கப்பள்ளியும் 100ற்கும் மேற்பட்ட மேல்நிலைப்பள்ளிகளும் உருவாகியிருந்தன. 16-17இல் சமய சித்தாந்தக்காரர்கள் முன் கொண்டு வந்த பல மாற்றங்களில் அனைவருக்கும் கல்வி, அனைத்து ஊர்களுக்கும் கல்வி என்ற நிலை உருவானது இங்கே முக்கியமாக நாம் கவனிக்கப்பட வேண்டியது. 

அதே 18ஆம் நூற்றாண்டிலேயே, சமயத்துறையிடம் இருந்த கல்வித்துறையை அரசு நிர்வாகத்தின் கீழ் மாற்றி, கல்வித்தரத்தினை மேம்படுத்தி தொழில்நுட்பத்துறைக்கான வேலை வாய்ப்பு, புதிய தொழிற்சாலைகள் உருவாக்குதலுக்கு ஏற்றக் கல்வி என்ற கோட்பாட்டினை Habsburg Empress Maria Theresa வரையறுத்தார். சமயம் மற்றும் பொதுக்கல்வி அமைச்சர் József Eötvös 1868இல் கொண்டு வந்த கல்விச்சட்டம் 6-15 வயதுக்குட்பட்டவர்களுக்கான கட்டாயக் கல்விச்சட்டத்தின் பின்னர் 1870இல் 64% இருந்த கல்லாமை விகிதம் 1910இல் 31% என குறைந்தது.

அங்கேரி பல்கலைக்கழக வரலாறு:

1367இல் முதன் முதலில் பேக்ஸ் பல்கலைக்கழகம் (University of Pecs) உருவானது தொடக்கம் இன்று அங்கேரியின் பல்கலைக்கழக வரலாற்றிற்கு 650 ஆண்டு பெருமை உண்டு. 1476இல் சமய சித்தாந்தப் பல்கலைக்கழகம் Bishop Count Zsigmond அவர்களால் தொடங்கப்பட்டது. 1635இல் பேராயர் பீட்டர் பாஜ்மானி (Péter Pázmány), அன்றைய இளந்தலைமுறைகளுக்கு சமய சித்தாந்தம் மற்றும் தத்துவவியல் கல்வி வழங்க Eötvös Loránd University தொடங்கினார், அங்கிருந்து சில பாடப்பிரிவுகள் உருவாக, அதற்கேற்ற மாற்றத்திற்காக பூதாவிற்கு (Buda) இடம் மாறி, 1782இல் புத்தாபெஸ்ட் தொழிற்நுட்பம் மற்றும் பொருளியியல் பல்கலைக்கழகம் (Budapest University of Technology and Economics) என மாற்ற கண்டு, உலகின் பழமையான தொழிற்நுட்பப் பல்கலைக்கழகங்களில் ஒன்றையும் தக்கவைத்தது. 

ஐரோப்பாவில் உயர்கல்வி
ஐரோப்பாவில் உயர்கல்வி

ஐரோப்பிய நாடுகளில் பொறியியலாளர்களை பயிற்றுவிக்கும் முதன்மையான தொழிற்நுட்பப் பல்கலைக்கழகம் என்ற பெருமையும் இதற்கு உண்டு. 1925 முதல் பெண்களுக்கான கல்வியும் தொடங்கப்பட்டது. இன்று, 110 கல்வித்துறைகளையும் 1100ற்கும் மேற்பட்ட பேராசிரியர்கள் 400ற்கும் மேற்பட்ட ஆராய்ச்சியாளர்களையும் கொண்டு, அங்கேரி நாட்டிற்கான பொறியியலாளர்களில் 70% வழங்கும் பெருமையையும் உடையது இப்பல்கலைக்கழகம். இப்படித்தொடங்கப்பட்ட பல்கலைக்கழகக் கல்வி, பல படிநிலைகளைக் கடந்து, 13 நோபல் பரிசு விஞ்ஞானிகளை அங்கேரி நாட்டிற்குப் பெற்றுத் தந்திருக்கிறது. 

Eötvös Loránd University 33000 மாணவ, மாணவிகளுடன் அங்கேரியின் அதிகபட்ச எண்ணிகையையும் Budapest University of Technology and Economics தோராயமாக 22000 மாணவ, மாணவிகளுடனும் செயல்பட்டுவருகிறது. அங்கேரியில் ஒட்டுமொத்தமாக, 2,80,000 மாணவ, மாணவிகள் கல்விப்பயின்று வருகின்றனர். அதில், தோராயமாக, 30,000 மாணவ, மாணவிகள் அயல்நாட்டினர்.

அங்கேரிப் பல்கலைக்கழகங்கள்:

இன்று அங்கேரி நாட்டில், அரசுப் (பொதுநிதிப்) பல்கலைக்கழகங்களும் அரசுசாராப் பல்கலைக்கழகங்களும் உண்டு. அரசுசாராப் பல்கலைக்கழகங்களுக்கான நிதியினை தேவாலயங்களும், தொழிற்நுறுவனங்களும், கல்வி அறக்கட்டளையும் வழங்குகிறது. பல்கலைக்கழகங்கள் அதனைச் சார்ந்த கல்லூரிகளும் அங்கேரி நாட்டில் உண்டு. கல்லூரிக் கல்வி 4 ஆண்டுகள், பல்கலைக்கழகக் கல்வி 4 முதல் 6 ஆண்டுகள், வாழ்க்கைத் தொழில் கல்வி 2 ஆண்டுகள், சில கல்லூரிகளில் பள்ளிக்கல்வி, தொழிற்பயிற்சி என வாழ்க்கை தொழில் கல்வியை 5 ஆண்டுகள் நடத்துகின்றனர், இதன்வழி பட்டப்படிப்பிற்கு நுழைவதற்கான சான்றிதழும், தொழிற்சாலை வேலை வாய்ப்புகளும் இடம் கிடைக்கிறது.

ஐரோப்பாவில் உயர்கல்வி
ஐரோப்பாவில் உயர்கல்வி

அங்கேரி உயர்கல்விச்சட்டம் 2012, அனைத்து அரசுப் பல்கலைக்கழக நடைமுறை மற்றும் நிதியினைக் கண்காணித்து, கட்டுப்படுத்துகிறது. 2010 முதல் Budapest University of Technology and Economics, Eötvös Loránd University, Semmelweis University, the University of Debrecen, மற்றும் University of Szeged ஆகிய பல்கலைக்கழகங்கள் ஆராய்ச்சிகளுக்கான நிதி வாய்ப்பினை அங்கேரி மனிதவள அமைச்சகம் வழங்கி வருகிறது.

Corvinus University of Budapest, Szent István University, University of Miskolc, University of Pannonia மற்றும் University of Pécs ஆகிய பல்கலைக்கழகங்கள், ஏதேனும் ஒரு துறையில் சிறந்துவிளங்கி வருவதாலும், உலகத்தர வரிசையில் முன்னணி, அயல்நாட்டு மாணவ, மாணவிகள் நகர்கைக் கல்வி (Mobility Programmes) உள்ளிட்டக் காரணங்களால் சிறப்புப் பல்கலைக்கழக அங்கீகாரம் பெற்று அரசு நிதி ஒதுக்கீடுகளை தொடர்ந்துப் பெற்று வருகிறது. அங்கேரி முழுமைக்கும் 65 உயர்கல்வி நிறுவனங்கள் உள்ளன. அதில், பல்கலைக்கழகங்கள், பயனுறு அறிவியல் பல்கலைக்கழகங்கள், கல்லூரிகள் என பிரிவுகள் உண்டு.

அங்கேரிப் பல்கலைக்கழகக் கல்வி:

 பல்கலைக்கழகக் கல்வி நேரங்களில் கடுமையான கட்டுப்பாடும் வரையறையும் இருக்கும் நாடு அங்கேரி எனலாம். இளநிலைக் கல்வியியல், ஒரு பருவத்திற்கு 300 பாட மணி நேரங்கள், ஒவ்வொரு வாரமும் திங்கள் முதல் வெள்ளி வரை கட்டாய வருகைப்பதிவு. ஒரு பருவத்தில் 10-15 பாடப்பிரிவுகளில் தேர்ச்சிப் பெற வேண்டும். ஒவ்வொருப் பாடப்பிரிவிற்கும் 1-3 ECTS (1 ECTS என்பது 28 மணி நேர வகுப்பு நேரம்) வரை கணக்கிடப்படுகின்றது. வகுப்பு நேரம் அதிகமென்பதால், ஆராய்ச்சிகளுக்கும் செய்முறைக்கல்விக்கும் நேரம் குறைவு. 

 அதனைச் சரிசெய்யும் விதமாக, இளநிலைப் பட்டப்படிப்பில், இருமுகக் கல்வித்திட்டம் (Dual education programmes) அறிமுகப்படுத்தப்பட்டது. வாரத்திற்கு 20-24 மணி நேரங்கள் நிறுவனங்களில் தொழிற்சாலைகளில் பணிகள் வழிக்கல்வித் திட்டம் உள்ளது. முதல் 1-3 வாரங்களில், மாணவ, மாணவிகள் தாங்கள் பயிற்றுவிக்கப்படும் நிறுவனங்களில் கற்றதை வைத்துத் தேர்வுக்கு தயாராகும் விதமாக பணிகளை வடிவமைத்துக்கொள்ள வேண்டும். இப்படியாக,  8-16 வாரங்கள் பயிற்றுவிக்கப்படும். 19 உயர்கல்வி நிறுவனங்கள் 79 வகையான இளநிலைக் கல்வியை (பொறியியல், இயற்-அறிவியல், வேளாண்மை, கணினி, பொருளியியல்) இருமுகக் கல்வித்திட்டத்தில் வழங்குகின்றன.

 இவைகளோடு, அங்கேரிப் பல்கலைக்கழகங்கள் ஐரோப்பிய நாடுகள்/அயல்நாடுகளின் பல்கலைக் கழகங்களின் ஒத்துழைப்போடு, கூட்டுப் பட்டப்படிப்பு வகையில் (Joint Degrees) இரட்டைப் பட்டப்படிப்பு (Double Degrees) வழங்குகிறது. இத்தகையக் கல்வியியல் மாணவ, மாணவியர் இருப் பல்கலைக்கழகங்களிலும் அனுமதிக்கப்பட்டு, இருப் பல்கலைக்கழகப் பட்டப்படிப்பை நிறைவுச் செய்வர். கால்நடை மருத்துவம், மனித மருத்துவம், மருந்தியல், சட்டம், கட்டிடக்கலை உள்ளிட்ட சிலப் பாடப்பிரிவுகள் இளநிலை மற்றும் முதுநிலைக் கல்வியை இணைத்து 5-6 வருடங்கள், 10-12 பருவக் கல்வி முறையில் வழங்கப்படுகிறது. 300-360 ECTS வரை பெறவேண்டும். 

  1. அங்கேரி நாட்டுப் பல்கலைக்கழகங்கள்

அங்கேரி நாட்டுப் பல்கலைக்கழகங்கள் குறித்த மேலதிக தகவல்களைப் பெற கீழே உள்ள இணைப்புகளைக் காணலாம்.

http://studyinhungary.hu/study-in-hungary/menu/universities.html 

https://tka.hu/international-programmes/15972/hungarian-higher-education 

https://www.euroeducation.net/prof/hungarco.htm 

  1. அங்கேரி பல்கலைக்கழகத் தரவரிசை 

அங்கேரிப் பல்கலைக்கழகங்களும் சில பாடப்பிரிவுகளும் உலகத்தர வரிசையில் முன்னணியில் உள்ளவையே. முதல் 1000 எண்ணிக்கையில், The times World University Rankingsஇல் 5 அங்கேரி நாட்டுப் பல்கலைக்கழகங்கள் QS World University Rankingஇல் 8 அங்கேரிப் பல்கலைக்கழகங்களும் முதல் 500 இடங்களில் கலை, மருத்துவகம் (clinics), சுகாதாரம், இயற் அறிவியல், மனநலவியல், சமூகவியல் உள்ளிட்டப் பாடப்பிரிவுகள் இடம்பெற்றுள்ளன.

https://www.timeshighereducation.com/student/where-to-study/study-in-hungary 

https://cwur.org/2021-22/country/hungary.php 

ஐரோப்பாவில் உயர்கல்வி
ஐரோப்பாவில் உயர்கல்வி
  1. அங்கேரி பட்டப்படிப்பு நுழைவு விதிமுறைகள்

இளநிலை, முதுநிலை குறித்தப் பட்டியலை ஒவ்வொரு பல்கலைக்கழக இணையத்திலும் காணலாம்.

உதாரணமாக, Eötvös Loránd University கற்றுக்கொடுக்கும் பாடப்பிரிவுகள் குறித்தச் செய்திகளை கீழே உள்ள இணைய இணைப்பில் காணலாம்.

 https://www.elte.hu/en/find-degree-program 

Budapest University of Technology and Economics வெளியிட்டுள்ள பட்டியலைக் காண,

https://www.bme.hu/available-programmes?language=en என்ற இணைய முகவரியைப் பார்க்கலாம்.

விண்ணப்பங்களுக்குத் தேவையான தகவலைக் காண, https://www.bme.hu/degree-programs-fee-paying-students?language=en என்ற இணைய முகவரியைப் பார்க்கலாம்.

3அ) இளநிலைப் பட்டப்படிப்புகள்

பள்ளிச்சான்றிதழ், ஆங்கிலப் புலமைச் சான்றிதழ் (IELTS or TOEFL or Cambridge test), சில பல்கலைக்கழகம்/பாடப்பிரிவைப் பொறுத்துத் தகுதித் தேர்வு உள்ளது. ஒவ்வொருப் பாடப்பிரிவிற்கும் ஒருவேளை தேவையான தகுதியை எட்டவில்லை எனில், ஓராண்டு தயார்படுத்துதல் பாடப்பிரிவில்  (Preparatory courses) பயிலும் வாய்ப்பு வைத்திருக்கிறார்கள். பொறியியலுக்கு மட்டுமின்றி, இயற்பியல், வேதியியல், ஆங்கிலம், கலைப்பாடங்கள் உள்ளிட்டவைகளுக்கும் இத்தகையக் கல்வியை வழங்குகிறார்கள்.

McDaniel Budapest கல்லூரி போன்ற அமெரிக்கப் பல்கலைக்கழகப் பிரிவு கல்லூரி/பல்கலைக்கழகங்களின் சேர்க்கைக்கு, கூடுதலாக, SAT போன்றத் தேர்வுகளில் தேர்ச்சிப் பெற்றிருக்க வேண்டும்.

3ஆ) முதுநிலைப் பட்டப்படிப்புகள்

முதுநிலைக் கல்வியியல் சேர, இளநிலைப் பட்டப்படிப்புச் சான்றிதழ், ஆங்கிலப் புலமைச் சான்றிதழுடன், இருப் பேராசிரியர்களின் பரிந்துரைக் கடிதம் அவசியம். சிலப் பாடப்பிரிவுகளுக்கு தகுதித்தேர்வு இருக்கலாம். அதோடு, மருத்துவம் (6 ஆண்டுகள் கல்வி என்பதால் முதுநிலைப் பிரிவில் உள்ளது), முதுநிலை வணிக நிர்வாகவியல் (MBA) உள்ளிட்டப் பாடப்பிரிவுகளுக்கு ஓராண்டு தயார்ப்படுத்துதல் வகுப்புகள் நடத்துகிறார்கள்.

  1. கல்விக்கட்டணம்

ஓராண்டு தயார்ப்படுத்துதல் வகுப்புகளுக்குத் தோராயமாக 3200 யூரோ முதல் 4000 யூரோ வரை (இந்திய ரூபாய் 2.65 லட்சங்கள் முதல் 3.30 லட்சங்கள் வரையில்), இளநிலைக் கல்விக்கு (அறிவியல், பொறியியல், கலைப்பாடங்கள்) அரசுப் பல்கலைக்கழகங்களில் அயல்நாட்டு மாணவ, மாணவியர்களுக்கு ஆண்டொன்றிற்கு தோராயமாக 3500 யூரோ முதல் 6500 யூரோ வரையிலும் (இந்திய ரூபாய் 2.90 லட்சங்கள் முதல் 5.35 லட்சங்கள் வரையில்), தனியார் பல்கலைக்கழகங்களில் தோராயமாக 7500 யூரோ முதல் 18000 யூரோ வரையிலும் (இந்திய ரூபாய் 6.25 லட்சங்கள் முதல் 14.90 லட்சங்கள் வரையில்) கட்டணமாகிறது.

மருத்துவக் கல்விக்கு ஆண்டொன்றிற்கு தோராயமாக 17500 யூரோ செல்வாகிறது. 

  1. ஜெர்மன் மற்றும் ஆங்கிலப்புலமைத் தேர்வு  

சில பாடப்பிரிவுகளுக்கு ஜெர்மன் மொழிப் புலமை தேவைப்படலாம். அத்தகைய சூழலில், ஜெர்மன் மொழியில் B2 Level தேர்ச்சிப் பெற்றிருக்க வேண்டும், அல்லது பள்ளி வகுப்புகளில் குறைந்தது 4 ஆண்டுகள் ஜெர்மன் மொழிப்பாடம் படித்துத் தேர்ச்சிப் பெற்றிருக்க வேண்டும்.

ஆங்கிலப் புலமைச் சான்றிதழுக்கு  PTE Academic, TOEFL iBT, IELTS Academic, C1 Advanced or C2 Proficiency. ஒருவேளை, ஆங்கிலப் புலமைச் சான்றிதழ் இல்லையெனில், ஆங்கிலப் புலமைக்கான தயார்படுத்துதல் வகுப்பினை பல்கலைக்கழகங்களே நடத்துகிறார்கள். அதில் சேர்ந்தும், தகுதிப் பெறலாம். சில நேரங்களில் இணைய வகுப்பிற்கும் வாய்ப்பு உள்ளது.

4. விண்ணப்பிக்கும் முறை 

மருத்துவக் கல்விக்கான சேர்க்கைக்கான விதிகள் குறித்து அறிய எங்கள் Mullai Academia International நிறுவனத்தைத் தொடர்புக்கொள்ளலாம். நாங்கள் Semmelweiss பல்கலைக்கழகத்திற்கான அங்கீகரிக்கப்பட்ட முகவர்கள்.

https://semmelweis.hu/english/education/english-language-program/application-admission/local-representatives/

ஏனைய பல்கலைக்கழகங்களுக்கான விண்ணப்பிக்கும் முறை குறித்து அறிய அந்தந்தப் பல்கலைக்கழக இணையத்தில் காணலாம்.

உதாரணமாக, Eötvös Loránd University விண்ணப்பிக்கும் முறை தொடர்பான காணொளி வெளியுட்டுள்ளார்கள். பார்த்துப் பயனடையலாம்.

https://www.elte.hu/en/content/application-tutorial  

Eötvös Loránd University (ELTE) பல்கலைக்கழகத்திற்கு விண்ணப்பிக்க : https://apply.elte.hu/

Budapest University of Technology and Economics (BME) பல்கலைக்கழகத்திற்கு விண்ணப்பிக்க : http://e-admission.bme.hu/. 

Budapest Business school ற்கு விண்ணப்பிக்க : https://apply.uni-bge.hu/ 

University of Pecs பல்கலைக்கழகத்திற்கு விண்ணப்பிக்க : https://international.pte.hu/admission/how-apply 

McDaniel College Budapest கல்லூரிக்கு விண்ணப்பிக்க, https://application.mcdaniel.hu/users/sign_in 

அனைத்துப் பல்கலைக்கழகங்களுக்கும் விண்ணப்பக் கட்டணமாக 100யூரோ முதல் 150 யூரோ வரை தேவைப்படும் தோராயமாக, இந்திய ரூபாய் மதிப்பில், 8250 முதல் 12500 வரை.

ஐரோப்பாவில் உயர்கல்வி
ஐரோப்பாவில் உயர்கல்வி

5. விண்ணப்பிக்கும் நாட்கள்

செப்டம்பர் வகுப்பில் இணைய தோராயமான விண்ணப்பக் காலம் ஏப்ரல் 1 முதல் ஜூன் 15 வரை இருக்கும். 

பிப்ரவரி வகுப்பில் இணைய தோராயமான விண்ணப்பக்காலம் அக்டோபர் 1 முதல் டிசம்பர் 15 வரை இருக்கும்.

6. வாழ்க்கைச் செலவு

 ஓராண்டு மாணவ நுழைவிசைவு (Student Visa) விண்ணப்பிக்கும் முன் மாதம் 700 யூரோ என்ற அளவில் எத்தனை மாதங்களுக்கான விண்ணபம் எனக் கணக்கிட்டு, வங்கியில் வைப்பு வைத்திருக்க வேண்டும். தோராயமாக, இந்திய ரூபாயில் 58000 மாதச் செலவிற்கென ஒதுக்கி வைத்துக்கொள்ள வேண்டும். பகுதி நேர மாணவ வேலைக்காக சட்டப்படி 24 மணி நேரங்கள். பருவத்தேர்வு நிறைவடைந்துவிட்டாலோ, பட்டப்படிப்பின் கல்விக்காலம் நிறைவடைந்துவிட்டாலோ, அடுத்து வரக்கூடிய 90 நாட்கள் வரை வாரம் 24 மணி நேரம் என்ற கணக்கில் பகுதி நேர வேலை செய்யலாம். 

இவையில்லாமல், மாணவர்களுக்கென திரையரங்கம், விளையாட்டு அரங்கம், பொதுப்போக்குவரது என பலவற்றில் தள்ளுபடிகள் ஏராளமாக உள்ளன. உதாரணமாக, மாணவர்களுக்கு பொதுப்போக்குவரத்துகளில் 50% தள்ளுபடி உண்டு. சில தொலைத்தூரத் தொடர்வண்டி நிறுவனங்களும் மாணவர்களுக்கு தள்ளுபடி வழங்குகின்றன.

7. மாணவ நுழைவிசைவு (Student Visa) 

மாணவ நுழைவிசைவு (student visa) தொடர்பான அனைத்துத் தகவல்களையும் அங்கேரி நாட்டின் வெளியுறவு அமைச்சக இணையம் வாயிலோகவோ இந்தியாவில் VFS Global நிறுவனம் வழியாகவோ முழுமையானத் தகவல்களைப் பெறலாம்.

https://konzuliszolgalat.kormany.hu/ 

https://konzuliszolgalat.kormany.hu/how-to-apply-for-visa 

8. அங்கேரி நாட்டு கல்வி ஊக்கத்தொகை

அங்கேரி ஊக்கத்தொகை (Stipendium Hungaricum): 

அயல்நாட்டு மாணவர்களுக்கென அதிக ஊக்கத்தொகை வழங்கும் நாடுகளில் அங்கேரியும் ஒன்று. அதற்கென Stipendium Hungaricum (Latin இல் “Hungarian Scholarship”) தனியே உருவாக்கப்பட்டுள்ளது, இவ் ஊக்கத்தொகை வழியே முழுமையான கல்விக்கட்டணம், மருத்துவக் காப்பீடு, வீட்டு வாடகையில் சலுகை, மாதச் செலவுகளுக்கான குறிப்பிட்டத் தொகை என அனைத்தும் வழங்கப்படுகிறது.  மேலதிகத் தகவல்களைப் பெற, கீழே உள்ள இணைப்பைக் காணலாம். 

https://uni-eszterhazy.hu/en/m/students/prospective-students/scholarships-exchange/stipendium-hungaricum 

முழு நேரப் பட்டப்படிப்புக்கு மட்டுமின்றி, பகுதி நேரக் கல்விக்கும் இந்த ஊக்கத்தொகையினை வழங்குகிறார்கள். வேளாண்மை, கலை, பொருளாதாரம், மேலாண்மை, வணிகம், பொது நிர்வாகம், கல்வியியல், கணினி, கணிதம், சட்டம், சமூக அறிவியல், இயற் அறிவியல், தொழிற்நுட்பம், பொறியியல், கட்டிடக்கலை, சுற்றுலாத்துறை என அனைத்திற்கும் இந்த ஊக்கத்தொகை வழங்கப்படுகிறது.

ஐரோப்பாவில் உயர்கல்வி
ஐரோப்பாவில் உயர்கல்வி

ஈரிடை அரசு ஊக்கத்தொகை (Bilateral State Scholarship): 

அங்கேரி அரசு 68 நாடுகளுடன் ஈரிடை அரசு ஊக்கத்தொகைக்கான புரிந்துணர்வு ஒப்பந்தம் வைத்துள்ளது. இதன் வழியாகவும் இந்தியாவில் பயிலும் மாணவ, மாணவிகளின் பல்கலைக்கழகங்களின் பரிந்துரைப்பேரிலும் அல்லது தனிப்பட்ட முறையிலும் இத்தகைய ஊக்கத்தொகைக்கு விண்ணப்பிக்கலாம்.  இளநிலை, முதுநிலைக் கல்விக்காக மட்டுமின்றி, முனைவர் பட்ட ஆராய்ச்சிக்காலத்தின் குறிப்பிட்டக் காலத்திற்கான (3-10 மாதங்கள்) அங்கேரி நாட்டிற்கான ஆராய்ச்சிப் பயணத்திற்கும், கோடைக்காலப் பள்ளிகளுக்கும்/சிறப்பு வகுப்புகளுக்கும் (3-10 வாரங்கள்) என பலவற்றுக்கும் மாணவ, மாணவிகள் விண்ணப்பிக்கலாம்.

https://tka.hu/international-programmes/4133/information-for-applicants 

9. அங்கேரி நாட்டுப் பல்கலைக்கழகங்கள்

Eötvös Loránd University, Budapest

Budapest University of Technology and Economics, Budapest

University of Debrecen, Debrecen

University of Szeged, Szeged

Central European University, Budapest

Corvinus University of Budapest, Budapest

Hungarian University of Fine Arts, Budapest

Kodolanyi Janos University College, Székesfehérvár

Moholy-Nagy University of Art and Design Budapest, Budapest

Óbuda University, Budapest

Pázmány Péter Catholic University, Budapest

Physical Education and Sport Sciences University at Semmelweis, Budapest

Semmelweis University, Budapest

University of Miskolc, Miskolc

University of Pannonia, Veszprém

University of Pecs, Pécs

University of Szeged, Szeged

University of West Hungary, Sopron

- முனைவர் விஜய் அசோகன்