க்யூட் பிரேஸ்லெட்!

ஹா ய் ஃப்ரெண்ட்ஸ்... உங்களுக்கு ரொம்பப் பிடிச்சவங்களுக்கு, உங்க கையாலே செய்த சின்னச்சின்னப் பரிசுகளைக் கொடுத்து அசத்தினால் எப்படி இருக்கும்?

. ‘‘கற்றுக்கொடுக்க நான் ரெடி. பரிசுகளைச் செய்து அசத்த நீங்க ரெடியா?’’ என்கிறார் சங்கீதா பிரகாஷ். இதோ இந்த இதழில் க்யூட்டான பிரேஸ்லெட்.

தேவையானவை:

. இன்ச் டேப், ஸ்டீல் இன்ச் டேப், ஃபெவிகால், கத்தரிக்கோல், காட்டன் துணி(விரும்பிய வண்ணத்தில்), சாக்பீஸ், டெக்கரேஷன் லேஸ், சிறிய பொம்மை.

செய்முறை :

படம் 1: இன்ச் டேப்பால் உங்கள் கை மணிக்கட்டை அளந்து, அந்த அளவை ஸ்டீல் டேப்பில் சாக்பீஸால் குறித்துக்கொள்ளவும்.

படம் 2 : சாக்பீஸால் குறித்த இடத்தை, பெரியவர்கள் உதவியுடன் கத்தரிக்கோலால் வெட்டி எடுக்கவும்.

படம் 3: வெட்டி எடுத்த டேப்பின் நான்கு முனைகளையும் படத்தில் காட்டியபடி வளைவாக வெட்டவும்.

. படம் 4: டேப்பை பின்புறமாகச் சுற்றவும்.அப்போதுதான் கையில் வளைத்துப் போட முடியும். படம் 5: பிரேஸ்லெட் பேஸ் ரெடி. படம் 6: பிரேஸ்லெட் பேஸை காட்டன் துணியில் வைத்து, அதன் அளவுக்கு ஏற்ப துணியை வெட்டி எடுக்கவும். படம் 7: துணியில் ஃபெவிக்கால் தடவி, டேப்பைச் சுற்றி ஒட்டவும்.

. படம் 8: இடைவெளி இல்லாமல் காட்டன் துணியை டைட்டாக ஒட்டவும்.

. படம் 9: மீதம் இருக்கும் துணியை வெட்டிவிடவும்.

படம் 10: இனி உங்கள் கற்பனைத்திறனுக்கு ஏற்ப, லேஸ் அல்லது பொம்மையை பிரேஸ்லெட்டின் நடுவில் ஒட்டவும்.

சூப்பரான பிரேஸ்லெட் ரெடி. உங்களுக்கு ஒன்று, உங்கள் நண்பருக்கு ஒன்று செய்து அணிந்துகொண்டு அசத்தவும்.

. - சு.சூர்யா கோமதி படங்கள்: சொ.பாலசுப்பிரமணியன் மாடல்கள்: ஸ்மித்தி, கீர்த்தனா.

க்யூட் பிரேஸ்லெட்!

Vikatan Correspondent