Published:Updated:

கார்ட்டூன் வி.ஐ.பி !

கார்ட்டூன் வி.ஐ.பி !

கார்ட்டூன் வி.ஐ.பி !

கார்ட்டூன் வி.ஐ.பி !

Published:Updated:

இரா.நடராசன்

அந்த ஊர் பெயர் கிஷ்கிந்தா. கோகுலபுரம் எனவும் சொல்லலாம். அங்கே, அழகும் அற்புதமுமான  ஒரு வனம். அதை நந்தவனம் என்று  தேவர்கள் அழைத்தார்கள். அங்கே விளையாடிக் கொண்டிருந்த மாடு மேய்க்கும் சிறுவர்கள் மத்தியில் போய் நின்றாள் அந்தச் சுட்டி. ஒரு கையில் கேமரா... தோளில் டேப்ரெக்கார்டர் இருக்கும் பை. குறிப்புதவி அட்டை மறு கையில் இருந்தது. சிறுவர்கள் அவ¬ளைக் கண்டு அதிசயித்தார்கள்...

கார்ட்டூன் வி.ஐ.பி !

பலராமன்: கிருஷ்ணா... இங்கே பார்த்தாயா... என்ன ஒரு விநோதம்! இவள் அந்த கம்சனால் நம்மைக் கொலை செய்ய அனுப்பப்பட்டவளாக இருக்கவேண்டும்.

 ##~##

கிருஷ்ணன்: என்ன பலராமா... எதற்கெடுத்தாலும் சண்டைக்கு நான் முந்தி என்று இருக்கிறாயே... இரு   விசாரிப்போம்!

சுட்டி: கிருஷ்ணா... பலராம் மற்றும் நந்தவன நண்பர்களே... உங்களை எங்களுக்கு மிகவும் பிடிக்கும்.

பலராமன்: எங்களை எப்படி உனக்குத் தெரியும்?

சுட்டி: உங்களைத் தெரியாதவர்கள் இந்த உலகத்தில் இருக்க முடியுமா? ஏற்கெனவே ஃபேமஸ்... இப்போது கார்ட்டூன் வி.ஐ.பிகளாக வேறு ஆகிவிட்டீர்கள்.

பலராமன்: நீ... இனிக்க இனிக்கப் பேசுகிறாய்! உன் பெயர் என்ன?

சுட்டி: என் பெயர் ஓவியா. நான் புதுச் சேரியில் உள்ள ஸ்டேன்ஸ்போர்ட் சர்வதேச மேல்நிலைப் பள்ளியில் ஏழாம் வகுப்பு படிக்கிறேன். சுட்டிகளுக்காக உங்களைச் சந்தித்து, பேட்டி எடுக்க வந்திருக்கிறேன்.

கார்ட்டூன் வி.ஐ.பி !

கிருஷ்ணன்: பலராமா... உன்னைப் பற்றி பூலோகத்தில் பெருமையாகப் பேசப் போகிறார்கள்.

ஓவியா : எங்கள் அனைவருக்குமே உங்களையும் நீங்கள் செய்யும் குறும்புகளையும் ரொம்பப் பிடிக்கும். கிருஷ்ணா அண்ட் பலராம் டி.வி-யில் வந்தால் அங்கே இங்கே நகரவே மனம் வராது.

பலராமன்: கேட்கவே மகிழ்ச் சியாக இருக்கிறது.

கிருஷ்ணன்: பலராமன் கோபப் பட்டு எதிரிகளைப் பந்தாடுவதும் உங்களுக்குப் பிடிக்குமா?

ஓவியா: கொடுங்கோலன் கம்சன் அனுப்பும் ஒவ்வொரு ராட்சசனையும் நீங்கள் இருவருமாக வீழ்த்துவதும், இந்திரன் முதல் பலருக்கும் உதவுவதும் எங்களுக்குப் பிடிக்கும். கோகுலத்தின் சாதாரண மக்களுக்கு மகிழ்ச்சியோடு நீங்கள் உதவுவதும், எப்போதும் விதவிதமாய் விளையாடுவதும் கூட பிடிக்கும்.

பலராமன்: கோவர்த்தன மலையை கிருஷ்ணன் தூக்கியதையும், ஐந்து தலை நாகமான காலிங்கனை அடக்கி நடனம் புரிந்ததையும் கூட பார்த்தீர்களா?

ஓவியா: ஆமாம்! என்ன ஒரு மாயாஜாலம்! இந்தியாவில் முதன் முதலில் கார்ட்டூனாக கிருஷ்ணர் வந்தது எப்போது?

பலராமன்: அமர் சித்திரக் கதைகள் மூலம் கிருஷ்ணனையும் என்னையும் ஐம்பது ஆண்டுகளுக்கு முன்பே கார்ட்டூனாக அறிமுகம் செய்தார்கள். அது புத்தகத்தில் வந்தது.

கார்ட்டூன் வி.ஐ.பி !

கிருஷ்ணன்: பலராமா... அவன் அதைக் கேட்கவில்லை. கார்ட்டூன் டி.வியில் வருவதைப் பற்றிதான் கேட்கிறான்.

பலராமன்: ஓ... அதுவா? நமது நாட்டின் முதல் டி.வி. கார்ட்டூன் 1974-ல் அறிமுகமானது. அதுவே கிருஷ்ணனைப் பற்றியதுதான். அதன் பிறகு, காயாப் சூய்யா என்று முதல் டி.வி. தொடராகவும் கார்ட்டூன் வந்தது. அதை இயக்கியது சுதா சத்வ பாசு என்பவர்.

கிருஷ்ணன்: 2006, செப்டம்பர்-26 முதல் நமது 'கிருஷ்ணா அண்ட் பலராம்’ கார்ட்டூன் 22 நிமிட சிறு படங்களாக கிரீன் கோல்டு அனிமேஷன் மூலம் வருகிறது.

ஓவியா : ஏராளமான புராண இதிகாச கால தகவல்களுடன் எங்களுக்கு மகிழ்ச்சி அளிப்பதாக கிருஷ்ணா அண்ட் பலராம் வருகிறது. இதன் இயக்குநர் யார்?

பலராமன்: அது ஒரு பெரிய டீம்.  அதன் தலைவர் அமான்கான். மொத்தம் 26 கதைகள் இதுவரை வெளிவந்துள்ளன.

ஓவியா : மிக்க மகிழ்ச்சி! மேலும் மேலும் கிருஷ்ணனின் குறும்பையும் பலராமனின் தைரியத்தையும் பார்க்க நாங்கள் விரும்புகிறோம்.

பலராமன்: கண்டிப்பாக! உங்களை மகிழ்ச்சிப்படுத்தும் பல விஷயங்களை தொடர்ந்து செய்வோம்.

கிருஷ்ணன்: மிகவும் தைரியமா கவும், புத்திசாலித்தனமாகவும் பேசிய உனக்கு பாராட்டுகள்!

ஓவியா: நன்றி!