Published:Updated:

கேப்டன் ஆகலாம் !

பா.பிரவீன்குமார்

கேப்டன் ஆகலாம் !

பா.பிரவீன்குமார்

Published:Updated:
##~##

கப்பல் கேப்டனின் கம்பீரத் தோற்றமும், மிடுக்கான உடையும், அவருக்குக் கிடைக்கும்  மரியாதையையும் பார்த்ததுமே, நமக்கும் 'கப்பல் கேப்டன் ஆகவேண்டும்’ என்ற ஆசை துளிர்விடும். அந்த ஆசையை ஓர் அழகான கப்பலில் ஏற்றி, அக்கரைக்குச் செல்ல, அக்கறையோடு இதைப் படியுங்கள்.

இந்தியா முழுவதும் சுமார் 134 அரசு மற்றும் தனியார் பயிற்சி நிறுவனங்கள் கப்பல் சார்ந்த படிப்புகளை வழங்கிவருகின்றன. 100 சதவீத வேலைவாய்ப்புக்கு உத்திரவாதம் தருகின்றன. கப்பல் போக்குவரத்துப் படிப்புகள். படிப்பு முடிந்ததும் பயிற்சி. கேடட் ஆபீஸராக வேலையில் சேரும்போது 20 முதல் 30 ஆயிரம் ரூபாய் வரை சம்பளம் உறுதி. கப்பலிலேயே தங்கவேண்டும் என்பதால் வாடகை, சாப்பாட்டுச் செலவுகள் அனைத்தையுமே நிறுவனம் ஏற்றுக்கொள்ளும்.

ஒட்டுமொத்த விகடனுக்கும் ஒரே ஷார்ட்கட்!

கப்பலில் நேவிகேட்டிங் ஆபீஸர்ஸ்,  மெரைன் என்ஜினீயரிங், க்ரூ மெம்பர்ஸ் (உதவியாளர்கள்), எலெக்ட்ரிக்கல், ரேடியோ போன்ற பிரத்யேகப் பிரிவு என நான்கு துறைகள் உள்ளன. கப்பலைச் செலுத்துதல், பொருட்களை ஏற்றி இறக்குதல், ரேடியோ கம்யூனிகேஷன் அனைத்துக்கும் நேவிகேட்டிங் அலுவலர்கள்தான் பொறுப்பு. சீஃப் நேவிகேட்டர் என்பவர், கப்பலின் மாஸ்டர் அல்லது கேப்டன். அவருக்குக் கீழ், சீஃப் ஆபீஸர், இரண்டாவது, மூன்றாவது அலுவலர்கள், பயிற்சி அலுவலர்கள் என இருப்பார்கள்.

கேப்டன் ஆகலாம் !

கப்பலின் என்ஜின் அறைப் பொறுப்பாளர்களாக, என்ஜினீயரிங் ஆபீஸர் குழு இருக்கும். இதில் தலைமைப் பொறியாளர், இரண்டாம் பொறியாளர், மூன்றாம் பொறியாளர், நான்காம் பொறியாளர், இளநிலைப் பொறியாளர்கள் பணியில் இருப்பார்கள். கப்பல் குழுவினரில் பொறியாளர்கள், கப்பல் செலுத்தும் குழுவினருக்கு உதவியாக ஃபிட்டர்கள், வெல்டர்கள் என உதவியாளர்களும் இருப்பார்கள். இதைத் தவிர, உணவுத் தயாரிப்புப் பணிகளுக்கு என்று பிரத்யேகக் குழுவினர் உண்டு.

மெர்ச்சன்ட் நேவியில் சேருவதற்கு இரண்டு வழிமுறைகள் உள்ளன. முதலாவது, நேவிகேட்டிங் துறைக்கு, நேரடியாக பி.எஸ்சி. நாட்டிக்கல் சயின்ஸ் படிப்பும், பொறியியல் பிரிவில் 4 வருட மெர்டைம் என்ஜினீயரிங்கும் படிக்க வேண்டும். இதற்கு 10, பிளஸ் 2 (கணிதம், இயற்பியல், வேதியியல்) படித்திருக்க வேண்டும். ஐஐடி நடத்தும் அனைத்திந்தியப் பொது நுழைவுத் தேர்வில் வெற்றிபெற வேண்டும். கவுன்சிலிங்கில் பங்கேற்று, அதன் பிறகு மருத்துவப் பரிசோதனையில் வெற்றிபெற்றால், இதில் சேரலாம்.

இரண்டாவது வழி, ஒரு வருடம் இந்தியன் மெர்டைம் யுனிவர்சிட்டியின் 'ப்ரீ ஸீ ’ படிப்பு. இந்த ப்ரீ ஸீ படிப்பை, இக்னோ உள்ளிட்ட பல்வேறு கல்வி நிறுவனங்கள் வழங்குகின்றன. படித்து முடித்து, வேலைக்குச் சேர்ந்த பிறகும், தொலைதூரக் கல்வி மூலம் பி.எஸ்சி. நாட்டிக்கல் சயின்ஸ் படிக்கலாம். பணி அனுபவத்துக்கு ஏற்ப, கேப்டன் பொறுப்பு வரை முன்னேறலாம். கேப்டனின் மாதச் சம்பளம் 2 லட்சத்தில் இருந்து நாலரை லட்சம் ரூபாய் வரை. பி.இ., பி.டெக். மெக்கானிக்கல், எலெக்ட்ரானிக்ஸ் அண்ட் கம்யூனிகேஷன், நேவல் ஆர்க்கிடெக்ட் படித்தவர்கள் மெரைன் என்ஜினீயரிங்கில் 10 மாதம் ப்ரீ ஸீ பயிற்சி எடுத்துக்கொண்டு இந்தப் பணியில் சேரலாம்.

நாட்டிக்கல் பிரிவு என்றால், மாணவர்கள் 10, பிளஸ் 2 படித்து இருக்க வேண்டும். கணிதம், இயற்பியல், வேதியியல் பிரிவில் 55 சதவீதமும், ஆங்கிலத்தில் 50 சதவீதமும் மதிப்பெண்கள் அவசியம். பல்கலைக்கழகம் நடத்தும் நுழைவுத் தேர்வில் வெற்றிபெற வேண்டும். பி.எஸ்சி. (இயற்பியல், வேதியியல், கணிதம்) படித்தவர்களும், பி.இ. படித்தவர்களும் இந்தப் படிப்பில் சேரலாம். நல்ல கூர்மையான பார்வைத் திறன் முக்கியம். பட்டியல் இனத்தவர்கள் மற்றும் பெண்களுக்கு வயது வரம்பில் சில தளர்வுகள் உண்டு.

மெர்ச்சன்ட் நேவி பயிற்சி அளிக்கும் சில கல்வி நிறுவனங்களின் முகவரி:

Indian Maritime Universiity,
East Coast Road, Uthandi, Chennai - 600 119.
Phone: 044 24530343, 24530345.
www.imu.tn.nic.in
Training Ship Chanakya,
Karave, Nerul,
Navi Mumbai – 400 706.
022-770 3876 / 1880 / 1935 / 1936.
e-mail: tschanakya@hotmail.com
Marine Engineering & Research Institute
P-19, Taratala Road, Kolkata,
West Bengal - 700 088.
Director:Mr. S. Mukhopadhyay
Tel No.033-4014673 ,4013677
Fax No. 4014333
e-mail: director@merical.ac.in
www.merical.ac.in
Marine Engineering & Research Institute
Hay Bunder Road, Mumbai .
Dy Director: Shri J.K.Dhar
Tel No. : 022-3723577, 3774261;
Fax No: 022-3753151
meri-bom@giasbom1.vsnl.net.in