அடடே...அனிமல் டே !

கே.யுவராஜன்

. ஹாய் சுட்டீஸ்... அக்டோபர் 4-ம் தேதி உலக விலங்குகள் தினம். இந்த தினம் வந்த விதம் பற்றி நிறையவே படிச்சு இருப்பீங்க. அதனால, விலங்குகள் சம்மந்தமான 'அட’ சொல்ல வைக்கும் சில செய்திகளை 'நறுக்... சுருக்’ வரிகளில் பார்க்கலாமா...

. ##~## . நாமதான் தமிழில் 'உலக விலங்குகள் தினம்’ என்று சொல்கிறோம். ஆனா, 'வேர்ல்ட் அனிமல் டே’ என்று சொன்னால் அது பறவைகள், நீர் வாழ்விகள்... புழு-பூச்சியையும் சேர்த்தே சொல்லப்படுது.

. [ 'அனிமலே’ என்ற லத்தீன் வார்த்தையில்இருந்து ஆங்கிலத்துக்கு வந்ததுதான் அனிமல். இந்த 'அனிமலே’ என்ற ஒலி உச்சரிப்பு வர்ற மாதிரி தமிழிலும் ஒரு சொல் இருக்கு... அதுதான் 'ஆன்மா.’ அதாவது... மூச்சுவிடும் உயிரிகள் என்பதன் பொதுவான சொல்தான் அனிமல்.

. ['உலக விலங்குகள் தினம்’ என்று சொல்லப் பட்டாலும், இது ஒரே நாளில் முடியற நிகழ்ச்சி இல்லே. பல நாடுகளில் அக்டோபர் 4 முதல் 10 வரை ஒரு வாரத்துக்கு விலங்குகள் தினத்தைக் கொண்டாடுவாங்க.

. [விலங்குகள் தினம் என்பதில்... பறவை களையும் சேர்த்தே சொல்றோம் என்றாலும், இடம்விட்டு இடம் செல்லும் பறவைகளுக்காகவும் கீஷீக்ஷீறீபீ விவீரீக்ஷீணீtஷீக்ஷீஹ் ஙிவீக்ஷீபீ ஞிணீஹ் என்று ஒவ்வொரு ஆண்டும் மே 14, 15 தேதிகளில் கொண்டாடறாங்க.

. [வீடுகளில் வளர்க்கப்படும் செல்லப் பிராணிகளில்... பூனைக்கும் நாய்க்கும் எப்பவும் 'நீயா... நானா?’ போட்டிதான். 2009-10 ஆம் ஆண்டு வரையான சர்வேயில், ஜெயிச்சு இருக்கறது பூனைகள். உலகம் முழுக்க உள்ள பூனைகளின் எண்ணிக்கை 202 மில்லியன். நாய்களோ... 171 மில்லியன்.

. [உலகில் நாய், பூனைக்கு அடுத்து மூணாவது இடத்தில் இருக்கிற செல்லப் பிராணி எது தெரியுமா? சொன்னா ஆச்சர்யமா இருக்கும். கொறிக்கும் இனத்தைச் சேர்ந்த அணிலும், சில வகை எலிகளும்தான்.

. [மைக்கேல் ஜாக்ஸன், 'பபிள்ஸ்’ என்ற பெயரில் ஆசையுடன் வளர்த்த சிம்பன்ஸிக்குத் தன்னோட உயிலில்... 20 லட்சம் அமெரிக்க டாலரை எழுதி வெச்சு இருக்கார். இப்ப 28 வயதாகும் பபிள்ஸ்... உலகப் பணக்கார விலங்குகளில் ஒண்ணு!