Published:Updated:

தன்னம்பிக்கைத் தோழர்கள்!

தன்னம்பிக்கைத் தோழர்கள்!

தன்னம்பிக்கைத் தோழர்கள்!

தன்னம்பிக்கைத் தோழர்கள்!

Published:Updated:
தன்னம்பிக்கைத் தோழர்கள்!

ங்கள் பள்ளியில் இடது கைப் பழக்கம் உள்ள மாணவர்கள் சிலர் இருக்கிறார்கள். கலை நிகழ்ச்சிகள், விளையாட்டுப் போட்டிகள் எனப் பலவற்றிலும் கலந்துகொள்ளாமல் ஒதுங்கியே இருப்பார்கள். அவர்களைத்  தேடிப் பிடித்து காரணம் கேட்டோம்.  இடது கைப் பழக்கத்தின் பிளஸ், மைனஸ்களைச் சொன்னார்கள். பல விஷயங்கள் புதியதாக இருந்தன.

தன்னம்பிக்கைத் தோழர்கள்!

ஒட்டுமொத்த விகடனுக்கும் ஒரே ஷார்ட்கட்!

‘‘நண்பர்கள் யாராவது ‘பலப் பரீட்சைக்கு (Arm wrestling) வர்றியா?’னு கேட்டா, நாங்களும் தயாராவோம். ஆனா, அவங்க எல்லாம் வலது கையில்தான் போட்டிக்கு வருவோம் என்பார்கள். எங்களுக்கு இடது கைதான் வசதி. லெஃப்ட் ஹேண்ட் ஆட்டத்துக்கு வர மாட்டோம்னு சொல்லிட்டு போய்டுவாங்க’’ என்றான் ராஜ்குமார்.

‘‘எங்க ஸ்கூல்ல நிகழ்ச்சிகள் நடக்கும்போது, மேடையில் ஏதாவது கொடுக்கச் சொன்னா, எங்களுக்குத் தயக்கமா இருக்கும். நாங்கள் லெஃப்ட் ஹேண்ட்ல கொடுத்து, ஏதாவது சொல்லிடுவாங்களோனு பதற்றமாக இருக்கும்” எனச் சொன்னார் ஷீதல்.

‘‘வாட்டர் பாட்டில் மூடியை, ரைட் ஹேண்டில் திறக்க 30 செகண்டு ஆச்சுனா, நாங்க லெஃப்ட் ஹேண்டு மூலம் 20 செகண்டில் திறந்துடுவோம்’’ என்றான் கைலாஷ்.

‘‘எந்தப் பொருளையும் ரைட் ஹேண்டைவிட லெஃப்ட் ஹேண்டில் எடுத்துட்டுப் போனாதான், பத்திரமா இருக்கும். ஆனா, பேரன்ட்ஸ் இதைப் புரிஞ்சுக்காம, ‘ரைட் ஹேண்ட்ல வாங்கு. ரைட் ஹேண்ட்ல எடுத்துட்டுப் போ. ரைட் ஹேண்டுலதான் கொடுக்கணும்னு சொல்றாங்க’’ என்றான் ஹர்ஷன்.

பல கண்டுபிடிப்புகளும், வலது கைப் பழக்கம் உள்ளவர்களுக்கு ஏற்ற வகையிலேயே இருக்கு. உதாரணமா, கம்ப்யூட்டரை இயக்கும் மெளஸ் அப்படியே உள்ளது. இடது கைப் பழக்கத்துக்கு என்ன காரணம், அதனால் என்ன பிரச்னை வரும்னு உளவியல் நிபுணர் அபிலாஷாவிடம் கேட்டோம்.

‘‘இடது கையைப் பயன்படுத்துவது குறை அல்ல. இடது கைப் பழக்கம் என்பது, பெரும்பாலும் மரபணு சார்ந்த விஷயம். சிறு வயதில் பழகிக்கொள்ளும் தன்மை. சிலருக்கு இடது கையில் பழகுவது எளிதாக இருக்கும். வலது கையால் கொடு, அதுதான் மரியாதைனு சொல்வது எல்லாம் நம் சமூகத்தில் இருக்கும் பழக்கவழக்கங்களினால் வருவது. பெற்றவர்களும் மற்றவர்களும் இதைப் புரிந்துகொண்டு, இடது கைப் பழக்கம் உள்ளவர்களைப் புண்படுத்தாமல் நடத்த வேண்டும். இடது கைப் பழக்கம் உள்ளவர்களுக்கு, வலப் பக்கம் மூளை நன்றாக இயங்கும். அதனால், அவர்கள் புதிய படைப்புகளைப் படைக்கும் திறன் பெற்றவர்களாகவும், மற்றவர்களால் விரும்பப்படுபவர்களாகவும் இருப்பார்கள். எனவே, தாழ்வுமனப்பான்மை தவிர்த்து, எல்லோருடனும் இயல்பாகப் பழகுங்கள்” என்றார்.

அப்புறம் என்ன ஃப்ரெண்ட்ஸ்? தன்னம்பிக்கையோடு இடது கையை உயர்த்துங்க!

- ஆர்.வெங்கட்ரமணன், ச.ஹரிகிருஷ்ணன், அவினாஷ்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism