Published:Updated:

ஜாலியா படிக்கலாம்...ஈஸியா ஜெயிக்கலாம் !

படங்கள்: எஸ்.சாய் தர்மராஜ், தி.விஜய், கே.குணசீலன், ஆ.முத்துக்குமார்

ஜாலியா படிக்கலாம்...ஈஸியா ஜெயிக்கலாம் !

படங்கள்: எஸ்.சாய் தர்மராஜ், தி.விஜய், கே.குணசீலன், ஆ.முத்துக்குமார்

Published:Updated:

வணக்கம் சுட்டி நண்பர்களே...

எப்போதும்விட இப்போது உங்கள் நேரம் மிகவும் மதிப்புமிக்கது.

ஜாலியா படிக்கலாம்...ஈஸியா ஜெயிக்கலாம் !

ஒட்டுமொத்த விகடனுக்கும் ஒரே ஷார்ட்கட்!

ஆண்டுத் தேர்வுகள் அருகில் வந்துவிட்டது. இதுவரை பல தேர்வுகளை மிக எளிதாய்க் கடந்து இருப்பீர்கள். அதுபோலத்தான் வரும் தேர்வும். இதையும் அழகாக எழுதி, மதிப்பெண்களை அள்ளப்போகிர்கள்.

அந்த நம்பிக்கை எங்களுக்கும் இருக்கிறது. அதனால், டென்ஷனை விடுங்கள். வரும் பொதுத்தேர்வினைச் சற்றும் சோர்வு, பயம் இல்லாமல் எழுதிட, இங்கே சிறந்த ஆலோசனைகளைத் தந்து இருக்கிறார் சர்வதேச மனிதவள மேம்பாட்டுப் பயிற்சியாளர், வி.ராமன்.

நீங்கள், எந்தப் பாடத்தை எப்படிப் படிக்கவேண்டும்; தேர்வுக்கு உங்களை எப்படித் தயார்படுத்திக்கொள்ள வேண்டும்; எது தேவை, தேவை இல்லை என்பதை உங்களுக்குச் சொல் இருக்கிறார்.

அதே சமயம், நீங்கள் தேர்வுக்காகப் படிக்கும் இந்த நேரத்தில் உங்களுக்கு எந்த வகையான உணவைத் தரலாம்; உங்களுக்கு எப்படி எல்லாம் உதவலாம் என்பதை உங்கள் பெற்றோர்களுக்கும் சொல் இருக்கிறார்.

அவை எல்லாம், நீங்கள் தேர்வில் அதிக மதிப்பெண்கள் பெற நிச்சயம் உதவும். பரீட்சையில் அதிக மதிப்பெண்களோடு வெற்றி பெற வாழ்த்துகள்!

அன்புடன்
ஆசிரியர்

மாணவர்கள் முதல் தேர்வு பற்றிய பயம் இல்லாமல் தேர்வினை அணுக வேண்டும்.

உங்கள் மேல் முழு நம்பிக்கை வைக்க வேண்டும். 'என்னால் சிறப்பாகப் படிக்க முடியும், தேர்வினை மிகச் சிறப்பாக எழுத முடியும்’ என 100 சதவிகிதம் நம்புங்கள்.

மற்றவர்கள் உங்களைப் பற்றி என்ன எண்ணுகிறார்கள் என்பதைவிட, நீங்கள் உங்களைப் பற்றி என்ன எண்ணுகிர்கள் என்பதுதான் மிக முக்கியம்.

ஜாலியா படிக்கலாம்...ஈஸியா ஜெயிக்கலாம் !

தேர்வுக்குத் தயார் செய்வதில் மிகவும் முக்கியமானது, உங்கள் மனதைத் தயார்செய்வதுதான். உங்கள் கையில் எந்தப் புத்தகம் உள்ளதோ... அதற்கு உங்கள் மனம் தயார் ஆக வேண்டும். அப்போதுதான் உங்களால் படிக்க முடியும்.

படிப்பதற்கு முக்கியமான எதிரிகள்: பயம், மன அழுத்தம், கவனச் சிதைவு, வெற்றியின் மீது ஆசை இல்லாமை, தங்களைப் பற்றிய குறைவான மதிப்பீடு, சோம்பேறித்தனம், முனைப்புடன் செயல்படாமல் இருப்பது.

ஜாலியா படிக்கலாம்...ஈஸியா ஜெயிக்கலாம் !

'என்னுடைய வாழ்வின் லட்சியத்தை அடைய ஒரே வழி, தற்போது நல்ல மதிப்பெண்கள் எடுத்து, சிறந்த கல்லூரியைத் தேர்வுசெய்வதுதான்’ என்ற குறிக்கோளுடன் படியுங்கள்.

படித்த விஷயங்களைத் திரும்பத் திரும்ப மனதில் நிறுத்தி அசைபோட வேண்டும். மீண்டும் மீண்டும் எழுதிப் பார்க்க வேண்டும்.

ஒரு புத்தகத்தைப் படிக்க கையில் எடுக்கும்போதே, 'இது எனக்கு மிகவும் பிடித்த பாடம்; இந்தப் பாடத்தில் 100 மதிப்பெண் எடுக்க முடியும்’ என்ற நேர்மறைச் சிந்தனையுடன் படியுங்கள்.

ஜாலியா படிக்கலாம்...ஈஸியா ஜெயிக்கலாம் !

ஐந்து அல்லது ஆறு பாடங்கள் உள்ளன என்றால், நாம் முன்னுரிமையின் அடிப்படையில் அவற்றைப் படிக்க வேண்டும். மிகவும் எளிமையாக உள்ள பாடம், ஓரளவு எளிமையானது, கடினம், மிகவும் கடினம் என வகைப்படுத்திக்கொள்ளுங்கள். மிகவும் கடினம் மற்றும் கடினமான பாடங்களுக்கு அதிக நேரம் செலவிட்டுப் படியுங்கள். அதிகாலை நேரத்தைக் கடினமான பாடங்களுக்கு ஒதுக்கிப் படித்தால் நன்கு புரியும்.

தேர்வுக்குத் தயாராகும் நீங்கள், உங்களுடைய இலக்கு என்ன என்பதைத் தெளிவாகத் தீர்மானம் செய்துகொள்ளுங்கள்.

ஒவ்வோர் பாடத்திலும் எதிர்வரும் பொதுத்தேர்வில் எவ்வளவு மதிப்பெண்கள் பெற முடியும் என்பதை முடிவுசெய்து, அந்த இலக்கை அடைய என்ன வழி என்று திட்டமிட வேண்டும்.

ஜாலியா படிக்கலாம்...ஈஸியா ஜெயிக்கலாம் !

படிக்கும்போது குறிப்புகளைத் தயார்செய்ய வேண்டும். முடிந்தால் தேவையான படங்கள், சார்ட்டுகள் போன்றவற்றை அருகருகே வைத்துக்கொள்ளவும்.

குறிப்புகளைத் தயார் செய்யும்போது எழும் சந்தேகங்களைக் குறித்து வைத்துக்கொண்டு, ஆசிரியர்களை அணுகி, அவற்றை உடனடியாகப் போக்கிக் கொள்ளுங்கள்.

இரவு தூங்கப்போவதற்கு முன், மறுநாள் அதிகாலையில் படிக்க வேண்டிய பாடம் சம்பந்தமான புத்தகம், நோட்ஸ் மற்றும் தேவையானவற்றை எடுத்துப் படிக்க வேண்டிய இடத்தில் வைத்துவிடவும். தூங்கும் முன், 'அதிகாலை 4 மணிக்கு எழப்போகிறேன். இந்தப் புத்தகத்தில் இந்தப் பாடம் படிக்கப்போகிறேன்’ என்று மனதுக்குள் சொல்க்கொண்டே தூங்கினால், சரியான நேரத்தில் கண்விழிக்க முடியும்.

ஜாலியா படிக்கலாம்...ஈஸியா ஜெயிக்கலாம் !

காலாண்டு, அரையாண்டு மற்றும் மாதிரித் தேர்வு வினாத் தாள்களை எடுத்து வைத்துக்கொண்டு, அதில் 100 சதவிகிதம் பதில் தெரிந்த கேள்விகளைப் பச்சை வண்ணத்தால் டிக் செய்யவும். சுத்தமாக பதிலே தெரியாத கேள்விகளுக்கு சிவப்பு வண்ணத்தால் டிக் செய்யவும், அரைகுறையாகத் தெரிந்த  கேள்விகளுக்கு ஆரஞ்சு வண்ணத்தால் டிக் செய்யவும். இப்போது, பச்சை வண்ணத்தால் டிக் செய்த கேள்விகளுக்கான மதிப்பெண்களைக் கூட்டவும். அதேபோல் சிவப்பு மற்றும் ஆரஞ்சு வண்ணமிட்ட கேள்விகளுக்கான மதிப்பெண்களையும் கூட்டவும். மிகவும் கவனமாகப் படித்து, ஆரஞ்சு வண்ணக் கேள்விகளைப் பச்சை வண்ணத்துக்கு மாற்றவும். அதேபோல் சிவப்பை ஆரஞ்சு வண்ணமாக மாற்றவும். இப்படிச் செய்வதன் மூலம் நமது மதிப்பெண் பெறும் திறனை ஓரளவு அறியலாம்.

சரியான வெளிச்சமும் காற்றோட்டமும் உள்ள இடத்தைத் தேர்வுசெய்து படிக்க அமருங்கள்.

படிக்கும் இடத்தில் செல்போன் மற்றும் தொலைபேசி இல்லாமல் பார்த்துக்கொள்ளவும். யாருடனாவது பேசலாம் அல்லது குறுஞ்செய்தி அளிக்கலாம் என்ற எண்ணத்தை அவை தூண்டக்கூடும்.

ஜாலியா படிக்கலாம்...ஈஸியா ஜெயிக்கலாம் !

சமையலறை அருகில் அமர்ந்து படிப்பதைத் தவிர்க்கவும். அதனால், நமக்கு கவனச் சிதறல் ஏற்பட வாய்ப்பு இருக்கிறது.

படித்துக்கொண்டு இருக்கும்போது மனதை அலைபாயவிடக் கூடாது. படிப்புக்கும் அப்பாற்பட்டு நமது மனதில் வேறு எண்ணங்கள் தோன்றினால், அவற்றைத் தவிர்க்கவும். அவற்றோடு ஒன்றிவிடக் கூடாது.

தேர்வு எழுதத் தேவையான பேனா, பென்சில், ரப்பர், ஷார்ப்னர், ஜியோமென்ட்ரி பாக்ஸ் மற்றும் தேவையானவற்றுக் கான பட்டியல் போட்டுக்கொள்ளுங்கள். தேர்வு அன்று அவை அனைத்தையும் மறக்காமல் கொண்டுசெல்லவும்.

தேர்வுக்கு 45 நிமிடம் முன்னதாகவே தேர்வு மையத்துக்குச் சென்றுவிட வேண்டும்.

ஜாலியா படிக்கலாம்...ஈஸியா ஜெயிக்கலாம் !

தேர்வுக்குச் செல்லும் முன் தேர்வு மையத்தில் சக மாணவர்களுடன் கேள்வி பதில்கள் தொடர்பாக விவாதிக்கக் கூடாது.

படித்தது மறந்துவிடுமோ? நினைவுக்கு வராதோ? என்பன போன்றஎதிர்மறைச் சிந்தனைகளைத் தவிர்க்க வேண்டும்.

தேர்வு அறையில் சிறிதளவு மூச்சுப் பயிற்சி மேற்கொண்டால், படபடப்பு நீங்கி மனது சமநிலை ஏற்படும். பிறகு எளிதாகத் தேர்வினை எதிர்கொள்ளலாம்.

ஜாலியா படிக்கலாம்...ஈஸியா ஜெயிக்கலாம் !

விடைத்தாளில் முக்கியமான செய்திகளுக்கு பென்சிலால் அடிக்கோடு இடவும். சிவப்பு மற்றும் பச்சை நிறங்களைத் தவிர்க்கவும்.

விடைத்தாளில் அடித்துத் திருத்தி எழுதுவது கூடாது. தவறாக எழுதிவிட்டால், கோடு ஒன்றைப் போட்டு அடித்துவிட்டுத் தொடர்ந்து எழுதுவது நல்லது.

தேர்வு அட்டவணையை வீட்டில் அனைவருக்கும் தெரியும் வண்ணம் ஒட்டிவைக்கவும்.

விடைத்தாளில் பக்கம் எண் எழுதவும். கூடிய வரை உடனுக்கு உடன் எழுதிவிடுவது நல்லது. இறுதியில் மொத்தப் பக்கங்களின் எண்ணிக்கையையும் சரிபார்க்கவும்.

ஜாலியா படிக்கலாம்...ஈஸியா ஜெயிக்கலாம் !

கையெழுத்துத் தெளிவாக இருக்கட்டும். வார்த்தைக்கு வார்த்தை, வரிக்கு வரி போதுமான இடைவெளி மிகவும் அவசியம்.

10 நிமிடங்கள் முன்னதாகவே தேர்வு எழுதி முடித்துவிட்டு, விடைகளை நிதானமாகச் சரிபாருங்கள். குறிப்பாகத் தேர்வு எண் சரியாக எழுதப்பட்டு உள்ளதா என்பதைஉறுதி செய்துகொள்ளுங்கள்.

தேர்வு முடித்து வெளியில் வந்த பிறகு, எழுதிய விடைகள் சரியா எனக் கலந்தாலோசிக்க வேண்டாம். தவறான விடைகள் எழுதி இருந்தால், அது குறித்த கவலை, மறுநாள் தேர்வைப் பாதிக்கும்.

 முதல், நன்றாகப் பதில் தெரிந்த கேள்விகளுக்கு விடை எழுதிவிடவும். அதன் பிறகு, ஓரளவு தெரிந்தவற்றுக்கு விடைகள் எழுதலாம்.

ஜாலியா படிக்கலாம்...ஈஸியா ஜெயிக்கலாம் !

தேர்வு சமயத்தில் பழங்களும் காய்கறிகளும் சாப்பிட்டால், சக்தியின் அளவு குறையாமல் இருக்கும். அது மட்டும் இல்லாமல் தேர்வில் கவனமும் அதிகரிக்கும்.

காலை நேரத்தில் தேர்வு என்றால், அவசரம் எனச் சொல் காலை உணவைச் சாப்பிடாமல் செல்லாதீர்கள். புரோட்டீன் அதிகமாக உள்ள உணவுகளையும் பழங்களையும் சாப்பிடுவது நல்லது. சாப்பிடாமல் வந்து தேர்வு எழுதினால், உங்கள் கவனம் சிதைந்து, சரியாக எழுத முடியாமல் போகும்.

தேர்வுக் காலங்களில் கீரைகள்,காய்கறிகள், வாழைப்பழம், கேரட், பீட்ரூட், உருளைக்கிழங்கு,சாலட் போன்றவற்றைச் சாப்பிடலாம்.

ஜாலியா படிக்கலாம்...ஈஸியா ஜெயிக்கலாம் !

காபி, டீ அதிகமாக அருந்தாமல் இருப்பது நல்லது. இவைதற்காகமாக  உற்சாகத்தை ஏற்படுத்தினாலும், தேர்வு நேரங்களில் நல்லதல்ல. கிரீன் டீ குடிக்கலாம்.இது நாவறட்சி ஆகாமல் பார்த்துக் கொள்ளும்.

தேர்வுக்கு முன்பும், பிறகும் அதிகமாகத் தண்ணீர் குடிக்கவும்.

எண்ணெயில் பொறித்த உணவுகளையும், மைதா மாவினால் செய்த பலகாரங்களையும் உட்கொண்டால், அசதி ஏற்படும். எனவே, இவற்றைத் தவிர்க்கவும்.

தேர்வு நேரங்களில் தவிர்க்க வேண்டிய உணவுகள் மேலும் சில... கேக், பிஸ்கட், டப்பாவில் அடைக்கப்பட்டு உடனடியாக உட்கொள்ளும் நிலையில் உள்ள தின்பண்டங்களைத் தவிர்க்கவும்.

திரும்பத் திரும்ப சூடுசெய்து சாப்பிடுவதும் உடலுக்கு நல்லது அல்ல.

ஜாலியா படிக்கலாம்...ஈஸியா ஜெயிக்கலாம் !

தேர்வு சமயங்களில் தேவையான ஓய்வும் தூக்கமும் மிக மிக அவசியம். படித்துக்கொண்டு இருக்கும்போது இடைவேளையில் மனது ரிலாக்ஸ் ஆக சிறிது நேரம் இசையக் கேட்கலாம்.

பெற்றோருக்கு சில குறிப்புகள்!

பெற்றோர் தங்கள் குழந்தைகளை வீட்டில் உள்ள மற்ற குழந்தைகளுடனோ, அக்கம் பக்கத்து வீட்டுக் குழந்தைகளுடனோ ஒப்பிடக் கூடாது.

தங்கள் குழந்தைகளை மட்டம் தட்டாமல் உற்சாகப்படுத்த வேண்டும்.

ஜாலியா படிக்கலாம்...ஈஸியா ஜெயிக்கலாம் !

குழந்தைகள் சோகமாக அல்லது மன அழுத்தத்துடன் இருக்கும்போது,ஒரு நண்பனைப் போலப் பேச வேண்டும்.

பொறுமை, நிதானம் ஆகியவற்றைத் தேர்வு சமயத்தில் கூடுதலாகக் கடைப்பிடிக்கவும்.

குழந்தைகள் படிப்பதைக் கண்காணியுங்கள். ஆனால், வேவு பார்க்காதீர்கள்.

தேர்வு முடியும் வரை விருந்தினர்கள் வருகையைத் தவிர்க்கலாம்.

ஜாலியா படிக்கலாம்...ஈஸியா ஜெயிக்கலாம் !

தேர்வு முடியும் வரை டி.வி. பார்ப்பது, வீட்டில் உள்ளவர்களுடன் அரட்டை அடிப்பது, நீண்ட நேரம் உறவினர்கள்அல்லது நண்பர்களிடம் போனில் பேசுவது போன்றவற்றைத் தவிர்த்தல் நல்லது. அது குழந்தைகளிடம் கவனச்சிதைவை ஏற்படுத்தும்.

குழந்தைகள் பள்ளிவிட்டு வந்தவுடன் பள்ளியில் நடந்த விஷயங்களைக்கேட்டுத் தெரிந்துகொள்ளவும். அதே நேரம் அவர்களை மிகவும் நச்சரித்துக் கேட்கக் கூடாது.

சின்னச் சின்னச் செய்திகளை அவர்கள் சொல்லும்போது, அவர்களைஉடனுக்குடன் பாராட்டுங்கள். அது அவர்களுக்கு மனமகிழ்ச்சியை ஏற்படுத்தும்.

குடும்பத்தில்உள்ள பிரச்னைகளை அவர்கள் முன் விவாதிக்க வேண்டாம்.

குழந்தைகளுக்குமுன் மற்றவர்களுடன் சண்டைபோடுவது மிகவும் தவறு.

ஜாலியா படிக்கலாம்...ஈஸியா ஜெயிக்கலாம் !

 தேர்வுகளில் மதிப்பெண்கள் குறைந்தால், காரணத்தை அலசி ஆராய வேண்டும். மாறாக, அடிப்பது, திட்டுவது போன்றவை கூடாது. அது அவர்களுக்கு மனரீதியான பாதிப்பை உருவாக்கும்.கேள்வித்தாளை வைத்துக்கொண்டு பாடவாரியாக விரிவாகக் கலந்துரையாடலாம்.

தேர்வு சமயங்களில் அவர்களைச் சரியான நேரத்துக்குத் தூங்கவைப்பது, தேவையான ஓய்வு எடுக்கவைப்பது, காலை வேளையில் சரியான நேரத்துக்கு எழுப்பிவிடுவது மிகவும் முக்கியம்.

 அதிகாலையில் குழந்தைகளைப் படிக்க எழுப்பும்போது, அவர்கள் அவ்வளவு சீக்கிரம் எழுந்திருக்க மாட்டார்கள். உடனே அடித்து எழுப்புவதோ, திட்டி எழுப்புவதோ அவர்களுக்கு மன அழுத்தத்தை ஏற்படுத்தும். அன்பான முறையில் எழுப்புங்கள்.

ஜாலியா படிக்கலாம்...ஈஸியா ஜெயிக்கலாம் !

காலை எழுந்தவுடன் குழந்தைகள் படிக்கும்போது நாமும் ஏதாவது ஒரு வேலையில் ஈடுபடவேண்டும். மாறாக, நாம் தூங்கிக்கொண்டு இருந்தால், அவர்களுக்கும் தூக்கம் தொற்றிக்கொள்ளும்.

சிலர் குறிப்பிட்ட பாடம் என்றாலே அலர்ஜியாக உணர்வார்கள். அதைப் போக்கும் வண்ணம் சம்பந்தப்பட்ட ஆசிரியருடன் ஓரு கலந்துரையாடலுக்கு ஏற்பாடு செய்யுங்கள்.

தேர்வு முடியும் வரை சரிவிகித உணவுகளைக் கொடுக்கவும்.

தேர்வுக்குத் தேவையான உபகரணங்களைச் சரியாக எடுத்து வைத்துவிட்டார்களா என்பதை உறுதிசெய்யவும்.

ஜாலியா படிக்கலாம்...ஈஸியா ஜெயிக்கலாம் !

தேர்வுக்குச் செல்லும்போது, குழந்தைகளை  வாழ்த்தி அனுப்பவும். அவர்களுக்கு ஏகப்பட்ட அறிவுரைகள் சொல் அனுப்ப வேண்டாம். அது தேர்வு அறையில் அவர்களுக்கு கவனச் சிதைவினை ஏற்படுத்தும்.

தேர்வு எழுதிவிட்டு வந்தவுடன், கேள்வித்தாளை வைத்துக்கொண்டு ஒவ்வொரு கேள்விக்கும் 'என்ன பதில் எழுதினாய்... என்ன மார்க் வரும்?’ எனக் கேட்க வேண்டாம். சிறிது ஓய்வு எடுக்கச்செய்துவிட்டு நிதானமாக விசாரிக்கவும்.

ஒருவேளை ஒரு தேர்வினைச் சரியாக எழுதவில்லை என்றால், அவர்களைத் திட்ட வேண்டாம். ஆறுதல் கூறவும்.

உங்கள் பிஸியான நேரத்தை  தேர்வு நேரத்திலாவது குழந்தை களுக்காக ஒதுக்குங்கள். நாம் சம்பாதிப்பது குழந்தைகளுக்காக என்பதை மறந்துவிடாதீர்கள்.

ஜாலியா படிக்கலாம்...ஈஸியா ஜெயிக்கலாம் !

சரியாகமதிப்பெண் வாங்காவிட்டால், 'அலுவலகத்தில் எனக்குஅவமானமாகப் போய்விடும், உறவினர்கள் கேவலமாக எண்ணுவார்கள்’ எனத் திட்டாதீர்கள். மார்க் மட்டுமே வாழ்க்கை இல்லை.

உங்கள்குழந்தை ஹாஸ்டல் தங்கிப் படிக்கிறான் என்றால், வீட்டில் நடக்கும் எல்லாச் சம்பவங்களையும் அவனிடம் சொல்லாதீர்கள். குறிப்பாகக் கவலை தரக்கூடிய செய்திகளைப் பகிர்ந்துகொள்ள வேண்டாம்.

ஹாஸ்டல் தங்கிப் படிக்கும் குழந்தைகளுக்குத் தேவை, உங்கள் அன்பான வார்த்தைகளும் ஆசீர்வாதங்களும் மட்டுமே.

எப்போதும் நேர்மறைச் சொற்களைப் பயன்படுத்துங்கள்.

ஜாலியா படிக்கலாம்...ஈஸியா ஜெயிக்கலாம் !

உங்கள் குழந்தை எப்படிப் படிக்கிறான் என யாராவது கேட்டால், ''நன்றாகப் படிக்கிறான்; நான் அவனிடம் நல்ல மாற்றத்தை உணருகிறேன்'' என உயர்வாகப் பேசுங்கள்.

உங்கள் குழந்தையின் எதிர்கால லட்சியம் என்ன என்பதைக் கேட்டு, அதைப் பெரிய எழுத்துகளில் எழுதி, உங்கள் வீட்டு ஹான் மையப் பகுதியில் ஒட்டிவைக்கவும். அது அவர்களின் லட்சியத்தை அடைய மறைமுகமாக ஊக்கப்படுத்தும்.

வரும் பொதுத்தேர்வில் பாடவாரியாக வாங்க விரும்பும் லட்சிய மதிப்பெண்கள் என்ன என்பதைக் கேட்டு எழுதி, உங்கள் வீட்டு ஹான் மையப் பகுதியில் ஒட்டவும். அது அவர்களுக்குத் தைரியத்தைக் கொடுக்கும்.

வீடுகளில் உற்சாகப்படுத்தும்  போஸ்டர் களை ஒட்டிவைக்கவும். உதாரணத்துக்கு சில : '' நீ சாதிக்கப் பிறந்தவன்'', ''உன்னால் முடியும்! நிச்சயம் முடியும்!'', ''உன் லட்சியம் நிச்சயம் வெற்றிபெறும்!'',  ''வெற்றிஎப்போதும் உன்னுடனே!'', ''இந்த நாள் இனிய நாள்!''

ஜாலியா படிக்கலாம்...ஈஸியா ஜெயிக்கலாம் !

பேஸ் மேலாண்மை நிறுவனத்தின் இயக்குனர் வி.ராமன், சர்வதேச மனித வள மேம்பாட்டுப் பயிற்சியாளர். எழுத்தாளர், பேச்சாளர், சிறந்த ஆலோசகர். 18 ஆண்டுகளாக இந்தியா மற்றும் 12 வெளிநாடுகளில் பல்வேறு இடங்களில் மனித வள மேம்பாட்டுப் பயிற்சிகள் அளித்து இருக்கிறார். பல கார்ப்பரேட் நிறுவனங்களுக்கும், தொழில்துறை நிறுவனங்களுக்கும், அரசு ஊழியர்கள், ஆசிரியர்கள் மற்றும் பெற்றோர் முன்னேற்றத்திற்கான ஆலோசனைகள் வழங்கிவருகிறார்.

பள்ளி மற்றும் கல்லூரி மாணவ- மாணவிகள் தேர்வு பயம் இல்லாமல் பொதுத் தேர்வை எப்படி எதிர்கொள்வது, எந்தப் பாடத்தை எப்படிப் படிக்க வேண்டும், எப்படி எழுதினால் நிறைய மதிப்பெண்கள் பெற முடியும் எனப் பல எளிய பயிற்சிகள் மற்றும் ஆலோசனைகளை நேரடி நிகழ்ச்சிகளிலும் தொலைக்காட்சி மூலமும் வழங்கி வருபவர். அவர், இப்போது பொதுத் தேர்வை எதிர்நோக்கி இருக்கும் மாணவ மாணவிகளுக்காக பல ஆலோசனைகளைத் தந்திருக்கிறார். இவை, உங்களுக்கு அதிக மதிப்பெண்களோடு வெற்றியடையச்செய்யும் என்பது நிச்சயம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism