Published:Updated:

நியூ ஸ்போர்ட்ஸ் !

நியூ ஸ்போர்ட்ஸ் !

நியூ ஸ்போர்ட்ஸ் !

நியூ ஸ்போர்ட்ஸ் !

Published:Updated:

கே.கணேசன்

 வெல்டன் இந்தியா!

நியூ ஸ்போர்ட்ஸ் !
##~##

சமீபத்தில், சீனாவின் ஓர்டோஸ் நகரில் நடந்த ஆசியக் கோப்பை ஹாக்கிப் போட்டியில்... இந்தியா பாகிஸ்தானை 4-2 என்ற கோல் கணக்கில் வென்றது. இந்தியா, பாகிஸ்தான், சீனா, கொரியா, ஜப்பான், மலேசியா ஆகிய ஆசிய நாடுகள் இப்போட்டியில் கலந்துகொண்டன. இப்போட்டித் தொடரின் முதல் சீசன் சாம்பியன்ஷிப் போட்டியை இந்தியா வென்றுள்ளது பாராட்டத்தக்கது ஆகும். ராஜ்பால் சிங் தலைமையில் ஆடிய இந்திய அணி, இறுதிப் போட்டியில் பாகிஸ்தானை எதிர்த்து ஆடியது. ஆட்டத்தின் இறுதி வரை எந்த அணியும் கோல் எதுவும் போடாததால், பெனால்டி ஷூட் வழங்கப்பட்டது. அதில் இந்திய அணியினர் நான்கு கோல்களை அடித்தனர். இந்த வெற்றிக்கு மிகவும் உறுதுணையாக இருந்தவர், நமது அணியின் கோல் கீப்பர் ஸ்ரீஜேஷ். எதிர் அணியினரின் இரண்டு பெனால்டி ஷூட்களைத் தடுத்து, இந்திய அணிக்கு வெற்றியைத் தேடித் தந்தார்.

வெல்லப் போவது யார்?

நியூ ஸ்போர்ட்ஸ் !

இந்த மாதம் 19-ஆம் தேதி நம் நாட்டில் சாம்பியன்ஸ் லீக் டி20 போட்டிகள் ஆரம்பமாகின்றன. இதில் நம் நாட்டின் ஐ.பி.எல்., அணிகளான சென்னை சூப்பர் கிங்ஸ், மும்பை இண்டியன்ஸ், ராயல் சேலஞ்சர்ஸ், கொல்கத்தா நைட் ரைடர்ஸ் அணிகளும் தென்னாப்ரிக்காவின் கேப் கார்ப்ஸ், வாரியர்ஸ் மற்றும் ஆஸ்திரேலியாவின் நியூ ப்ளூஸ், சவுத் ஆஸ்திரேலியன் ரெட் பேக்ஸ் போன்ற அணிகளும் மோத இருகின்றன. இங்கிலாந்தில் சோபிக்காத நம் வீரர்கள், இப்போட்டிகளிலாவது தங்கள் திறமையைக் காட்டுவார்களா என்பதே நமது ரசிகர்களின் எதிர் பார்ப்பு..!

ரஷ்யாவில் சோகம்!

நியூ ஸ்போர்ட்ஸ் !

சமீபத்தில் நடைபெற்ற ஒரு மோசமான விமான விபத்தில்... ரஷ்யாவின் 'லோகோமோட்டிவ் யரோஸ்லாவ்’ அணியின் ஹாக்கி வீரர்கள் 43 பேர் பலியாகிவிட்டனர். கான்ட்டினென்டல் ஹாக்கி லீக் போட்டியில் கலந்துகொள்ள விமானத்தில் சென்றபோது, இந்த விபத்து நிகழ்ந்துள்ளது. இதில், அந்த அணியின் ஒட்டுமொத்த வீரர்களும் இறந்துவிட்டனர். அந்த அணி மூன்று முறை தேசிய அளவில் சாம்பியன்ஷிப் கோப்பையை பெற்றிருக்கிறது.  

கார்ட்டூன் வந்த கதை

நியூ ஸ்போர்ட்ஸ் !

இத்தாலி மொழியில்... கார்ட்டூன் என்பது கெட்டியான காகிதத்தைக் குறிக்கும். கெட்டியான காகிதங்களில் தான் அப்போது அங்கே ஓவியங்கள் வரைவார்கள்.

1921-ஆம் ஆண்டில்... பிரிட்டனின் புதிய பாராளுமன்றக் கட்டடத்தை அலங் கரிக்க, ஓவியர்களிடையே போட்டி ஒன்று நடத்தப்பட்டது. அந்தப் போட்டிக்காக (கெட்டியான காகிதங்களில்) வரையப்பட்ட பல ஓவியங்கள் நிராகரிக்கப் பட்டன.

கேலிச் சித்திரங்கள் போன்று இருந்த -நிராகரிக்கப்பட்ட சில ஓவியங்களைப்  பஞ்ச் என்ற பத்திரிகை ஒன்று 'பஞ்ச் கார்ட்டூன்’ என்ற தலைப்பில் ஒவ் வொன்றாகப் பிரசுரித்தது. காலப் போக்கில், இவ்வித கேலிச் சித்திரங்களுக்கு கார்ட்டூன் என்ற பெயர் நிலைத்து விட்டது!

நியூ ஸ்போர்ட்ஸ் !