Published:Updated:

அழகாக படிக்கலாம்... அசத்தலாக ஜெயிக்கலாம்!

எக்ஸாம் வருதுங்க கவனத்தை சிதற விடாதீங்க!

அழகாக படிக்கலாம்... அசத்தலாக ஜெயிக்கலாம்!

எக்ஸாம் வருதுங்க கவனத்தை சிதற விடாதீங்க!

Published:Updated:

அன்பு மாணவச் செல்வங்களே...

அழகாக படிக்கலாம்... அசத்தலாக ஜெயிக்கலாம்!

 மிக அருகில் வந்துவிட்டது தேர்வு. தேர்வுகளுக்கான தேதியை அறிவித்ததுமே நாட்கள் விரைவாக கடப்பதைப் போல இருக்கிறதா... ஒருவித பதற்றம் தொற்றிக்கொண்டதா? கவனமாகப் படித்து வரும் நீங்கள், பதற்றம் அடையவேண்டிய அவசியமே இல்லை நண்பர்களே...

ஒட்டுமொத்த விகடனுக்கும் ஒரே ஷார்ட்கட்!

தேர்வில் வெற்றிபெறுவதோ, அதிக மதிப்பெண்களைப் பெறுவதோ எளிதான ஒன்றுதான். ஒரு விளையாட்டுப் போட்டிக்குப் போகும்முன் நம்மைத் தயார்செய்துகொள்வது போல தேர்வுக்கும் தயார்படுத்திக்கொண்டால், வெற்றி மாலை உங்கள் தோளில். அதில், மதிப்பெண்கள் வாசம் மணக்கும். தேர்வை வெற்றிகரமாக எதிர்கொள்வதற்கு மனரீதியாகவும் உடல்ரீதியாகவும் தயாராகும் விதம், தேர்வுக்கு முன், தேர்வு அறையில், தேர்வு எழுதிய பின் உங்கள்  செயல்களை எப்படி திட்டமிட வேண்டும் எனச் சொல்கிறார்கள் நிபுணர்கள். இந்தப் புத்தகத்தைப் படித்து முடிக்கும்போது, 'நான் தேர்வுக்கு ரெடி’ என்று உற்சாகமாகச் சொல்வீர்கள்.

வெற்றிக்கு வாழ்த்துகள்!

அன்புடன்,

ஆசிரியர்.

காலை வணக்கம்!

'வைகறைத் துயிலெழு’ என்றால், சூரியன் உதயமாவதற்கு முன்பே எழுந்துவிட வேண்டும்.

அழகாக படிக்கலாம்... அசத்தலாக ஜெயிக்கலாம்!

காலைக் கடன்கள், சிறிய நடைப் பயிற்சி, பிராணாயாமப் பயிற்சிகளை முடிக்கவும். குளித்துவிட்டு படிக்கத் தொடங்குங்கள்.  காலை நேரம் அமைதியாக இருக்கும். அப்போது படிப்பது, மனதில் ஆழப் பதியும்.

படிக்கும்போது, சிந்தனை முழுக்க படிப்பில் மட்டுமே இருக்கட்டும். சாப்பிடும்போது சிலர், கையில் புத்தகத்தை வைத்துக்கொண்டு படிப்பார்கள். சிலர், சாப்பிட்டுக்கொண்டே டிவி பார்ப்பார்கள். இது தவறு. இப்படிச் செய்யும்போது, நாம் ஒழுங்காகப் படிக்கவும் மாட்டோம். சாப்பாட்டை ருசித்துச் சாப்பிட்டிருக்கவும் மாட்டோம். நாம் எந்தச் செயல் செய்கிறோமோ, அதிலேயே நமது முழு ஈடுபாடும் இருக்க வேண்டும். அப்போதுதான் அந்த வேலை சிறப்பாக இருக்கும்.

எப்படிப் படிக்கணும்?

• படிக்கும்போது, நாற்காலியில் அல்லது தரையில் அமர்ந்து படிக்கலாம். நாற்காலியில் உட்கார்ந்து படிக்கும்போது, L வடிவில் அமர வேண்டும். அதாவது, கழுத்தும் முதுகுத் தண்டுவடமும் நேராக இருக்குமாறு அமர்ந்து, படிக்க வேண்டும். வில் வடிவில் வளைந்து உட்காரக் கூடாது.

அழகாக படிக்கலாம்... அசத்தலாக ஜெயிக்கலாம்!

• அதிகாலையில் எழுந்து படிக்கும்போது, தூக்கம் வந்தால், நடந்துகொண்டே படிக்கலாம். ஆனால், படுத்துக்கொண்டு படிக்கக் கூடாது. சும்மா படுத்தாலே, தூங்கப்போகிறோம் என்று மற்ற பாகங்களுக்கு நமது மூளை கட்டளை பிறப்பித்துவிடும். சற்று நேரத்தில் தூக்கமும் வந்துவிடும். எனவே, எப்போதும் படுத்துக்கொண்டு படிக்காதீர்கள். படுத்துக்கொண்டு படிப்பதால், நமது கண்களும் அதிக வேலை செய்ய வேண்டியிருக்கும்.

• படிக்கும் அறை, நல்ல வெளிச்சமும் காற்றோட்டமும் உள்ள இடமாக இருக்க வேண்டும். படிப்பதற்கு ஏற்ற திசை கிழக்கு. சூரியக் கதிர்கள் நம் மீது படுவதால், சுறுசுறுப்பு அதிகமாகும்.

• படிக்கும்போது, புத்தகத்தை கண்களுக்கு மிக அருகில் வைத்து படிக்கக் கூடாது. கண்களுக்கும் புத்தகத்துக்கும் சுமார் 25 செ.மீ தூரம் இருக்க வேண்டும். கண்களுக்கு அருகே வைத்துப் படிக்கும்போது, கண்கள் சீக்கிரமாகவே சோர்ந்து, படிப்பின் மீது கவனம் இல்லாமல் போய்விடும்.

• இரவில் படிக்கும்போது, நமது பின் புறத்தில் இருந்து வெளிச்சம் வந்து, புத்தகத்தில் படும்படி அமர்ந்து படிக்கவும்.

நம் மீதும் வெளிச்சம் படுவதுபோல பார்த்துக்கொள்ளவும். கண்ணில் ஒளி படும்படி அமர்ந்து படிப்பதோ,  குறைவான வெளிச்சத்தில் படிப்பதோ கண்களைச் சோர்வாக்கி, தூக்கத்தை வரவைக்கும்.

படிக்கும்போது, கடினமாக இருக்கும் பகுதிகளை எழுதிப் பார்ப்பதற்குத் தயங்கக் கூடாது.

படிக்கும்போது, அருகில் நொறுக்குத் தீனியை வைத்துக்கொண்டு படிக்காதீர்கள்.  அப்போது, கொஞ்சம் கொஞ்சமாகத் தொடங்கி, அதிக அளவில் நொறுக்குத்  தீனி சாப்பிட்டுவிடுவீர்கள். அதனால்,சரியான நேரத்துக்கு பசி எடுக்காது. பிறகு, அம்மா திட்டுவார் எனச் சாப்பாட்டைக் கொஞ்சமாகச் சாப்பிடுவீர்கள். அதனால், உடலுக்குத் தேவையான சத்துகள் கிடைக்காது. எனவே, நொறுக்குத் தீனிக்குத் தடை போட்டே ஆக வேண்டும்.

'அட, இப்படித்தான் நாங்கள் வழக்கமாகப் படிப்போம்’ என்று சொல்றீங்களா... சூப்பர்!

கண்களே பிரதானம்!

நம் உடல் உறுப்புகளில் கண்தான் பிரதானம்.

அழகாக படிக்கலாம்... அசத்தலாக ஜெயிக்கலாம்!

கண்களைச் சரியான முறையில் பராமரிக்க வேண்டும். தினமும் குளிர்ந்த நீரில் கண்களை அடிக்கடி கழுவுதல் வேண்டும். தூய்மையான நீரில் கண்களைத் திறந்து பார்ப்பது நல்லது. உடற்பயிற்சி எவ்வளவு முக்கியமோ, அதேபோல கண் பயிற்சியும் மிக முக்கியம்.

கண்களை ஆரோக்கியமாக வைத்திருக்க, ஏ மற்றும் டி வைட்டமின்கள் தேவைப்படுகின்றன. பழங்களை நாம் அதிகம் சாப்பிட வேண்டும். குறிப்பாக, பப்பாளிப்பழத்தில் நிறைய சத்துகள் இருக்கின்றன. அசைவம் சாப்பிடுபவர்கள், மீன் சாப்பிடலாம்.

அழகாக படிக்கலாம்... அசத்தலாக ஜெயிக்கலாம்!

அதிக நேரம் தொடர்ந்து படிக்கும்போது, அரை மணிக்கு ஒருமுறை 5 நிமிடங்கள் கண்களை மூடி, ஓய்வு கொடுக்கவும்.

டிவியைத் தொடர்ந்து அதிக நேரம் பார்க்கக் கூடாது. புழுதியான இடங்களில் விளையாடக் கூடாது. கூர்மையான பொருட்களைக் கண்களுக்கு அருகே வைத்து விளையாடக் கூடாது.

மொத்தத்தில், நம் கண்கள்  மீது எப்போதும் ஒரு கண் வைத்திருக்க வேண்டும்.

படிக்கும் முன் தியானப் பயிற்சி!

படிப்பதற்கு முன், நம் மனதையும் உடலையும் தயார்செய்வது மிகவும் அவசியம். முதுகுத்தண்டு, கழுத்து, தலை இவை மூன்றும் நேராக இருக்க வேண்டும். கண்களை மூடி, வஜ்ராசனத்தில் அமர்ந்து, முடிந்த அளவு காற்றை நன்கு உள்ளே இழுக்கவும். 5 விநாடிகள் வைத்திருந்து, மெதுவாக மூச்சை விடவும். 5 முறை இந்தப் பயிற்சியைச் செய்ய வேண்டும்.

அழகாக படிக்கலாம்... அசத்தலாக ஜெயிக்கலாம்!

மனதை ஒருமுகப்படுத்தி, நம்பிக்கையான வார்த்தைகளை நினைவுபடுத்திக்கொள்ள வேண்டும். 'என்னால் நன்கு படிக்க முடியும். என்னால் எளிதில் மனப்பாடம் செய்ய முடியும். படிக்கும் அனைத்துப் பாடங்களும் எனக்கு நன்கு மனதில் நிலைத்து நிற்கும். நான் சிறந்த முறையில் பாடம் படிப்பேன். நான் சிறந்த முறையில் தேர்வு எழுதுவேன். தேர்வில் நல்ல மதிப்பெண்கள் பெறுவேன். பலரிடம் பாராட்டுகளைப் பெறுவேன்’ என்பதை தியானித்துக்கொண்டே இருக்க வேண்டும்.

திட்டம் தீட்டு!

எந்த ஒரு செயலையும் திட்டமிட்டு செய்யும்போது, எளிதாகச் செய்துவிட முடியும்.

இன்று என்ன படிக்கப்போகிறோம்  என்பதை முடிவுசெய்துகொள்ள வேண்டும். அதைப் படிக்க எவ்வளவு நேரம் ஆகும் என்பதைக் குறித்துக்கொள்ள வேண்டும். இப்படிப் படிக்கும்போது, இந்தப் பாடத்தைவிட்டு வேறு ஏதாவது படிக்கலாமே என்கிற எண்ணம் வராது.

அழகாக படிக்கலாம்... அசத்தலாக ஜெயிக்கலாம்!

படிக்கும்போதே முக்கியமான வற்றை பென்சிலால் அடிக்கோடிட்டு, புரியும் வகையில் குறிப்பு எடுத்துக்கொண்டால், தேர்வு நேரத்தில் படிப்பதற்கு எளிதாக இருக்கும்.

கணக்குப் பாடத்தைப் படிப்பதோடு, எழுதிப் பார்க்க வேண்டும். அப்போதுதான், எது கடினப் பகுதி என்பதைக் கண்டறிய முடியும். இல்லையெனில், தேர்வு நேரத்தில் மிகவும் சிரமமாக இருக்கும். ஒருமுறை எழுதிப்பார்ப்பது 10 முறை படிப்பதற்குச் சமம்.

'ஐயோ... நாளைக்குள் இந்தப் பாடத்தை முடிக்க வேண்டுமே...’ என்று பதறினால், அந்தப் பயமும் டென்ஷனும், நீங்கள் நகர்வதற்குத் தடையாகிவிடும். எந்தவித அவசரமும் இன்றி, உங்கள் அடிகளை நிதானமாகவும் அழுத்தமாகவும் நம்பிக்கையோடும் எடுத்துவையுங்கள்.

தயார்செய்யும் முறை!

தேர்வு அட்டவணையைப் போல தேர்வுக்குப் படிப்பதற்கும் அட்டவணை போடுவது நல்லது.

உங்கள் கால அட்டவணையை ஒரு சார்ட்டாகத் தயாரிக்கவும். ஒவ்வொரு நாளும் என்ன படிக்க வேண்டும் என்ற வேலையைத் திட்டமிட வேண்டும். இப்படி Plan to Work திட்டமிட்டால் மட்டும் போதாது. அதன்படி படிக்கவும் வேண்டும். அதைத்தான் Work to plan என்கிறோம்.

அழகாக படிக்கலாம்... அசத்தலாக ஜெயிக்கலாம்!

புத்தக வினாக்கள், பெற்றோர்ஆசிரியர் கழகக் கையேட்டில் உள்ள வினாக்கள், முந்தைய வினாத்தாள்களில் கேட்கப்பட்ட வினாக்கள் என அனைத்துக்கும் விடை தெரிந்திருக்க வேண்டும். அப்போதுதான், எளிய முறையில் தேர்வை எதிர்கொள்ள முடியும்.

மாடல் தேர்வு எழுதி, நம்மை நாம் தயார்செய்துகொள்ள வேண்டும். இது,  குறித்த நேரத்தில் நம்மால் தேர்வு எழுத இயலுமா என்பதை அறிய உதவும். மாடல் தேர்வு எழுதும்போது, தேர்வு நேரத்தைவிட அதிக நேரம் ஆகிறது என்றால், வினாத்தாளின் எந்தப் பகுதி கேள்விகள் எழுத அதிக நேரம் ஆகிறது என்று பார்க்கவும். அந்தக் கேள்விகளை இன்னும் கவனத்துடன் படிக்க வேண்டும். இல்லையெனில், 'எனக்கு நேரம் போதவில்லை’ என்று  குறைபட நேரும்.

கேட்கும் கேள்வி தொடர்பாகவே பதில் எழுத வேண்டும். தேவை இல்லாதவற்றை எழுதினால், மதிப்பெண் கிடைக்காது. தவிர, நேரமும் வீணாகும்.

Concentration Reading என்றால் என்ன?

தனது முழுக் கவனத்தையும் ஒருநிலைப்படுத்திப் படிப்பது, 'குவிச் சிந்தனை’ ஆகும்.

அழகாக படிக்கலாம்... அசத்தலாக ஜெயிக்கலாம்!

கவனத்தைஎங்கும் அலைபாயவிடாமல், படிப்பில் மட்டுமே கவனம்கொண்டு படித்தல் என்பதாகும். அவ்வாறு எண்ணத்தை ஒருநிலைப்படுத்தும்போது, பலன் அதிகமாகும். லென்ஸின் மூலம் சூரிய ஒளியைச் செலுத்தும்போது, கீழே உள்ள பேப்பர் எப்படி எரிகிறதோ அதேபோல்தான். எத்தனை பக்கங்கள் படிக்கிறோம் என்பது முக்கியம் அல்ல. மனதில் நிறுத்தும்படி எப்படி ஆழப்படிக்கிறோம் என்பதுதான் அவசியம். மனதை அலைபாயவிடாமல், குவிச் சிந்தனையுடன், முழு ஈடுபாட்டையும் செலுத்திப் படிக்க வேண்டும். ஆங்கிலத்தில் இதை, Concentration Reading என்று சொல்வார்கள்.

குழு விவாதம்!

நண்பர்களுடன் ஒன்றாக இருப்பது எவ்வளவு மகிழ்ச்சியான விஷயம். படிக்கும் நேரத்தை மகிழ்ச்சியாக்குவது குழு விவாதம்.

அழகாக படிக்கலாம்... அசத்தலாக ஜெயிக்கலாம்!

ஒரு தலைப்பின் கீழ், ஒரு விஷயத்தைப் பற்றி விவாதம் செய்யும்போது, பலரும் பல்வேறு  கருத்துகளைக் கூறுவார்கள்.  பலவிதமான விஷயங்கள் நாம் தெரிந்துகொள்வதற்கு வாய்ப்பு உள்ளது. ஆனால், தேர்வுக்கு ஒரு மாத காலம் உள்ளபோது, அடிக்கடி குழு விவாதம் செய்ய வேண்டாம். குழுவாக அமர்ந்து, படித்தவற்றைப் பகிர்ந்துகொள்வது நல்லது. ஒரு மதிப்பெண் கேள்விகளை ஒருவருக்கொருவர் கேட்டு, பதில் அளிப்பது மதிப்பெண்களை அள்ளுவதற்குப் பயன்படும்.

நேர மேலாண்மை!

அழகாக படிக்கலாம்... அசத்தலாக ஜெயிக்கலாம்!

நேரம் என்பது உங்களிடம் இருக்கும் பணம் போல. மிகக் கவனமாக, நிமிடத்துக்கு நிமிடம் மணிக்கு மணி, வீணாக்காமல், திட்டமிட்டுச் செலவழிக்க வேண்டும். திட்டமிடுதல் எளிது. அதன்படி செயல்படுத்துவதுதான் கஷ்டம்.  ஒருமுறை, உறுதியுடன் நேரத்தைத் திட்டமிட்டு, நிர்வகிக்கப் பழகிவிட்டால்,  அசாத்திய நம்பிக்கை வந்துவிடும். காலையில் சீக்கிரம் எழுவதில் தொடங்கி, படிப்பது, பரீட்சை நேரத்துக்கு முன்னதாகவே பள்ளிக்குச் செல்வது என்று எல்லாவற்றுக்குமே உங்கள் நேர நிர்வாகம் கைகொடுக்கும். அதுவே, நல்ல பாசிட்டிவ் எனர்ஜியை உங்களுக்குள் உண்டாக்கும்.

படிப்பின் வகைகள்!

1. பாடம் நடத்தும்போது, நன்கு கூர்ந்து கவனிக்க (Observation) வேண்டும். உற்றுநோக்கல் என்பது மிகவும் முக்கியம். முழுக் கவனமும் பாடத்தைக் கவனிப்பதிலேயே இருக்க வேண்டும். அப்போதுதான் எளிதில் கற்றுக்கொள்ள முடியும்.

அழகாக படிக்கலாம்... அசத்தலாக ஜெயிக்கலாம்!

2. எல்லாவற்றையும் ஒப்பிட்டுப் படிக்க வேண்டும் (Comparative Studies). அதாவது, முந்தைய வகுப்பில் நாம் என்ன படித்தோம்... தற்போது, அதைவிட சற்று கூடுதலாக என்ன படிக்கிறோம்... எவ்வளவு முன்னேற்றம் உள்ளது என்பதைத் தெரிந்துகொள்ள வேண்டும். ஒரு செய்தி பற்றி படிக்கும்போது, அது தொடர்புடைய செய்திகளை எந்தெந்தப் பாடங்களில் படித்திருக்கிறோம் என்பதை நினைவுகூர வேண்டும்.  சென்ற ஆண்டு கேட்கப்பட்டவை எவை? இந்த ஆண்டு கேட்பதற்கு வாய்ப்பு உள்ளவை எவை என்பதை  கிஸீணீறீஹ்sமீ செய்து, அதன்படி படிக்க வேண்டும்.  

அழகாக படிக்கலாம்... அசத்தலாக ஜெயிக்கலாம்!

3. ப்ளூ ப்ரின்ட் தயார்செய்து, படிக்க வேண்டும். எந்தெந்தப் பகுதிகளில் இருந்து எத்தனை மதிப்பெண்கள் கேட்கப்படுகின்றன... 3 மதிப்பெண்கள், 5 மதிப்பெண்கள், 10 மதிப்பெண்கள் எந்தப் பகுதிகளிலிருந்து கேட்கப்படுகின்றன... சாய்ஸ் எவ்வளவு உள்ளது என்பதைப் புரிந்துகொள்ள வேண்டும்.  கட்டாய வினா எப்படிக் கேட்கிறார்கள்... அதற்கு எவ்வாறு பதில் அளிக்க வேண்டும் என்பதையும் தெரிந்துகொள்ள வேண்டும்.  

4. அடுத்து, வாசிக்கும் திறன். அர்த்தம் புரியும்படி வாசிக்கக் கற்றுக்கொள்ள வேண்டும். ஒவ்வொரு மாணவரும் இருக்க வேண்டும். வாசிக்க நன்கு தெரிந்திருக்க வேண்டும். படித்தவற்றை அடிக்கடி சொல்லிப்பார்க்க வேண்டும். நினைவு கூர்தல் என்பது மிக முக்கியம். அப்போதுதான் மனதில் ஆழப் பதியும். எனவே, படித்ததை அடிக்கடி சொல்லிப் பார்க்க வேண்டும்.

திருப்புதல்!

திருப்புதலுக்கு என்று நாம் நேரம் தனியே செலவிட வேண்டாம். நாம் கடைக்குச் செல்லும்போதும் வேறு எங்காவது பயணம் செய்யும்போதும் படித்ததை மனதுக்குள் நினைத்துக் கொண்டிருந்தாலே போதும். பஸ் ஸ்டாப்பில் காத்திருக்கும் நேரத்தில்கூட சொல்லிப் பார்த்துக்கொள்ளலாம். அப்படி நினைத்துப் பார்க்கும்போது, எந்தப் பாடத்தின் கேள்விகள் சரியாக நினைவுக்கு வரவில்லையோ, அந்தப் பாடத்தை வீட்டுக்கு வந்ததும் மீண்டும் ஒருமுறை படித்துப்பார்க்கலாம்.

அழகாக படிக்கலாம்... அசத்தலாக ஜெயிக்கலாம்!

இப்படி நேரம் கிடைக்கும் போதெல்லாம்  சொல்லிப்பார்க்கும் போது, நமது மூளையில் Short term memory-யில் இருக்கும் கருத்துக்கள், Long term Memory-க்கு செல்ல வாய்ப்பு உள்ளது.  ஞாபகசக்தி அதிகரிக்கும். சுறுசுறுப்பும் அதிகமாகும். நேரத்தைச் சரியாகப் பயன்படுத்துகிறோம் என்பதால், தன்னம்பிக்கையும் பெருகும்.

பாசிட்டிவ் எண்ணம்!

நாம் நன்றாகப் படித்திருந்தாலும் தேர்வு பயம் வந்துவிட்டால், படித்தது நினைவுக்கு வராது. இந்தப் பயத்தை உதறித் தள்ள, நம்முள் நேர்மறையான சிந்தனைகளை வளர்த்துக் கொள்ள வேண்டும். எதிர்மறையான சிந்தனை களை மறந்தும் யோசிக்கக் கூடாது. நாம் ஒருவருடன் கைகுலுக்கும்போது, தயக்கம் துளியும் இல்லாமல் மகிழ்ச்சியுடன் கைகுலுக்க வேண்டும். ஆசிரியரிடம் சந்தேகம் கேட்கச் செல்லும் போது, எந்தப் பாடத்தில் என்ன சந்தேகம் என்பதைத் தெளிவாகக் கூற வேண்டும்.

அழகாக படிக்கலாம்... அசத்தலாக ஜெயிக்கலாம்!

இப்படியான செய்கைகளால், பயம், பதட்டத்தைக் கொஞ்சம் கொஞ்சமாகக் குறைக்க முடியும். 'நம்மால் முடியும்’ என்ற நம்பிக்கை வளரும். 'என்னால் சாதிக்க முடியும்.’ 'நான் சாதித்தே தீருவேன்’ என்ற எண்ணங்களே மேலோங்கும். 'முடியும்’ என்ற ஒன்றே நிலைபெற்று இருக்கும். மாட்டேன், முடியாது, கிடையாது, இல்லை, தெரியாது போன்ற எதிர்மறை வார்த்தைகளுக்கு இடமே இருக்கக் கூடாது.

'Impossible' என்ற வார்த்தை, தனது அகராதியில் இல்லை என்று நெப்போலியன் கூறியது போல, நாமும் சொல்லும் நிலைக்கு முன்னேறலாம்.

பதற்றம் வேண்டாம்!

நேரத்தைத் திட்டமிட்டு, இலக்கைக் குறிவைத்துப் படித்திருக்கிறீர்கள். தேவையான எல்லாவற்றையும் முன்கூட்டியே எடுத்து வைத்திருக்கிறீர்கள். நல்ல உணவு, போதுமான உறக்கம், எளிய உடற்பயிற்சி என உற்சாகமாக, ஆரோக்கியமாக இருக்கிறீர்கள். அப்புறம் என்ன...ஜம்மென்று தேர்வுக்குக் கிளம்பலாம். அந்த நேரத்தில் ஏன் வீணான பதற்றம்? எது குறித்தும் டென்ஷன் வேண்டாம்.

அழகாக படிக்கலாம்... அசத்தலாக ஜெயிக்கலாம்!

பேருந்தில் பள்ளி செல்பவர்கள், வழக்கமாகப் புறப்படும் நேரத்தைவிட, சற்று முன்னதாகவே புறப்படுங்கள். கூட்டமான பேருந்துகளில் செல்லும்போது, தேர்வுக்கு எடுத்துச்செல்லும் பொருட்களைத் தவறவிட வாய்ப்பு உள்ளது. படிகளில் பயணம், தேர்வு நேரத்தில் மட்டுமல்ல, எப்போதுமே கூடாது.

சைக்கிளில் செல்பவர்கள், தங்கள் சைக்கிளில் ஏதேனும் பழுது இருந்தால், முதல் நாளே சரி செய்துகொள்ளவும். தேர்வுக்குச் செல்லும்போது, ஏதேனும் பழுது ஏற்பட்டாலும் பதற்றம் வேண்டாம்.  அருகில் இருக்கும் வீடு அல்லது கடைகளில் விட்டுவிட்டு, தேர்வுக்கு சரியான நேரத்துக்குச்  செல்லுங்கள்.

தேர்வு தொடங்குவதற்கு முன், கழிவறை செல்ல வேண்டியிருந்தால், தள்ளிப்போடாமல் சென்றுவிடுங்கள்.   தேர்வு அறையில், உங்களுக்கு உரிய இடத்தில்  அமருங்கள். நீங்கள் அமர்ந்திருக்கும் இடத்தின் அருகே பேப்பர் அல்லது வேறு ஏதேனும் கிடந்தால், அதை எடுத்து கண்காணிப்பாளரிடம் கொடுத்துவிடுங்கள்.

கவனி... கவனி!

அழகாக படிக்கலாம்... அசத்தலாக ஜெயிக்கலாம்!

பரீட்சைக்கு அவசியமான பொருட்கள்:

1. ஹால் டிக்கெட்.

2. இரண்டு பேனாக்கள் (இங்க் பேனா என்றால், அவற்றில் இங்க் இருக்கிறதா என்று சரிபார்த்து வைக்கவும்).

3. சீவப்பட்ட பென்சில்கள் இரண்டு.

4. ஷார்ப்னர், ரப்பர்.

5. ஜியோமென்ட்ரி பாக்ஸ்.

6. ஓர் அடி ஸ்கேல்.

7. ஒரு நாணயம் (சின்ன வட்டங்கள் வரைய).

8. இரு நிறங்களில் ஸ்டிக் பேனாக்கள்.

9. பரீட்சை அட்டை.

10. தண்ணீர் பாட்டில்.

தேர்வு அறையில் அனுமதிக்கக்கூடிய உபகரணங்களை  மட்டுமே எடுத்துச் செல்லவும். கால்குலேட்டர் எடுத்து வர அனுமதி இல்லையென்றால், அதை எடுத்துச்செல்லாதீர்கள். அநாவசிய நேர விரயம் மற்றும் பதற்றத்தைத் தவிர்க்கவும்.

தேர்வு அறையில்!

ஒரு மணி நேரம் முன்னதாகச் சென்றுவிட வேண்டும். தேர்வுக்குத் தேவையான பொருட்கள் அனைத்தும் சரியாக இருக்கிறதா என்று ஒரு முறை செக் செய்துவிட வேண்டும்.  யாரிடமும் இரவல் கேட்கக் கூடாது.

அழகாக படிக்கலாம்... அசத்தலாக ஜெயிக்கலாம்!

வினாத்தாள் தந்ததும், எல்லா கேள்விகளையும் முழுவதும் படிக்க வேண்டும். கேள்விகள் அனைத்தும் ப்ரின்ட் ஆகியுள்ளதா, வினாக்கள் ஏதும் விடுபட்டுள்ளனவா? என்பதைச் சரிபார்க்க வேண்டும். நன்கு தெரிந்த விடைகளை முதலில் எழுத வேண்டும். கையெழுத்து தெளிவாக இருக்க வேண்டும். நமக்கும் புரியாமல், திருத்தும் ஆசிரியருக்கும் புரியாமல் நுணுக்கி எழுதக் கூடாது. ஒவ்வொரு வார்த்தைக்கும், ஒவ்வொரு வரிக்கும் போதுமான இடைவெளி இருக்க வேண்டும். முக்கிய கருத்துக்களை அடிக்கோடிடுதல் வேண்டும். பாக்ஸ் போட வேண்டும். தலைப்பு கொடுக்க வேண்டும். மையப் பகுதியில் எழுத வேண்டும். கடைசிப் பகுதி, வரை நுணுக்கி எழுதக் கூடாது.

நேரத்தைத் திட்டமிட்டு, 15 நிமிடங்களுக்கு முன்னதாக எழுதி முடித்துவிட வேண்டும். வினாத்தாளை நூலால் கட்டிய பிறகு, எழுதியவற்றை நிதானமாகத் திருப்புதல் செய்ய வேண்டும். எழுத்துப் பிழை, தகவல் பிழை இருந்தால், சிங்கிள் கோட்டினால் அடித்துவிட்டு, எழுத வேண்டும்.

தேர்வு முடிந்தவுடன்!

தேர்வு சிறப்பாக எழுதிவிட்டீர்கள். வாழ்த்துகள்.

அழகாக படிக்கலாம்... அசத்தலாக ஜெயிக்கலாம்!

தேர்வு எழுதி முடிந்ததும் வீட்டுக்குச் செல்ல வேண்டும். தாங்கள் எழுதியது பற்றி நண்பர்களுடன் விவாதிக்கக் கூடாது. நாம் சரியாக எழுதிய விடையையும்  தவறு எனச் சொல்லி, குழப்பிவிடலாம்.  இது தேவையில்லாத பதற்றத்தை  ஏற்படுத்தி, அது அடுத்த தேர்வுக்கு இடைஞ்சலாக மாறிவிடும். அடுத்த தேர்வில், ஒரு கேள்விக்கு பதில் எழுதும்போது, பதில் சரியா இல்லையா என்று ஊசலாட்டத்தைத் தந்துவிடும். நமக்கு நன்கு பதில் தெரிந்ததையும் சந்தேகத்துடன் எழுதும்படி செய்துவிடும்.

தேர்வு முடிந்ததும் வீட்டுக்குச் சென்று ஓய்வு எடுத்துக்கொண்டு, அடுத்த தேர்வுக்கான பாடங்களைப் படிக்க ஆரம்பித்துவிட வேண்டும்.

உணவில் கவனம்!

மூளையில், பதில்களை நீங்கள் பதிவுசெய்து வைத்திருந்தாலும் உடல் ஒத்துழைக்கா விட்டால், முழு சக்தியுடன் தேர்வை எதிர்கொள்ள முடியாது. அதற்கு, சத்தான உணவு அவசியம். கார்போஹைட்ரேட், புரோட்டீன்கள், தாது உப்புகள், வைட்டமின்கள் அவசியம். அதற்கு காய்கறிகள், பழங்கள் சாப்பிடலாம். தேனும், திணை மாவும் சாப்பிடலாம். கேரட், முள்ளங்கியைப் பச்சையாகத் தின்னலாம்.  செரிமானத்தைச் சீர்படுத்தி, நோய் எதிர்ப்பு சக்தியை அதிகரிக்கும். வெண்டைக்காய், ஞாபகசக்தியை அதிகரிக்கும். கீரை வகைகள், சோர்வை நீக்கி சுறுசுறுப்பைத் தரும்.

அழகாக படிக்கலாம்... அசத்தலாக ஜெயிக்கலாம்!

தண்ணீர் அதிகம் குடிப்பது நல்லது. ஃபாஸ்ட்ஃபுட்டுக்கு நோ சொல்லிவிடவும். தானிய வகைகள் அதிகம் சேர்த்துக் கொள்ளலாம். கோதுமை, கேப்பை, கம்பு, வரகு, சாமை, குதிரைவாலி, புரதச்சத்து மிக்க வேர்க்கடலை, பாதாம், பிஸ்தா, பருப்பு மற்றும் பயறு வகைகளைச் சேர்த்துக்கொள்வது சிறந்தது. இரண்டு, மூன்று நாட்கள் ஃப்ரிட்ஜில் வைத்த பொருட்களைச் சாப்பிடுவதை கட்டாயம் தவிர்க்கவும். சத்தான உணவைச் சாப்பிடுங்க. சந்தோஷமா தேர்வை எழுதுங்க.

ஒரு நாள் உணவுப் பட்டியல்!

தேர்வுக்குத் தயாராகும் மாணவர்களுக்கு, ஒரு நாளைக்கான டயட் சார்ட் இதோ...

அழகாக படிக்கலாம்... அசத்தலாக ஜெயிக்கலாம்!

காலை உணவு:

•  இட்லி - சாம்பார்

•  பிரெட் டோஸ்ட் - முட்டை

•  சத்துமாவுக் கஞ்சி - பால்

• ஆப்பிள்

மதிய உணவு:

• ஒரு கப் சாதம் - ரொட்டி - சப்பாத்தி

•  சன்னா - பருப்பு

• கீரை - மீன்

• காய்கறிகள் - வெள்ளரிக்காய் 

• சாலட்

• வாழைப்பழம், முளைகட்டிய தானியங்கள்.

• மில்க் ஷேக் வகைகள்

இரவு உணவு:

• வெஜிடபிள் சூப்

• சைவ, அசைவ கறி வகைகள் ரு கப் சாதம்  சப்பாத்தி  ரொட்டி.

• கேரட் ரைத்தா

• ஒரு பழம்

இத்துடன் நிறையத் தண்ணீர் அருந்த வேண்டும்.

இரட்டை எதிரிகள்: மறதி, சோம்பல்!

அழகாக படிக்கலாம்... அசத்தலாக ஜெயிக்கலாம்!

நம்கூடவே இருக்கும் இரண்டு எதிரிகள்தான் மறதியும் சோம்பேறித்தனமும். இவை இரண்டையும் அடித்துத் துரத்தினால், எல்லாமே தூசிதான். காலை 5 மணிக்கு அலாரம்வைத்து, எழுந்து படிக்கலாம் என்று நினைப்போம். அலாரமும் அடிக்கும். சிறிது நேரம் கழித்து எழுந்திருக்கலாம் என அலாரத்தை நிறுத்தினால், காலை 7 மணி ஆகிவிடும். அவசர அவசரமாகக் குளித்துவிட்டு, பள்ளிக்கு செல்வதற்குத்தான்  நேரம் சரியாக இருக்கும். இதுதான் சோம்பேறித்தனத்தின் முக்கிய அம்சம். மறதியை நீக்க, செய்யும் வேலைகளைப் பட்டியலிட வேண்டும். எழுதிவைத்து, அதன்படி ஒவ்வொன்றையும் டிக் செய்து, ஒவ்வொன்றாக முடிக்க வேண்டும். அதுதான் சிறந்த முறை. கவனத்தைச் சிதறவிட்டால், மறதி அதிகரிக்கும்.

இரட்டை எதிரிகளை ஒற்றை ஆளாக எதிர்த்து அசத்துங்க.

எளிய உடற்பயிற்சிகள்!  

உணவுக்கு முக்கியத்துவம் கொடுப்பதைப் போல, உடற்பயிற்சிகளுக்கும் முக்கியத்துவம் கொடுக்க வேண்டும். சின்னச் சின்ன உடற்பயிற்சிகள், உங்கள் ரத்த ஓட்டத்தைச் சீராக்கி, புத்துணர்ச்சியைக் கொடுக்கும். தேவையற்ற கலோரிகளை எரித்து, உடலை ஆரோக்கியமாக வைத்திருக்கும். மனநலனே உடல்நலனுக்கு அடிப்படை. காலையில் எழுந்ததும், பள்ளியில் கற்றுத்தந்த எளிமையான உடற்பயிற்சிகளைச் செய்யலாம்.

அழகாக படிக்கலாம்... அசத்தலாக ஜெயிக்கலாம்!

மனம் நன்றாக இருந்தால், உடலும் நன்றாக இருக்கும். மனத்தை உற்சாகமாகவும் ஆரோக்கியமாகவும் வைத்துக்கொள்ள, நேர்மறையான மனப்போக்கும் சிந்தனைகளும் அவசியம். எப்போதும் நேர்மறையான எண்ணங்களே உங்கள் மனதில் தோன்ற வேண்டும். சிந்தனை செம்மையாகும்போது, மனம் வசப்படும். நீங்கள் விரும்பும் எல்லாமே உங்களுக்கு வசப்படும். பிறகு என்ன? எந்தத் தேர்வு என்றாலும் அடித்துத் தூள் கிளப்ப வேண்டியதுதான்!

தூக்கம் அவசியம்!

அழகாக படிக்கலாம்... அசத்தலாக ஜெயிக்கலாம்!

தேர்வுக் காலங்களில் தூக்கத்தையே மறந்துடணும் என்று யாராவது சொன்னால், கேட்காதீர்கள். படிக்கும் விஷயங்கள் அனைத்தும் ஞாபகத்துக்கு மாறுவது தூக்கத்தில்தான். சரியான நேரத்தில் தூங்க வேண்டும். ஒரு நாளைக்கு, 7 மணி நேரம் தூங்குவது சிறந்தது. படுப்பதற்கு முன், டிவி பார்ப்பது, கம்ப்யூட்டரில் விளையாடுவது. வீடியோ கேம் விளையாடுவது, செல்போன் கேம் போன்றவை கூடாது. ஆழ்ந்த தூக்கம் வேண்டும். தூக்கத்தைக் கெடுக்கும் பானங்களை அருந்தக் கூடாது.  ஆழ்ந்து தூங்கினால்தான், மூளை முழுவதுமாக ஓய்வுபெறும். மூளை நன்கு ஓய்வுபெற்றால்தான்,  மீண்டும் நாம் படித்துப் பதிவுசெய்ய முடியும். ஞாபகசக்தியை அதிகரிக்க, ஆழ்ந்த தூக்கம் அவசியம்.

மும்மணிகள்!

1. தன்னம்பிக்கை

2. விடாமுயற்சி

3. கடின உழைப்பு

இவை மூன்றும் மும்மணிகள் என அழைக்கப்படுகின்றன.

ஒவ்வொருவரும் சுய விருப்பத்துடன், அடுத்தவர் தூண்டுதல் இல்லாமல், தாமாக மனம் உவந்து விரும்பிப் படிக்க வேண்டும். தன்னம்பிக்கையுடன் முயற்சிசெய்து, கடினமாக உழைத்தால், வெற்றி நிச்சயம்.

அழகாக படிக்கலாம்... அசத்தலாக ஜெயிக்கலாம்!

அச்சம், கவலை, பதற்றம் முதலியவற்றைத் தவிர்க்க வேண்டும். பாசிட்டிவ் எண்ணத்துடன், பாசிட்டிவ் எனர்ஜியுடன் தேர்வை எழுத வேண்டும். தேர்வு என்பது படித்ததை அளவிடும் ஒரு கருவியே. தோல்வியும், வெற்றியும் வீரனுக்கு அழகு என்பதை நினைவில்கொள்ள வேண்டும். தேர்வில் எத்தனை மதிப்பெண்கள் எடுத்தாலும் அதற்கென்று ஒரு வழி உள்ளது. அதற்கென்று படிப்பதற்கு ஒரு படிப்பு உள்ளது. அதற்கென்று ஒரு வேலைவாய்ப்பு உள்ளது. எவரும் கவலைப்படத் தேவை இல்லை.முயற்சியே சிறந்த வழிகாட்டி.

அனைவரும் நன்கு படித்து, அதிக மதிப்பெண்கள் பெற்று தேர்வில் வெற்றிபெற வாழ்த்துக்கள்.

எஸ்.பாலாஜி்: மதுரை மாவட்டத்தில் வருவாய் வட்டாட்சியராகப் பணிபுரிகிறார். விடுமுறை நாட்களில், மாணவர் காப்பகங்களில் அவர்களின் கல்வி வளர்ச்சிக்காக உதவி செய்துவருகிறார். சென்னை மாநகராட்சிப் பள்ளிகளின் சிறப்புப் பயிற்றுநராகவும் கல்வி ஆலோசகராகவும் இருக்கிறார். போட்டித் தேர்வுகளுக்கான பயிற்சியையும் நடத்திக்கொண்டிருக்கிறார்.

அழகாக படிக்கலாம்... அசத்தலாக ஜெயிக்கலாம்!

வசந்தி பாபு: சென்னையில், சமூக சேவை மற்றும் உளவியல் துறையில் 15 ஆண்டுகளுக்கும் மேலாக அனுபவம் பெற்ற மனநல ஆலோசகர்.

அழகாக படிக்கலாம்... அசத்தலாக ஜெயிக்கலாம்!

ஜீவன் ஃபவுன்டேஷன்’ என்னும் தனியார் அமைப்பில், 'மயோபதி’ என்னும் நோயால் பாதிக்கப்பட்ட குழந்தைகளுக்கும், அவர்களின் பெற்றோர்களுக்கும் ஆலோசகராகப் பணியாற்றிவருகிறார்.  

தொகுப்பு: வி.எஸ்.சரவணன், பிரேமா நாராயணன்

படங்கள்: ப.சரவணகுமார், தி.ஹரிஹரன், க.பாலாஜி, க.சதீஷ்குமார்

ஓவியங்கள்: ஆர்.சுரேஷ்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism