Published:Updated:

தமிழுக்கு ஒரு சுட்டி மன்றம் !

தே.சிதம்பரம் கே.ஆர்.ராஜமாணிக்கம்

தமிழுக்கு ஒரு சுட்டி மன்றம் !

தே.சிதம்பரம் கே.ஆர்.ராஜமாணிக்கம்

Published:Updated:
 ##~##

'மெள்ளத் தமிழ் இனி என்னாகுமோ’ என்ற நிலை நம்மைச் சூழ்ந்துவரும் காலத்தில்... விழுப்புரம் மாவட்டம், சங்கராபுரம் ஸ்டார் இன்டர்நேஷனல் நர்சரி அண்ட் பிரைமரி பள்ளியின் செயலாளர் ஏ.முகமத்ரபி, தமது பள்ளியில் 'சுட்டித் தமிழ் மன்றம்’ ஒன்றைத் தொடங்கி உள்ளார்.

அக்டோபர் 6-ஆம் தேதி, ஸ்டார் பள்ளியில் விழா அரங்கம் மாணவ - மாணவிகளாலும் பெற்றோர்களாலும் நிரம்பி இருந்தது. தேன் தேடும் வண்டுகளாய் அனைவரும் ஆரவாரத்துடன் காணப்பட்டனர். தமிழ் இருக்கும் இடம் என்றால் இனிக்கும்தானே!

ஒட்டுமொத்த விகடனுக்கும் ஒரே ஷார்ட்கட்!

மன்றத்தைக் குத்துவிளக்கு ஏற்றித் தொடங்கிவைத்து சிறப்புரை ஆற்றிய உதவி தொடக்கக் கல்வி அலுவலர் மாணிக்கம், ''கல்வியில் சிறந்த நாடாக நம் நாடு விளங்குகிறது. செம்மையான கல்வியினைக் கற்றுக்கொள்வதால்தான் நாம் எல்லா வகையிலும் மேன்மை அடைய முடியும். சிறந்த கல்வியினை தம் பிள்ளைகளுக்கு வழங்கிட, பெற்றோர்கள் முன்வர வேண்டும்; பிள்ளைகளை வழிநடத்த வேண்டும். மாணவ-மாணவிகளின் எதிர்கால வாழ்க்கை நலமாக இருக்க அரசு கொண்டுவந்து இருப்பதுதான்,  தற்போதைய முப்பருவத் தொடர் மதிப்பீட்டுக் கல்வி முறை. இதில் மூளைக்கும் உடலும் பயிற்சி உள்ளது. எல்லோரும் இதில் நிறைய மதிப்பீட்டைப் பெறலாம்'' என்றவர், மாணவ - மாணவிகளின் எதிர்காலம் ஒளிர்ந்திடச் செய்ய, தம் இதழிலே புதிய கல்விக்காகப் பக்கங்களை ஒதுக்கி இருக்கும் சுட்டி விகடனின் சேவை பாராட்டுக்குரியது'' என்றார்.

தமிழுக்கு ஒரு சுட்டி மன்றம் !

ஏ.முகமத்ரபி பேசும்போது... ''ஆங்கில வழியில் பயில்கின்ற  மாணவ - மாணவிகள் தமிழ்ப் பாடத்தில் அக்கறை காட்டுவது இல்லை. பெற்றோர்களின் ஆர்வமும் ஆங்கிலத்தின் மீதே இருப்பதால், தேர்வுக்கு மட்டும் தயாரானால் போதும் என நினைக்கிறார்கள். இந்த எண்ணத்தை மாற்றி, தமிழில் பிழை இன்றி எழுதவைக்கவும் சரளமாகப் பேசவைக்கவும் இந்த சுட்டித் தமிழ் மன்றத்தைத் தொடங்கி இருக்கிறோம்'' என்றார்.

தமிழுக்கு ஒரு சுட்டி மன்றம் !

சுட்டித் தமிழ் மன்றத்தின் மாணவ-மாணவிகள் பயன்பெறும் வகையில், 25 பேருக்கு சுட்டி விகடன் இதழ்களுக்கான சந்தா வழங்கினார்கள். இதழ்களைப் பெற்றுக்கொள்ள சுட்டிகளை அழைத்தபோது... திருவள்ளுவர், ஒளவையார், பாரதியார், பாரதிதாசன், பெரியார்களாக மேடை நோக்கி வந்ததும் அரங்கமே ஆரவாரம் செய்தது.