Published:Updated:

யார் நம் நிஜ நண்பன்?

யார் நம் நிஜ நண்பன்?
பிரீமியம் ஸ்டோரி
யார் நம் நிஜ நண்பன்?

கார்க்கி பவா - ஓவியங்கள்: சுரேஷ்

யார் நம் நிஜ நண்பன்?

கார்க்கி பவா - ஓவியங்கள்: சுரேஷ்

Published:Updated:
யார் நம் நிஜ நண்பன்?
பிரீமியம் ஸ்டோரி
யார் நம் நிஜ நண்பன்?

ங்களுக்கு ஒரு கேள்வி: மனிதர்களைத் தவிர மற்றவற்றில் உங்களுக்கு மிகவும் பிடித்தவை எவை? உங்கள் நண்பர்கள் என எவற்றைச் சொல்வீர்கள்?   

யார் நம் நிஜ நண்பன்?

மொபைல் போன், சைக்கிள், கணினி, கிட்டார், வீடியோ கேம், தொலைக்காட்சி... சொல்லிக்கொண்டே போகலாம் இல்லையா? உங்களின் நண்பர்கள் என இவற்றைத்தானே சொல்வீர்கள்!

நாம் டெக்னாலஜி உலகில் வாழ்ந்துகொண்டிருக்கிறோம். டெக்னாலஜி மூலம் இந்த உலகத்தையே நம் கட்டுப்பாட்டுக்குள் கொண்டுவந்துவிட்டோம். மலைகளைக் குடைகிறோம். கடலில் ஆழம்வரை சென்று பார்க்கிறோம். பூமியைத் தாண்டி விண்வெளியில் நடக்கிறோம். அடுத்த கிரகத்தின் ஜன்னலைத் திறந்து என்ன இருக்கிறது என எட்டிப் பார்க்கிறோம். அறிவியல் என்ற நண்பனின் துணையுடன் இந்தப் பூமியின் ஒரு இன்ச் விடாமல் நம் தடயத்தைப் பதித்திருக்கிறோம். அடுத்து என்ன நடக்கப் போகிறது என்பது வரை கணித்து, இயற்கையையே வளைய வைக்கிறோம். உண்மைதான்.

இப்போது இன்னொரு பட்டியல்.

மரம், ஆறு, ஓடை, மலை, கிளி, நாய், மழை, கடல்...

எத்தனை பேர் முதலில் கேட்டபோதே இவற்றையெல்லாம் யோசித்தீர்கள்?

மொபைலைவிட மழைதானே நமக்குப் பிடிக்கும்? கிட்டாரைவிடக் கிளிதானே நமக்கு சந்தோஷம் தரும்? சைக்கிளைவிட ஆற்றில் குளிப்பதுதானே ஜாலி?

அறிவியலுக்கும் இயற்கைக்கும் ஓர் அடிப்படை வித்தியாசம் இருக்கிறது. இயற்கை என்பதுதான் உண்மை. அது பல கோடி ஆண்டுகளாக, காலத்தைத் தாண்டி இருக்கும் ஒரு விஷயம். அறிவியல் என்பது அப்படி இருக்கும் உண்மைகளை மனிதர்கள் தெரிந்துகொள்ளச் செய்யும் முயற்சி. ஓர் உதாரணம் பார்ப்போமா?

பூமி என்பது எப்போதோ தோன்றியது. அது இயற்கை. அது எப்போது தோன்றியது என நாம் கண்டுபிடிக்க முயல்வது அறிவியல்.

மலைகள் என்பவை பல கோடி ஆண்டுகளாக இருப்பவை. அந்த மலையில் என்ன இருக்கிறது என நாம் தேடுவது அறிவியல்.

இயற்கைக்கும் அறிவியலுக்கும் எப்போதும் ஒரு மறைமுகப் போர் நடந்துகொண்டுதான் இருக்கிறது. இயற்கைக்குப் பொறுமை அதிகம். மனிதர்களைவிடவும் பொறுமை அதிகம். பல கோடி ஆண்டுகளாய் இருந்துவருவதால் பொறுமை மிக மிக அதிகம். இயற்கையின் அந்தப் பொறுமையால், நாம் அதை வென்றுவிட்டதாய் நினைத்துக்கொள்ளலாம்.

இயற்கைக்கும் அறிவியலுக்கு இடையே நடக்கும் இந்தப் போரில் எப்போதும் அறிவியலே வெல்வதுபோலத் தெரியும். ஆனால், இறுதியில் இயற்கையே வெல்லும். அதை மாற்றவே முடியாது.

இயற்கைக்குத்தான் அன்பு அதிகம். இயற்கைக்குத்தான் அக்கறை அதிகம். இயற்கைக்குத்தான் ஆயுள் அதிகம். அதனால்தான் நாம் இயற்கையை நண்பராக்கிக்கொள்ள வேண்டும். மற்ற உயிரினங்களைத்தான் தோழர்களாக்கிக்கொள்ள வேண்டும். ஏனெனில், இந்தப் பூமி மனிதர்களுக்கு மட்டுமே ஆனது அல்ல. 

ஒட்டுமொத்த விகடனுக்கும் ஒரே ஷார்ட்கட்!