Published:Updated:

ரோஜாக்கூட்டம்

கே.ஆர்.ராஜமாணிக்கம் எஸ்.சாய் தர்மராஜ், கே.மனோஜ்குமார்

ரோஜாக்கூட்டம்

கே.ஆர்.ராஜமாணிக்கம் எஸ்.சாய் தர்மராஜ், கே.மனோஜ்குமார்

Published:Updated:
##~##

கரூர் மாவட்டம், புலியூர் செட்டிநாடு ராணி மெய்யம்மை மெட்ரிக் பள்ளி...

அம்மாவின் தோளை இறுக்கி அணைத்துக்கொண்டு வந்து இறங்கினார் முதல் நேரு. வந்ததும் வராததுமாக, ''அம்மா... பசிக்குதும்மா...'' என்றார். ''இப்போதானே வீட்ல சாப்பிட்டே? பசிக்காதுடா'' என்ற அம்மாவிடம், ''அப்ப  வீட்டுக்குப் போலாம் வா'' என்று மிரட்டினார்.

ஒட்டுமொத்த விகடனுக்கும் ஒரே ஷார்ட்கட்!

அதற்குள் மேலும் சிலபல நேருக்கள் மோட்டார் சைக்கிள்களிலும் கார்களிலும் வந்து இறங்கத் தொடங்கினார்கள். சைக்கிளில் வந்து இறங்கிய ஒரு நேரு, ''அப்பா... நீயும் வா'' என்று அழுது அடம்பிடித்தார்.

அப்படி இப்படி என்று வெள்ளை ஜிப்பா, குர்தாவின் மார்பில் குத்தப்பட்ட சிரிக்கும் ரோஜாவுடன் வந்து சேர்ந்த 101 நேருக்களையும் ஒன்று சேர்ப்பதற்குள் பள்ளி முதல்வர் குணசேகரனும் தமிழாசிரியை அநுசூயாவும் தவித்தார்கள்.

ரோஜாக்கூட்டம்

''செல்லங்களா... நீங்கல்லாம் யாரு?'' என்று முதல்வர் கேட்க, ''நேரு'' என்று கோரஸ் குரல் வந்தது.

ரோஜாக்கூட்டம்

''வெறும் நேருன்னு சொல்லக் கூடாது. நேரு மாமான்னு சொல்லணும், சொல்லுங்க'' என்றதும்... ''எங்க அம்மா, நேரு தாத்தானு சொன்னாங்களே...'' என்று சந்தேகம் கிளப்பினார் கண்ணாடி போட்ட ஒரு நேரு. ''நேரு மாமாதான், காந்தியைத்தான் தாத்தான்னு சொல்லணும்'' என்று விளக்கம் சொன்னார் பக்கத்தில் கொஞ்சம் வளர்த்தியாக இருந்த இன்னொரு நேரு.

''சரி, எல்லாரும் கிட்ட வாங்க, கொடி ஏற்றுவோம்'' என்று முதல்வர் கூப்பிட, அடித்துப் பிடித்துக்கொண்டு வந்து சேர்ந்தனர் அத்தனை நேருக்களும். யார் கொடி ஏற்றுவது என்ற குழப்பத்தைத் தீர்க்க சாட்... பூட்... த்ரீ... போட்டுப் பார்ப்பது என்று முடிவானது. அலுக்க அலுக்க பத்து முறை சாட் பூட் த்ரீ ஆடியதும், உயரமாய் இருந்த ஒரு நேருவுக்குக் கிடைத்தது வாய்ப்பு. கொடியை ஏற்றியதும் கொடி ஏற்றிய நேருவின் கைகளில் புறா ஒன்று கொடுக்கப்பட்டது.

புறா கையில் பட்ட வேகத்தில் 'அம்மே...’ என்று அலறி அடித்து ஓடத் தொடங்கினார் அந்தக் குட்டி நேரு. அவர் ஒரு பக்கம் புறாவைப் பார்த்து மிரள, இன்னொரு பக்கம் அவரைப் பார்த்து மிரண்ட புறா இது தான் சமயம் என்று விர்ரடித்தது. ''ஹேய்... புறா பறந்துபோச் சுடோய்...'' என்ற சத்தம் கிளம்பியதும் தான் பீதி அடங்கியது கொடி ஏற்றிய நேருவுக்கு.

''பசங்களா... நேருவைப் பத்தி ஒவ்வொருத்தரா சொல்லுங்க பாப்போம்'' என்று பிரின்சிபால் குணசேகரன் சொல்ல, ஒட்டுமொத்த நேரு கூட்டமும் பின் வாங்கியது.

ரோஜாக்கூட்டம்

''அப்ப யாருக்கும் சாக்லேட் வேண்டாமா?'' என்று வலையை வீசவும், நேருக்கள் நெருங்கி வந்தனர்.

''நேருஜிதான் இந்தியாவோட முதல் பிரதமர்.''

ரோஜாக்கூட்டம்

''நேரு மாமா நிறைய தடவை நம்ம நாட்டுக்காக ஜெயிலுக்குப் போய் இருக்காங்க. அவங்க டாட்டர் இந்திராவுக்கு நிறைய லெட்டர்ஸ் எழுதி இருக்காங்க.''

ரோஜாக்கூட்டம்

''நேருஜிக்கு குழந்தைங்களும் ரோஜாப்பூவும் ரொம்பப் பிடிக்கும்.''

''காஷ்மீர்னா நேருஜிக்கு நிறைய இஷ்டம். காஷ்மீர்தான் இந்தியாவோட சொர்க்கம்னு டீச்சர் சொல்வாங்க.''

ரோஜாக்கூட்டம்

- ஒவ்வொரு குட்டீஸும் பேச ஆரம்பிக்க, ஒரு நாட்டின் எதிர்காலம், வகுப்பறைகளில்  தான் தீர்மானிக்கப் படுகிறது'' என்ற நேருவின் வார்த்தைகள் நமக்கு நினைவுக்கு வந்தன.