Published:Updated:

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

ஒட்டுமொத்த விகடனுக்கும் ஒரே ஷார்ட்கட்

Use App
அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்
அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

ஆகஸ்ட் 19 சர்வதேச புகைப்பட தினம்

பிரீமியம் ஸ்டோரி
அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

செல்போனில் கேமரா வந்த பிறகு, நாம் எல்லோருமே புகைப்படக்காரர் ஆகிவிட்டோம். கொசு முதல் விமானம் வரை எதைப் பார்த்தாலும், செல்போன் கேமராவில் 'க்ளிக்' செய்து மகிழ்கிறோம். ஆனாலும், டிஜிட்டல் கேமராவில் எடுக்கும் புகைப்படங்களின் அழகுக்கு தனிச் சிறப்பு உண்டு. ஒரு கேமராவை எப்படிக் கையாள வேண்டும் என்பதற்கான சில அடிப்படை விஷயங்கள் இங்கே... கேமராவில் புகைப்படம் எடுக்கும்போது இந்த விஷயங்களைப் பின்பற்றுங்கள். வருங்காலத்தில் சிறந்த புகைப்படக்காரர்களாக ஜொலிக்க வாழ்த்துகள்!

வலது கை விரல் வித்தை! 

எல்லா கேமராவிலும் வலது பக்கமே புகைப்படம் எடுப்பதற்கான ‘ஷட்டர் ரிலீஸ் பட்டன்' (Shutter Release Button)  அமைக்கப்பட்டிருக்கும். கோணம் பார்த்த பிறகு, உங்கள் வலது கை ஆள்காட்டி விரலை, பட்டனில் வைத்து அழுத்தவும்.

முழங்கைகள் முக்கியம்!

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

இரண்டு முழங்கைகளையும் உங்கள் உடம்போடு சேர்த்துவைத்துக்கொள்ளுங்கள். அப்போதுதான் கேமரா ஆடாமல், அசையாமல் இருக்கும்; எடுக்கும் புகைப்படம் சரியாக வரும்.

இடது கை கவனம்!

லென்ஸ் பகுதியை இடது உள்ளங்கையில் தாங்கிப் பிடிக்கவும்.  உங்கள் இடது கையால்தான் லென்ஸின் ஜூம் மற்றும் ஃபோகஸைக் கட்டுப்படுத்த முடியும். அதுபோல, கேமரா        கை தவறிக் கீழே விழாமல் இருக்க, கேமராவின் பட்டையைக் கழுத்தில் மாட்டிக்கொள்வது அவசியம்.

புருவம்! 

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

கேமராவில் காட்சியைப் பார்க்கும் 'வியூ ஃபைண்டர்' (View finder) பகுதியை, உங்கள் புருவத்தை ஒட்டி, சாய்த்து வைக்கவும். இது, கேமராவுக்கு மற்றொரு நிலையான ஆதரவைக் கொடுக்கும்.

அகலமும் நீளமும்!

நீளவாக்கு (Portrait position) முறையில் புகைப்படம் எடுக்க கேமராவைப் பிடிக்கும்போது, மேல் பக்கத்தில் ஷட்டர் ரிலீஸ் பட்டன் வரும். வலது கையின் முழங்கை விலகி, உடம்பின் பிடிப்பின்றி இருக்கும். எனவே, இடது கைக்கு கூடுதல் அழுத்தம் கொடுக்கவும்.

கேமராவுக்குப் பின்னால்...

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

உங்கள் முகத்துக்கு முன்னால் இருக்கும்  கேமராவின் பின்பகுதியை, 'பேக் பேனல்' (Back Panel) என்பார்கள். இங்கேதான் படம்பிடிக்கும் அமைப்புகள் (Shooting setting) உள்ளன. முதல் படத்தில் இருப்பதுபோல அகலவாக்கில்  கேமராவைப் பிடித்தால், வலது கையின் கட்டை விரலால், பேக் பேனலைக் கட்டுப்படுத்தலாம்.

அமர்ந்தநிலையில்...

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

அமர்ந்தநிலையில் புகைப்படம் எடுக்கும்போது, ஒரு காலை தரையில் மண்டியிட்டும், ஒரு காலை மடித்தும், இரண்டு முழங்கைகளையும் உடலோடு  சேர்த்தும் வைக்கவும். உடம்பே, கேமரா ஸ்டாண்ட் போல மாறிவிடும். வெளியிடங்களில் மண்டியிட்டு எடுக்கும்போது, முட்டிப் பகுதிக்கு துணியை மடித்து  வைத்துக்கொள்வது நல்லது.

வேகத்தில் கவனம்!

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

ஷட்டர் ஸ்பீடு (Shutter Speed) குறைவாக வைத்துப் படம் எடுக்கும்போது, கேமரா நிலையாக இருக்க அதிக கவனம் தேவை.   இரண்டு முழங்கைகளையும் மேசையின் மீது அழுத்திவைக்கவும். நின்ற நிலையில் எடுக்கும்போது, கேமராவை இன்னும் அழுத்தமாகப் பிடித்து ஈடு செய்யலாம்.

கால்களைக் கவனி!

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

நின்ற நிலையில் படம் எடுக்கும்போது, இரண்டு கால்களையும் சற்றே விலக்கிவைக்க வேண்டும். எதிர்ப்பக்கமாகச் சாய்ந்து படம் எடுக்கும்போது, உங்களின் இடது காலை சற்றே முன்னோக்கி வைத்து, வலது காலை பின்னால் கொண்டுசெல்ல வேண்டும்.

ஆல் தி பெஸ்ட்!

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

இந்த முறைகளை மறக்காமல் பின்பற்றுங்கள். அழகான புகைப்படங்களை எடுத்து அசத்துங்கள். சின்ன வயதிலேயே கேமரா பிடித்துக் கலக்கும் இரண்டு சுட்டிக் கலைஞர்களின் படங்கள், அடுத்த பக்கத்தில்...

- எம்.உசேன், வி.அன்பரசி  மாடல்: நயிம், லிபா

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

‘‘என் அப்பா ஒரு போட்டோகிராஃபர். அவரைப் பார்த்துதான் நானும் போட்டோ எடுக்கிறதா சொன்னேன். கேமராவைக் கீழே போட்டுருவேன்னு முதலில் பயந்தார். ஆனா, பத்திரமா வெச்சு எடுக்கிறதைப் பார்த்ததும் ஹேப்பி ஆகிட்டார். என் கேமராவின் முதல் மாடல், என் தம்பி வசியன். சினிமா டைரக்டர் சமுத்திரகனி, சேலத்தில் ஒரு

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்
அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

நிகழ்ச்சிக்கு வந்தப்ப, ‘இப்படிப் பாருங்க... அப்படிப் பாருங்க'னு போட்டோ எடுக்க நான் பண்ணின கலாட்டாவில் சிரிச்சிட்டார்'' என்கிறார், சேலத்தைச் சேர்ந்த இரண்டாம் வகுப்பு படிக்கும் கவின் பூபதி.

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

‘‘எங்க வீட்டுல கேமரா ஒண்ணு இருக்கு. டூருக்குப் போகும்போது அப்பா அதில் போட்டோ எடுப்பார். நானும் எடுக்கிறேன்னு ஆரம்பிச்சதும் என்னக்குனு தனி கேமராவே வாங்கித் தந்துட்டார் அப்பா. மனிதர்களின் முகபாவங்கள், இயற்கைக் காட்சிகளைப் படம் எடுக்கிறதில் ரொம்ப ஆர்வம். என் அக்காதான் என்னோட முதல் விமர்சகர்.

அழகா பிடிங்க அம்சமா எடுங்க! - ஈஸி 'க்ளிக்' டிப்ஸ்

நிறைய ஐடியாஸ் சொல்லுவாங்க'' என்கிறார், புனேயைச் சேர்ந்த ஆறாம் வகுப்பு படிக்கும் என்.எம்.பரணி.
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு