Published:Updated:

தன்னம்பிக்கை விதைக்கும் விஷால் !

கே.தீபிகா படங்கள் : ரா.மூகாம்பிகை

தன்னம்பிக்கை விதைக்கும் விஷால் !

கே.தீபிகா படங்கள் : ரா.மூகாம்பிகை

Published:Updated:
##~##

'கேமராவைக் கிளிக் செய்தால் அதில் இருந்து வரும் ஒளி, கேமராவின் லென்ஸ் வழியே சென்று, பிறகு எடுக்க வேண்டிய பகுதியில் புகைப்படமாக மாறுகிறது. இதுதான் லா ஆஃப் மோஷன் இன் லைட் எனர்ஜி (Law of Motion in Light Energy).’

தன்னம்பிக்கை விதைக்கும் விஷால் !

ஒட்டுமொத்த விகடனுக்கும் ஒரே ஷார்ட்கட்!

'ஒரு கல்லைக் கிணற்றுக்குள் போட்டால், அது மூழ்கிவிடும். காரணம், ஒரு பொருளைத் தண்ணீரினுள் போடும்போது, அது காற்று மண்டலத்தில் இருந்து காற்றைத் தள்ளி, பின்பு நீரின் மேலே ஒரு அழுத்தத்தை உண்டாக்கும்.’

இவற்றை எல்லாம் 6-ம் வகுப்பு இயற்பியல் புத்தகத்தில் படிப்பதுபோல இருக்கா? ஆனால், இதை எல்லாம் சொல்லி ஆச்சரியத்தில் மூழ்கச்செய்வது 8 வயது விஷால். 'சங்கல்ப்’ பயிற்சி மையத்தில் இரண்டாம் வகுப்புப் படிக்கும் இவர், ஆட்டிஸம் (AUTISM) சுட்டி.

''விஷாலினால் மற்றவரிடத்தில் இயல்பாகப் பேச முடியாது. எதையும் எழுதித்தான் காட்டுவான். தன்னுடைய ஆசையை வெளிக்காட்ட மாட்டான். பசிக்கிறது என்றாலோ, தூக்கம் வருகிறது என்றாலோகூட வார்த்தைகளால் சொல்ல முடியாது. அதே சமயம்  விஷாலைப் போன்ற சுட்டிகளை 'ஆட்டிஸ்டிக் சவான்ட்ஸ்’ (Autistic Savants) என்பார்கள். அதாவது, பல துறைகளைப் பற்றிய கடினமான விஷயங்களை எளிதில் தெரிந்துகொள்வார்கள். எங்கள் விஷாலும் அப்படித்தான்'' என்று பெருமிதத்துடன் சொல்கிறார் விஷாலின் அம்மா வித்யா.

விஷாலுக்கு இசை ஞானம் அதிகம். எந்த ஒரு பாடலைக் கேட்டாலும் அதனுடைய ராகத்தைச் சரியாகச் சொல்கிறார் இந்த ஜீனியஸ். ''அதோடு, பாடுபவர்கள் திடீரென்று ஸ்ருதி தவறி, மீண்டும் சமாளித்துப் பாடினாலும் இவன் எளிதில் கண்டுபிடித்துவிடுவான். விஷால் ஒரு கீ போர்டு பிளேயர். சொந்தமாக டியூன்களைக் கம்போஸ் செய்து இருக்கிறான்.'' என்கிறார் விஷாலின் அப்பா.

இதுவரை சொன்னது சும்மா டிரெய்லர்தான். இதோ மெய்ன் பிக்சர்.

தன்னம்பிக்கை விதைக்கும் விஷால் !

ஓவியம், ஸ்கேட்டிங் போன்றவற்றில் கலக்கும் விஷால், அறிவியலின் காதலன். கடந்த டிசம்பர் மாதம் அண்ணா பல்கலைக்கழகத்தில் நடைபெற்ற சயின்ஸ் கிளப்பில் பங்கேற்றார். அங்கே கேட்ட கேள்விகளுக்கு உடனுக்குடன் பதில்களை டைப்செய்து காண்பித்து எல்லோரையும் வியப்படையச் செய்தார்.

இதுவரை 10 வீடியோ கேம்ஸ்களை வடிவமைத்து இருக்கிறார். இவற்றுக்கு எல்லாம் சிகரமாக, மெடோ ஆஃப் மூட்ஸ்            (MEADOW OF MOODS) என்ற புத்தகத்தை எழுதி இருக்கிறார் விஷால். இந்தப் புத்தகத்தில், இதுவரை தான் உணர்ந்த மன நிலைகளைப் பற்றி எழுதி இருக்கிறார். இந்தப் புத்தகத்தை சென்னையில் உள்ள லேண்ட்மார்க் அல்லது ஃபிலிப்கார்ட் கடைகளில் பெறலாம்.

'இந்தப் புத்தகத்தில் உள்ள ஒவ்வொரு வரியும் என்னுடைய உணர்வுகள். ஒவ்வொரு பக்கமும் என்னுடைய ஓவியங்களை அடிப்படையாகவைத்து வடிவமைத்தது. என்னைப் போன்ற சிறுவர்களின் உணர்வுகளை அனைவரும் புரிந்துகொள்ள வேண்டும் என்பதற்காகவே இதை எழுதினேன். எங்களாலும் சாதனைபுரிய முடியும்’ என்று எழுதிக் காண்பித்து புன்னகைக்கிறார் விஷால்.

அந்தப் புன்னகையில் மின்னுகிறது 24 கேரட் தன்னம்பிக்கை!  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism