Published:Updated:

கிராமத்து விளளயாட்டு

பூப்பறிக்க வருகிறோம் !இரா.முத்துநாகு, யுவாபொன். காசிராஜன்

கிராமத்து விளளயாட்டு

பூப்பறிக்க வருகிறோம் !இரா.முத்துநாகு, யுவாபொன். காசிராஜன்

Published:Updated:
##~##

பாட்டு நம் பண்பாட்டில் கலந்த விஷயம். கிராமங்களில் நாற்று நடும்போதும் சரி, காற்றாட சும்மா உட்கார்ந்து இருக்கும்போதும் சரி, பாட்டுப் பாடுவாங்க. எதுகை, மோனை, சந்தம், ஓசை நயம்  எல்லாம் நம் பாடல்களில் இருக்கும்.

அப்படி ஒரு விளையாட்டுதான்... 'பூப்பறிக்க வருகிறோம்’.

ஒட்டுமொத்த விகடனுக்கும் ஒரே ஷார்ட்கட்!

இது பெண் பிள்ளைகள் விளையாடும்  விளையாட்டு. ஆனாலும் தம்பி, சித்தி பையன், இப்படி நண்டு, சிண்டுகள் 'நானும் வர்றேன்’னு உள்ளே புகுந்துடுவாங்க. பாட்டு, எசப்பாட்டு இந்த விளையாட்டில் ரொம்ப முக்கியம். ஒருவர் பாட, அதற்குப் பதில் சொல்வதுபோல இன்னொருவர் பாடுவதுதான் எசப்பாட்டு.

விளையாட்டை ஆரம்பிக்கும் முன், இரண்டு குழுக்களாகப் பிரிஞ்சுக்கணும். குழுவுக்கு ஒரு தலைவி. அந்தத் தலைவிகள் தங்கள் குழுவுக்கு ஆட்களைத் தேர்வுசெய்யணும். ஒருத்தரே பலசாலியான பிள்ளைகளை எல்லாம் தன் பக்கம் சேர்த்துக்கிட்டா என்ன செய்றது? அதுக்குத்தான் இருக்கவே இருக்கே சாட்... பூட்... த்ரீ. அது மூலம் பிரிச்சுப்பாங்க.

கிராமத்து விளளயாட்டு

அடுத்து,  தன் குழுவில் இருக்கும் பிள்ளைகளுக்குப் பெயர் வைக்கணும். அவங்களை தலைவி ஒரு பக்கமாகக் கூட்டிட்டுப் போய்... ஒவ்வொருத்தர் காதிலும் ரகசியமா ஒரு பூ பெயரைச் சொல்வாள். ஆச்சா... இனி ஆட்டத்தை ஆரம்பிக்க வேண்டியதுதான்.

தரையில் நீளமாக ஒரு கோடு போடுவாங்க. இந்தப் பக்கம் ஒரு குழு (ஏ), அந்தப் பக்கம் ஒரு குழு (பி). கைகளை ஒண்ணாக் கோத்துப்பாங்க. ''பூப்பறிக்க வருகிறோம்... பூப்பறிக்க வருகிறோம்''னு பாடிக்கிட்டே கோத்த கைகளை மேலும் கீழுமாக வீசியும் கால்களைத் தூக்கி ஆட்டியவாறும் வருவாங்க. ராணுவ வீரர்கள் 'லெப்ட் அண்ட் ரைட்’னு மார்ச் ஃபாஸ்ட் போவாங்களே.... அந்த மாதிரி கோடு வரைக்கும் வந்துட்டு, அப்படியே பின்னோக்கிப் போவாங்க. அடுத்து, இந்தப் பக்கம் இருக்கிறவங்க. ''எந்த மாதம் வருகிறீர்? எந்த மாதம் வருகிறீர்'' என எசப்பாட்டு பாடிக்கொண்டே வந்து போவாங்க இப்படியாக...

''பூப்பறிக்க வருகிறோம்... பூப்பறிக்க வருகிறோம்''
''எந்த மாதம் வருகிறீர்? எந்த மாதம் வருகிறீர்?''
''தை மாதம் வருகிறோம்... தை மாதம் வருகிறோம்''
''எந்தப் பூவைப் பறிக்கிறீர்? எந்தப் பூவைப் பறிக்கிறீர்?''
''செம்பருத்தி பூவைப் பறிக்கிறோம்... செம்பருத்தி பூவைப் பறிக்கிறோம்''
''யாரைவிட்டுப் பறிக்கிறீர்கள்? யாரைவிட்டுப் பறிக்கிறீர்கள்?''
''தாமரையைவிட்டுப் பறிக்கிறோம்... தாமரையைவிட்டுப் பறிக்கிறோம்!''

என்று சொன்னதும், பி குழுவில் செம்பருத்திப் பூ பெயரை வைத்த பெண் முன்னால் வந்து நிற்பாள். அவள் பலசாலியாக இருந்தால், ஏ குழுவுக்கு சரியான சவால். மாறாக, கொஞ்சம் தொத்தலாக இருந்தால், குஷியாகிவிடுவார்கள்.

செம்பருத்திப் பூ பெண், கோடு அருகே நின்று கையை நீட்ட, அவளை ஏ அணியின் தாமரைப் பூ தங்கள் பக்கம் இழுக்க முயற்சிப்பாள். அவளுக்கு உதவியாக, இன்னொரு பெண் தமரையின் இடுப்பில் கையைக் கோத்து இழுப்பாள். இப்படியே ஒருவர் இடுப்பை ஒருவர் பற்றிக்கொண்டு செம்பருத்தியை இழுப்பார்கள்.

இந்தப் பக்கம் சும்மா விட்டுருவாங்களா? பி குழுவின் தலைவி, செம்பருத்தியின் இடுப்பில் கையைக் கோத்து இந்தப் பக்கம் இழுப்பாள். அவளுக்கு உதவியாக மற்ற சுட்டிகள். இந்தப் போராட்டத்தில் செம்பருத்தியை எதிர் அணியினர் இழுத்துட்டாங்கன்னா, அவள் அந்தக் குழுவுக்குச் சொந்தம். அந்தக் குழுவின் தலைவி, அவளுக்கு வேறு பெயரை ரகசியமாக வைப்பாள்.

கிராமத்து விளளயாட்டு

மறுபடியும், ''பூப்பறிக்க வருகிறோம்... பூப்பறிக்க வருகிறோம்'' என்று அவர்கள் கிளம்பி வர, ஆட்டம் தொடரும். ஒருவேளை ஏ கேட்ட பூவை அவங்களால் இழுக்க முடியாமல் போச்சுன்னா,  ''பூப்பறிக்க வருகிறோம்... பூப்பறிக்க வருகிறோம்’ என்று ஆரம்பித்து பி குழுவில் இருக்கிறவங்க இழுப்பாங்க. மொத்தத்தில் எந்தப் பக்கம் எல்லோரும் வந்துடறாங்களோ, அந்தக் குழுவின் தலைவி, கேப்டன் டோனி ரேஞ்சுக்கு காலரைத் தூக்கி விட்டுக்கலாம்.

பாட்டுக்குப் பாட்டும் ஆச்சு... உடல் பலத்தை நிரூபிச்ச மாதிரியும் ஆச்சு... விளையாட்டும் ஆச்சு!