பிரீமியம் ஸ்டோரி

ண்டாகாகசம்... அபூக்கா கசம் சாக்லேட் மழை பெய்துடு சீசே....

திடீர்னு ஒருத்தர், உங்க முன்னாடி வந்து இப்படிச் சொன்னதும், உங்களுக்கு ரொம்பப் பிடிச்ச காபி சாக்லேட் மழை பெய்தால் எப்படி இருக்கும்?

சினிமா

அப்படியான ஒரு கதைதான்  அலாவுதீனும் பூதமும். பாட்டி காலத்து இந்தக் கதை, முதன்முதலா 1992-ம் ஆண்டு திரைப்படமா வெளியாகி, டிஸ்னியின் டாப் லிஸ்ட்டில் இருந்தது. பூதத்தின் மேஜிக்கை சுட்டிகள் மெய்மறந்து ரசிச்சாங்க. அந்தப் பழைய படத்தின் முன் பாகமாக, முழுக்க முழுக்க ஜீனி பூதத்தின் அட்டகாசமாக வெளிவரப்போகுது, ‘ஜீனிஸ்’ (Genies).

அவ்வளவு பெரிய்ய்ய்ய பூதத்தை, அந்தச் சின்ன விளக்கில் அடைச்ச வில்லன் யார்? அவன் அதற்கு என்னவெல்லாம் செஞ்சான் என்பதுதான் கதை. அசரவைக்கும் பிரமாண்டத்தோடு இந்தப் படம் இருக்கும் என்பதை பட ஸ்டில்ஸே சொல்கின்றன.

‘சிண்ட்ரெல்லா’, ‘ஆலிஸ் இன் வொண்டர்லேண்டு’ என வரிசையாக ரீமேக் ஹிட் படங்களைக் கொடுத்த, டிஸ்னியின் இந்த ‘ஜீனிஸ்’ வெளியீட்டு அறிவிப்பு, இன்னொரு லட்டு தின்னும் ஆசையைக் கிளப்பியிருக்கு.

சினிமா

பழைய அலாவுதீன் படத்தில், ஜீனி பூதத்துக்கு குரல் கொடுத்தவர், எல்லோருக்கும் ஃபேவரைட்டான, மறைந்த ஹாலிவுட் நடிகர், ராபின் வில்லியம்ஸ். அவரது குரலைப் போலவே, வசீகரமான குரலைத் தேடிட்டு இருக்கு டிஸ்னி நிறுவனம்.

இவ்வளவு ஸ்வீட் செய்திகள் இருந்தாலும், ஒரு வருத்தம். ஆமாங்க... ஜீனி பூதம் விளக்கில் அடைபடுவதற்கு முன்னாடி நடக்கும் இந்தக் கதையில், ஹீரோ அலாவுதீன், ஹீரோயின் இளவரசி ஜாஸ்மின், அடிக்கடி வாயைவிடும் ‘லகோ’ கிளி,  அலாவுதீனின் செல்லக் குரங்கு நண்பன்,  ஜாஃபர் வில்லன் என யாருமே இல்லை. ஆனால், இவங்க இல்லாத குறையைத் தீர்க்க, புதுப்புது கேரக்டர்ஸ் வந்து அதகளம் செய்யப்போறது கியாரண்டி.

 - ஷாலினி நியூட்டன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு