Published:Updated:

ஒரு லைக்...இரண்டு கமென்ட் !

பா.ஜான்ஸன்

ஒரு லைக்...இரண்டு கமென்ட் !

பா.ஜான்ஸன்

Published:Updated:

இப்போதே என்னடா ஃபேஸ்புக்குன்னு அலுத்துக்க ஆரம்பிச்சிட்டோம். இன்னும் கொஞ்சம் வருஷம் கழிச்சு இந்த ஃபேஸ்புக்  சமூகத்தை யோசிச்சுப் பாருங்க...

'கட்சியின் உறுப்பினராக இருந்துகொண்டு, எங்கள் தலைவர் போட்ட ஸ்டேட்டஸையே லைக் செய்யாததை வன்மையாகக் கண்டிக்கிறோம்!’னு போராட்டம் வெடிக்கும்.

''ஜாதகப்படி உங்க ஃபேஸ்புக்கு புரொஃபைலுக்கும் அந்தப் பொண்ணோட புரொஃபைலுக்கும் 46 மியூச்சுவல் ஃப்ரெண்ட்ஸ்தான் இருக்காங்க. ஜாதகத்துல எந்தப் பொருத்தம் இருக்கோ இல்லியோ, ஃபேஸ்புக் பொருத்தம் இருக்க வேண்டியது ரொம்ப முக்கியம்''னு ஜோசியர் சொல்லிக்கொண்டு இருப்பார்.

ஒட்டுமொத்த விகடனுக்கும் ஒரே ஷார்ட்கட்!

ஒரு லைக்...இரண்டு கமென்ட் !

'லைக் போடுடா!’, 'ஒரு லைக், இரண்டு கமென்ட்டுகள்’, 'எங்க ஊரு ஃபேஸ்புக்காரன்’ என்று சினிமா படங்களுக்கு டைட்டில்கள் வைக்கப்படும். 'நான் ஒரு லைக் போட்டா, நூறு லைக் போட்ட மாதிரி!’, 'நான் ஒரு கமென்ட் போட்டதுக்கே ச்சும்மா அதிருதுல்ல..?’ என்று ரஜினி பஞ்ச் டயலாக் பேசுவார்.

''ஃபேஸ்புக்ல நடக்குற அநியாயத்தைப் பார்த்து கோபமாகுற ஹீரோ, அந்த அநியாயத்தைத் தட்டிக்கேட்டு ஜெயிக்கிறான் சார்! படம் முழுக்க ஃபேஸ்புக்லயே நடக்குது. சும்மா டைட்டானிக்குக்கே சவால்விடுறோம் சார்''னு யாராவது ஒருத்தர் புரொடியூஸர்கிட்ட கதை சொல்லி, ஓகே வாங்கலாம்!

தமிழ் புக், இங்கிலீஷ் புக் மாதிரி ஃபேஸ்புக்குக்கும் கட்டாயப் பாடம் எனச் சட்டம் கொண்டுவரப்படும்.

ஒரு லைக்...இரண்டு கமென்ட் !

மார்க் ஸுகர்பெர்க் ரசிகர் மன்றம், நற்பணி மன்றம் ஆரம்பித்து, அவருக்கும் சிலை வைக்கப்படும்.

அருள்மிகு ஃபேஸ்புக் மாரியம்மன்னு கோயில் கட்டி, கும்பாபிஷேகம் நடத்த, உங்ககிட்டயே நன்கொடை வசூலிக்க வருவார்கள். மறுக்காம கொடுத்துடுங்க. இல்லைன்னா தெய்வக்குத்தம் ஆகிடும்.

''கனம் நீதிபதி அவர்களே, குற்றம் சட்டப்பட்டிருக்கும் நபர், எனது கட்சிக்காரர் போட்ட ஸ்டேட்டஸ் எல்லாவற்றிலும் கேலியாக கமென்ட் செய்து, அவரைக் கடும் மன உளைச்சலுக்கு ஆளாக்கியிருக்கிறார். எனவே, இவரை ஆயுள் முழுவதும் ஃபேஸ்புக் உபயோகிக்கத் தடைசெய்து தீர்ப்பளிக்குமாறு தாழ்மையுடன் கேட்டுக்கொள்கிறேன்''னுகூட கோர்ட்களில் வாதாடப்படலாம்.

'உங்கள் ஸ்டேட்டஸுக்கு லைக்ஸ் வரவில்லையா? கவலை வேண்டாம். முப்பதே நாளில் ஃபேஸ்புக்!’ எனப் புத்தகம் போட்டு விற்கும் காலம் வரும்.

''எலே, யாருலே அது! ஒரு லைக் போடாததால, அவங்க ஊரும் நம்ம ஊரும் பிரச்னைல இருக்கு. நீ என்னடான்னா அவங்க ஊர் பொண்ணுக்கே ஃப்ரெண்டு ரெக்வஸ்ட் அனுப்புறியா? உன்னை ஊரை விட்டுத் தள்ளி வைக்கிறேன். இவனோட யாரும் இனிமே சகவாசம் வெச்சுக்கக் கூடாது; அன்னந்தண்ணி புழங்கக் கூடாது''னு பஞ்சாயத்துகளில் நாட்டாமை தீர்ப்பெழுதலாம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism