Published:Updated:

கனவு ஆசிரியர்

கனவு ஆசிரியர்

கனவு ஆசிரியர்

கனவு ஆசிரியர்

Published:Updated:
கனவு ஆசிரியர்
##~##

''வருங்கால போலீஸ் கமிஷனர், மிலிட்டரி மேஜர் எங்களில் யாராவது இருக்கலாம். அதனால், இப்பவே ஒரு சல்யூட் போட்டுவைங்க'' என்று சொல்லிச் சிரிக்கிறார்கள் சாரண சிங்கக் குட்டிகள்.

ஒட்டுமொத்த விகடனுக்கும் ஒரே ஷார்ட்கட்!

கோயம்புத்தூர், மதுக்கரை அருகே உள்ள குரும்பபாளையம் அரசு உயர்நிலைப் பள்ளியில் படிக்கும் இவர்களின் உடற்கல்வி ஆசிரியர் விஜயராகவன், 16 வருடங்களாகத் தனது சிறப்பான பயிற்சியின் மூலம், அரசுப் பள்ளிகளில் சாரண மாணவர்கள் பலரை உருவாக்கியவர். ஒன்றிய அளவிலான விளையாட்டுப் போட்டிகளில்... இவருடைய மாணவர்கள், 11 ஆண்டுகளாக முதல் இடத்தில் இருக்கிறார்கள்.

'என் தாத்தாவும் அப்பாவும் ஆசிரியர்கள். அந்த ஆர்வத்தில்தான் நானும் ஆசிரியர் பணியில் சேர்ந்தேன்.  சாரணர் இயக்கத்தின் முக்கியத்துவம் உணர்ந்து, அதில் ஆர்வத்துடன் ஈடுபட்டேன். அதில், அசிஸ்டென்ட் லீடர் டிரெய்னர் (A.R.T.)நிலைக்கு உயர்ந்தேன். இது, மற்ற சாரணர் பயிற்சியாளர்களுக்கும் பயிற்சி அளிக்கும் தகுதி நிலை. தனியார் பள்ளிகள், சாரணர் இயக்கத்தைச் சிறப்பாக நடத்துகின்றன. போதிய வசதி இல்லாததால், அரசுப் பள்ளி மாணவர்களின் ஈடுபாடு இதில் குறைவாகவே இருக்கிறது. இந்த நிலையை மாற்ற, என்னால் முடிந்ததைச் செய்கிறேன்'' என்கிறார் விஜயராகவன்.

கனவு ஆசிரியர்

சாரணர் இயக்கத்தில் மிகவும் மதிப்பான விருது, கவர்னர் புரஸ்கார் விருது. இவருடைய மாணவர்களில், 150 பேர் இந்த விருதைப் பெற்றிருக்கிறார்கள். குடியரசுத் தலைவர் விருதை மூன்று பேர் வென்றுள்ளனர். 10 பேர் உடற்கல்வி ஆசிரியர்களாகவும், மூன்று பேர் காவல் துறையிலும் பணியாற்றுகிறார்கள்.

கனவு ஆசிரியர்

''கடந்த ஆண்டு மட்டும், எங்கள் பள்ளியின் 22 மாணவர்கள், கவர்னர் புரஸ்கார் விருதைப் பெற்றார்கள். இதற்குக் காரணம் விஜயராகவன் சார்தான்'' என்கிறார்கள் மாணவர்கள்.

''மாணவர்களின் அர்ப்பணிப்பும், பெற்றோர்களின் ஒத்துழைப்பும்தான் இதற்குக் காரணம். எங்கள் பள்ளியின் தலைமை ஆசிரியர், அன்புசொரூப மச்சோதரி பாய், மாணவர்களை ஊக்கப்படுத்தி, பயிற்சிக்கான வசதிகளைச் செய்துதந்தார்'' என்கிறார் விஜயராகவன்.

''வெளியூர்களுக்குச் சென்று பயிற்சி எடுக்கவும் விளையாட்டுப் போட்டிகளில் பங்கெடுக்கவும் எங்களுக்கு வசதி இல்லாததால், 'ஸ்கூலுக்குப் போய் படிக்கிற வேலையை மட்டும் பாரு. வேற எதுவும் வேணாம்’னு வீட்டில் சொல்வாங்க. ஆனா, விஜயராகவன் சார்தான், 'நீங்க பயிற்சி எடுங்க. மற்றதை நான் பார்த்துக்கிறேன்’னு சொல்வார். யூனிஃபார்ம், டிரெய்னிங் செலவுகளைப் அவரே செய்வார். தனியார் பள்ளிகளுக்கு இணையாக, 'எங்களாலும் சாதிக்க முடியும்’ என்ற தன்னம்பிக்கையைக் கொடுத்தது சார்தான்'' என்கிறார்கள் மாணவர்கள்.

''சாரணர் இயக்கத்தில் ஒவ்வொரு மாணவரும் பங்கேற்க வேண்டும். இது, ஒழுக்கம், தேசப்பற்று, சமூக அக்கறை, உடல் மற்றும் மனக் கட்டுப்பாடு என அனைத்தையும் கற்றுத்தருகிறது. அரசுப் பள்ளி மாணவிகளை வெளியூருக்கு அனுப்ப, பெற்றோர் மறுத்துவிடுவார்கள். 'மாணவிகளுக்குப் பெண் பயிற்சியாளர்கள் இருக்கிறார்கள். இதுபோன்ற பயிற்சிகளில் ஈடுபடும்போதுதான் அவர்களுக்கு தைரியம் வரும். எதையும் சமாளிக்க முடியும்’ என்று புரியவைப்பேன். அப்படி நம்பிக்கை அளித்து, பல அரசுப் பள்ளி மாணவிகளைப் பங்கேற்கவைத்ததே எனக்கான விருதாக நினைக்கிறேன்'' என்கிறார் பெருமிதத்துடன்.

 - ஞா.சுதாகர் 
படங்கள்: ர.சதானந்த்