Published:Updated:

ஜோரா போகலாம் சுற்றுலா!

ஜோரா போகலாம் சுற்றுலா!
பிரீமியம் ஸ்டோரி
ஜோரா போகலாம் சுற்றுலா!

ஜோரா போகலாம் சுற்றுலா!

ஜோரா போகலாம் சுற்றுலா!

ஜோரா போகலாம் சுற்றுலா!

Published:Updated:
ஜோரா போகலாம் சுற்றுலா!
பிரீமியம் ஸ்டோரி
ஜோரா போகலாம் சுற்றுலா!
ஜோரா போகலாம் சுற்றுலா!

சுற்றுலா போல சந்தோஷமான விஷயம் வேறு இருக்க முடியுமா? ஒரு வாரமோ, ஓரிரு நாட்களோ... வருடம் முழுக்க காத்திருந்த அந்த உற்சாக நாட்களை முழுமையாக அனுபவிக்க என்னவெல்லாம் செய்யணும், என்னவெல்லாம் செய்யக் கூடாது? வாங்க, ஒரு ரவுண்ட் பார்ப்போம்!

பயணத்துக்கு முன்...

ஜோரா போகலாம் சுற்றுலா!

• எப்படி பயணிக்கப்போகிறோம், எங்கே தங்கப்போகிறோம் போன்ற ஏற்பாடுகளை பெரியவர்கள் கவனிக்கட்டும். நீங்கள்,  ஒரு நோட்டுப் புத்தகம் எடுங்கள். அப்பாவுக்கு, அம்மாவுக்கு, தாத்தாவுக்கு, தங்கைக்கு என ஒவ்வொரு பக்கத்தை ஒதுக்குங்கள். ஒவ்வொருவருக்கும் தேவையான பொருட்களை அவர்களிடம் கேட்டு பட்டியலிடுங்கள். அவற்றில் எதையெல்லாம் முன்கூட்டியே எடுத்துவைக்கலாம் எனப் பார்த்து எடுத்துவையுங்கள்.

• குடை, ஃப்ளாஸ்க், ஸ்பூன் போன்ற பொதுவான பொருட்களுக்கு ஒரு பக்கம் ஒதுக்குங்கள். எத்தனை டிராவல் பேக், அவற்றின் ஜிப் சரியாக இருக்கிறதா போன்றவற்றைப் பரிசோதித்து சரிசெய்யுங்கள்.

ஜோரா போகலாம் சுற்றுலா!

• இரண்டு, மூன்று துணிப் பைகளை எடுத்துக்கொள்ளுங்கள். போகும் இடங்களில், வாங்கும் பொருட்களை அவற்றில் வைக்கலாம். இதனால், பிளாஸ்டிக் கவர்களில் வாங்குவதைத் தவிர்த்து, சுற்றுச்சூழலைக் காக்கலாம்.

பயணத்தின்போது...

• உங்கள் சுற்றுலாவை ரயில் அல்லது பேருந்தில் ஏறியதில் இருந்தே ஆரம்பித்துவிடலாம். பயணத்தின்போது  வெளியே பார்த்துக்கொண்டே வாருங்கள். எந்த ஊர்களைக் கடக்கின்றோம், அந்த ஊரின் அடையாளம், சாலை ஓரங்களில் உள்ள மரங்கள், கிராமத்து தெய்வங்களின் சிலைகள் என ரசியுங்கள். செல்போனில் விளையாடுவதைத் தவிருங்கள். வழியில் வரும் ஸ்டேஷன்களின் பெயர்களைக் குறித்துக்கொள்ளுங்கள்.

ஜோரா போகலாம் சுற்றுலா!

• பயணத்தின்போது வெளி உணவுகளைத் தவிருங்கள். குறிப்பாக, எண்ணெய்யில் பொரித்த நொறுக்குத்தீனிகள் உடலுக்கு ஒவ்வாமல்,  சுற்றுலாவின் இன்பத்தையே கெடுத்துவிடும்.

சுற்றுலாத் தலத்தில்...

• கண்களையும் காதுகளையும் அகலத் திறந்து கொள்ளுங்கள். நீங்கள் போகும் சுற்றுலாத் தலம் ஒரு மலைப்பிரதேசமாக இருக்கலாம், புனிதத் தலமாக இருக்கலாம். அவற்றின் வரலாறு, சிறப்புகளைத் தெரிந்துகொள்ளுங்கள். அந்த ஊரின் மொழி, உணவு வகைகளைக் கவனியுங்கள்.

ஜோரா போகலாம் சுற்றுலா!

• மலைப் பகுதியில் செல்லும்போது கவனமாக இருங்கள். வேகமாக ஓடாதீர்கள். மரங்கள் உள்ள இடங்களில் சட்டெனச் சென்றுவிடாதீர்கள். மரத்தின் அடியில் கரையான், எறும்பு போன்றவை இருக்கலாம். கவனித்துச் செல்லுங்கள்.

• அருவி, குளம், ஏரி போன்ற இடங்களுக்குச் செல்லும்போது கவனமாக இருங்கள். பாறையில் வழுக்கலாம். படகுச் சவாரி போன்ற சமயங்களில் பொறுமையாக ஏறி, இறங்குங்கள்.

• கூட்டமாக இருக்கும் இடங்களில், உங்களின் ஒரு கண் பெற்றோர் மீதே இருக்கட்டும். அவர்களைவிட்டு விலகிவிடாதீர்கள்.

ஜோரா போகலாம் சுற்றுலா!

• நண்பர்களோடு சேர்ந்து உள்ளூர் சுற்றுலா செல்லும்போது மிகமிகக் கவனமாக இருங்கள். உங்களைக் கண்காணிக்க யாரும் இல்லாத அந்த இடத்தில் உற்சாகத்தில் என்ன செய்கிறோம் எனத் தெரியாது. கடற்கரைக்குச் சென்றால், தண்ணீருக்குள் நீண்ட தூரம் செல்வதை முற்றிலும் தவிர்க்க வேண்டும். 

• ஒரு சுற்றுலா என்பது அதோடு முடிவது இல்லை. திரும்பி வந்த பிறகு, நீங்கள் கண்டு ரசித்த விஷயங்களை எழுதுங்கள். புகைப்பட ஆல்பம் தயாரியுங்கள். அது உங்களுக்கான பொக்கிஷமாக இருக்கட்டும்.

- விழியன் படம்: சூ.நந்தினி ஓவியம்: பிள்ளை