Published:Updated:

எங்கள் பள்ளி!

எங்கள் பள்ளி!
பிரீமியம் ஸ்டோரி
எங்கள் பள்ளி!

எங்கள் பள்ளி!

எங்கள் பள்ளி!

எங்கள் பள்ளி!

Published:Updated:
எங்கள் பள்ளி!
பிரீமியம் ஸ்டோரி
எங்கள் பள்ளி!

“ஒருவர் எத்தனை தொழில்களைச் செய்தாலும், அது அவருக்கும் அவரைச் சார்ந்த சிலருக்கும் மட்டுமே சில காலம் மட்டுமே பயன்படும். ஆனால், கல்விச் சேவை மூலமே என்றென்றும் ஒருவரின் பெயர் நிலைத்து நிற்கும். இதை மனதில்வைத்தே  எங்கள் தந்தையின் நினைவாக 1996-ம் ஆண்டு ‘சேதுராஜன் பத்மா மெட்ரிகுலேஷன் மேல்நிலைப் பள்ளி’யைத் தொடங்கினோம்” என்கிறார், பள்ளியின் நிர்வாகக் குழு உறுப்பினர் மதன் ராஜ்.

எங்கள் பள்ளி!

மதுரை மாநகரில், ஜெய்ஹிந்த்புரத்தில் கம்பீரமாக வீற்றிருக்கிறது இந்தப் பள்ளி. ‘‘எங்கள் பள்ளி மாணவர்கள், பாடப் புத்தகங்களைத் தாண்டிய அறிவைப் பெறவேண்டும் என்பதே எங்கள் முதல் நோக்கம். அந்தப் பாடப் புத்தகத்தையும் எளிமையாகக் கற்பிக்கவே நினைப்போம். உதாரணமாக, வரலாற்றுப் பாடத்தில் அக்பர் பற்றி நடத்தும்போது, அக்பர் பற்றிய காமிக்ஸ் புத்தகங்கள், படத் தொகுப்புகளை ஆசிரியைகளிடம் கொடுத்துவிடுவோம். மாணவர்களிடம் அதைக் கொடுத்து படிக்கச் சொல்வோம். பிறகுதான் பாடம் நடத்துவோம். அப்படி பாடம் நடத்தும்போது, மாணவரின் மனதுக்குள் அரண்மனையும் குதிரைகளும் வரும்’’ எனப் புன்னகைக்கிறார், பள்ளியின் முதல்வர் ஆனந்த சொரூப சாந்தி.

ஒட்டுமொத்த விகடனுக்கும் ஒரே ஷார்ட்கட்!

எங்கள் பள்ளி!

எதையும் செயல்முறையாகச் செய்துகாட்டி, மாணவர்களுக்குப் புரியவைக்க வேண்டும் என்கிற அக்கறைக்கு ஓர் உதாரணம் இது. பள்ளியின் ஒரு பகுதியை இரண்டாகப் பிரித்து, ஒன்றில் இயற்கை உரங்களையும், மற்றொரு பகுதியில் செயற்கை உரங்களையும் இட்டு, செடி வளர்ப்பில் மாணவர்களை ஈடுபடுத்தி வருகிறார்கள். இயற்கை உரம் இட்ட பகுதியில் உள்ள செடிகளின் செழிப்பையும், செயற்கை உரங்களால் வளரும் செடிகளையும் மாணவர்கள் தினமும் கவனித்துவருகிறார்கள்.

மாணவர்களே உருவாக்கிய அகராதி, ஒவ்வொரு வகுப்புக்கும் ஒரு நூலகம், சிறுவர் உலக சினிமா திரையிடல், மாணவர்களே நடத்தும் கையெழுத்துப் பத்திரிகை என ஒவ்வொரு திட்டமும் சபாஷ் சொல்லவைக்கிறது.

எங்கள் பள்ளி!

‘‘மாணவர்களின் கூடுதல் திறன்களை வளர்க்க,  ஆசிரியர்களுக்கும் திறன் மேம்பாடு முக்கியம். அதை மனதில்கொண்டு, ஆசிரியர்களுக்குப் பல்வேறு சிறப்பு பயிற்சிகளை வல்லுநர்கள் மூலம் வழங்கிவருகிறோம். ஆண்டு விழாக்களில், ஆசிரியர்களே பாடல்களைத் தயாரித்து வழங்கும் போட்டிகளையும் நடத்துகிறோம்’’ எனப் பெருமையுடன் சொல்கிறார், பள்ளியின் தாளாளர் பத்மா.

மாலை முழுதும் விளையாட்டைப் பழக்கப்படுத்தும் வகையில், தினந்தோறும் மாலையில் ஒரு மணி நேரம் விளையாட்டு வகுப்பு உண்டு. பொதுத் தேர்வு எழுதும் 10 மற்றும் 12-ம் வகுப்பு மாணவர்களுக்கும் இந்த விளையாட்டில் 100 சதவிகித வாய்ப்பு அளிக்கப்படுகிறது என்பது சிறப்பு.

எங்கள் பள்ளி!

‘‘அதனால், அவர்களின் உடலும் உள்ளமும் ஆரோக்கியம் பெறுகின்றன. மறுநாள் பள்ளிக்கு வரும்போது மலர்ச்சியுடன் வருகிறார்கள். பாடங்களையும் எளிதில் புரிந்துகொள்கிறார்கள்.  அவர்களின் அந்த மலர்ந்த முகம்தான் எங்கள் கல்வியின் மிகப் பெரிய வெற்றியாக நினைக்கிறோம்’’ என்கிறார் முதல்வர் புன்னகையுடன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism