Published:Updated:

ஃபன் டேட்டா

ஃபன் டேட்டா
பிரீமியம் ஸ்டோரி
ஃபன் டேட்டா

பரிசல் கிருஷ்ணா - ஓவியங்கள்: ரமணன்

ஃபன் டேட்டா

பரிசல் கிருஷ்ணா - ஓவியங்கள்: ரமணன்

Published:Updated:
ஃபன் டேட்டா
பிரீமியம் ஸ்டோரி
ஃபன் டேட்டா

டாடா பிர்லா காலத்துல இருந்தே டேட்டாதான் எல்லாம்னு ஒரு டேட்டா சொல்லுது. தேர்தல்ல சர்வே எடுத்து டேட்டா கலெக்ட் பண்ணுது எல்லாக் கட்சியும். கலெக்ட் பண்ற டேட்டாவெல்லாம் ஓட்டா மாறுதான்னா, இல்லைன்னு இன்னொரு சர்வே டேட்டா சொல்லுது. எல்லாத்தையும் சொல்ற டேட்டா, இன்னும் டீப்பா போனா என்னென்ன சொல்லும்?

ஃபன் டேட்டா

ஒரு வீட்டில் சராசரியாக ஓர் ஆண்டுக்கு 298 கிலோ ரவை, உப்புமாவுக்காகக் கிண்டப்படுகிறது.

ஒட்டுமொத்த விகடனுக்கும் ஒரே ஷார்ட்கட்!

ஃபன் டேட்டா

சீமான் இதுவரை 98,767 முறை தன் முஷ்டியை உயர்த்தி இருக்கிறார்.

ஃபன் டேட்டா

வருடத்துக்கு 28 மணி நேரம் மட்டும் மிஷ்கின் கண்ணாடி இல்லாமல் இருக்கிறார்.

ஃபன் டேட்டா

நெடுஞ்சாலைப் பயணங்களின்போது ஹோட்டல்களுக்குச் செல்பவர்களில் 34 சதவிகிதம் பேர் சாப்பிடச் செல்கிறார்கள். பாக்கி இருப்பவர்கள் டாய்லெட்டுக்காகச் செல்கிறார்கள்.

ஃபன் டேட்டா

இரண்டு வருடத்திற்கு மேல் ஓர் அலுவலத்தில் பணிபுரியும் ஊழியர்கள் சராசரியாக மாதத்திற்கு 26 முறை  ‘பேப்பர் போடப்போறேன்’ என்று சக நண்பர்களிடம் சொல்கிறார்கள். பாக்கி நான்கு நாள்கள் சண்டே.

ஃபன் டேட்டா

‘குத்துப்பாட்டு கேட்டால் உடனே ஆட வேண்டும் போல இருக்கிறது’ என்று சொல்பவர்களில் 93 சதவிகிதப் பேருக்கு ஆடவே தெரியாது.

ஃபன் டேட்டா

வைகோ ஓர் ஆண்டுக்கு 8,92,388 மைல் நடக்கிறார்.

ஃபன் டேட்டா

97 சதவிகிதம் மனைவிகள் அலுவகத்தில் இருக்கும் தங்கள் கணவனிடம் கேட்கும் கேள்வி “வீட்டுக்கு எப்ப வர்றீங்க?” அதில் 57 சதவிகிதம் கணவர்கள் அந்தக் கேள்வி வரும்போது அலுவலகத்தில் இருப்பதில்லை.

ஃபன் டேட்டா

பெரிய மருத்துவமனையில் பணிபுரியும் டாக்டர்  ஓர் ஆண்டுக்கு 217 முறை ‘எதுவாக இருந்தாலும் 24 மணி நேரம் கழிச்சுதான் சொல்ல முடியும்’ என்று கண்ணாடியைக் கழட்டிக் கொண்டு சொல்கிறார்.

ஃபன் டேட்டா

கணவன் மனைவி / காதலர்களுக்குள்ளான சண்டைகளில் 21 சதவிகிதம் தானாக தீர்வுக்கு வருகின்றன. மிச்சம் 79 சதவிகிதத்தைப் பிரியாணி தீர்த்து வைக்கிறது.

ஃபன் டேட்டா

எவ்வளவு பெரிய சமூகப் பிரச்னையையும் ஒரு ஸ்டேட்டஸ் போடுவதால் தீர்க்க முடியும் என்று ஃபேஸ்புக் கணக்கு வைத்திருப்பவர்களில் 48 சதவிகிதம் பேர் நம்புகிறார்கள்.

ஃபன் டேட்டா

ஒரு பெரிய பிரச்னையை மக்கள் ஞாபகம் வைத்துக் கொண்டு புரட்சி செய்யும் கால அளவு, ஆறு மாதங்களில் இருந்து இரண்டு மாதங்களாகக் குறைந்துவிட்டதாக சமீபகாலப் புள்ளி விபரங்கள் தெரிவிக்கின்றன.

ஃபன் டேட்டா

பொது இடங்களில் 96 சதவிகிதம் பேர் மொபைல் ஸ்கிரீனைப் பார்த்தபடிப் பயணிக்கிறார்கள். அதில் 59 சதவிகிதம் பேர் தங்கள் மொபைலையும், 37 சதவிகிதம் பேர் பக்கத்தில் இருப்பவர்கள் மொபைல் ஸ்கிரீனையும் பார்க்கிறார்கள்.

ஃபன் டேட்டா

திரையரங்குகளில் ரசிகர்கள் 51 சதவிகிதம் பேர் திரையையும், 49 சதவிகிதம் பேர் தங்கள் மொபைலின் திரையையும் பார்க்கிறார்கள்.

ஃபன் டேட்டா

வாகன ஓட்டிகளில் 76 சதவிகிதம் பேர் பிரேக் பயன்படுத்த வேண்டிய நேரங்களில் ஹாரனைப் பயன்படுத்துகிறார்கள்.

ஃபன் டேட்டா

பெண்கள் ஆன்லைனில் ஷாப்பிங் செய்வதால் ஆண்டுக்கு 456 மணி நேரம் மிச்சமாகிறது - அவர்களின் கணவர்களுக்கு.

ஃபன் டேட்டா

தொடர்ந்து இரண்டு நாள்கள் ப்ரேக்கிங் நியூஸ் பார்க்காமல் நியூஸோஃபோபியாவால் பாதிப்பு ஏற்பட்டவர்களில் தமிழகத்திற்கு முதலிடம் என்கிறது ஓர் ஆய்வு.

ஃபன் டேட்டா

வீட்டில் நூலகம் வைத்திருப்பவர்கள் தங்கள் வருட வருமானத்தில் 21 சதவிகிதம் புத்தகங்களுக்காகச் செலவிடுகிறார்கள். வாங்கியவற்றில் 81 சதவிகிதம் இன்னும் பிரிக்காமலே வைத்திருக்கிறார்கள்.

ஃபன் டேட்டா

கிஸ்ஸிங் எமோஜியை காதலர்களைவிட 1.5 மடங்கு அதிகமாகத் திருமணமானவர்கள்தான் பயன்படுத்துகிறார்கள். ஆனால், யாருக்காகப் பயன்படுத்துகிறார்கள் என்ற புள்ளிவிபரம் இன்னும் வெளியாகவில்லை.

ஃபன் டேட்டா

காதலர்கள் தங்கள் சாட்டிங்கில் ‘ம்ம்ம்’ என்பதை 59 சதவிகிதமும், அப்புறம்’ என்பதை 37 சதவிகிதமும் பயன்படுத்துகிறார்கள்.