மதுரை மண்ணில் மகாத்மா!

ம துரையின் பெருமைகளில் ஒன்று காந்தி மியூஸியம். காந்தி மதுரைக்கு வந்தபோது, ஏழை விவசாயிகள் உடுத்த உடை இல்லாமல் இருப்பதைப் பார்த்து, அரையாடை உடுத்த ஆரம்பித்தார். இந்த அருங்காட்சியகம் பற்றி சில வரிகள்...

. காந்தியின் மறைவுக்குப் பிறகு, இந்தியாவில் ஏழு இடங்களில் காந்தி நினைவு அருங்காட்சியகங்களை ஜவஹர்லால் நேரு அமைத்தார். அவற்றில் ஒன்று இது. 1959 ஏப்ரல் 15-ல் நேருவால் திறக்கப்பட்டது.

. காந்தி பயன்படுத்திய பொருட்கள், அவர் எழுதிய கடிதங்கள், புத்தகங்கள் இங்கே உள்ளன. தமிழில் காந்தி எழுதிய கடிதம் மிகச் சிறப்பானது. காந்தியின் புகைப்படங்கள் பொக்கிஷமாக உள்ளன.

. காந்தி சுடப்பட்டபோது அணிந்திருந்த ஆடையின் ரத்தக்கறை படிந்த ஒரு பகுதி, இங்கே பாதுகாக்கப்படுகிறது.

‘காந்தி குடில்’ என்கிற பெயரில், அவர் தங்கிய வீட்டின் மாதிரியும் உருவாக்கப்பட்டுள்ளது. காந்தியின் அஸ்தி மண்டபம் ஒன்றும் உள்ளது.

. இந்தியாவின் சிறப்புகள், சுதந்திரப் போராட்ட வரலாறு, தேசியக்கொடியின் வரலாறு ஆகியவற்றை ஓவியங்களாக இங்கே பார்க்கலாம்.

இந்த அருங்காட்சியகத்துக்குள் ஒரு முறை வலம் வந்தால், காந்தியை முழுமையாக அறிந்த உணர்வு ஏற்படும்.

. - எஸ்.சுதர்சன முத்தையா, எஸ்.அஸ்வின், டி.மனோஜ், பி.வி.மதுமித்ரா, ஆர்.லாவண்யா, பி.நவநீத கிருஷ்ணன்.

மதுரை மண்ணில் மகாத்மா!

Vikatan Correspondent