Published:Updated:

கடவுளுக்கு ஒரு கடிதம் !

கடவுளுக்கு ஒரு கடிதம் !

கடவுளுக்கு ஒரு கடிதம் !

கடவுளுக்கு ஒரு கடிதம் !

Published:Updated:

அனுப்புநர்:

         விலங்குகள்,
        காடுகள் மற்றும் சரணாலயங்கள்,
         பூமி.

பெறுநர்:

ஒட்டுமொத்த விகடனுக்கும் ஒரே ஷார்ட்கட்!

           கடவுள்
          சொர்க்கம்,
          ஓசோன் அருகில்
           பால்வழி மண்டலம்.

வணக்கத்துக்கும், பேரன்புக்கும் உரிய இறைவனே...

உங்களின் படைப்பான உலக விலங்குகள் எழுதிக் கொள்வது!

கடவுளுக்கு ஒரு கடிதம் !

இங்கு மனிதர்களின் அட்டகாசம் தாங்க முடியவில்லை. எங்களின் வாழ்விடமான காட்டையும் அழித்து, தங்கள் வீடுகளுக்குத் தேவையான பொருட்களைச் செய்துகொள்கின்றனர். எங்கள் இடத்தை எல்லாம் ஆக்கிரமித்து கட்டடங்கள் கட்டிக்கொள்கிறார்கள். இது இப்படியே தொடர்ந்தால், எங்களின் இனத்தையே பார்க்க முடியாது. ஏற்கனவே பல விலங்கினங்களை அழித்துவிட்டனர். இப்போது பாண்டாவும், புலிகளும் படு வேகமாகக் குறைந்து வருகின்றன. எந்த விலங்காவது சண்டை போட்டால், பொறாமை கொண்டால், அதற்கு 'மனிதன்’ என்று நாங்கள் பெயர் வைத்துக் கிண்டல் அடிப்போம். அந்த அளவுக்கு அவர்கள் கீழ்த்தரமாக நடந்துகொள்கிறார்கள்.

நாங்கள் எங்களின் ரத்தத்தைப் பாலாகத் தருகிறோம். மனிதர்களோ கழிவுகளை உணவாக எங்களுக்குத் தருகிறார்கள். தயவுசெய்து இங்கு மாற்றத்தைக் கொண்டுவாருங்கள். மனிதர்களுக்கு அறிவு வளர்ந்தது போல எங்களுக்கும் வளர்ச்சி கொடுங்கள். அப்படிச் செய்தால், சில உறுதிமொழிகளை அளிக்கிறோம். நாங்கள் மனிதர்களைப் போல் திருடமாட்டோம். பொய் சொல்லமாட்டோம். எங்கள் பறவைகள் ரெண்டு கூடு கட்டி அதில் ஒன்றை வாடகைக்கு விடாது. கால் கொண்டு நடக்கிற தூரத்துக்குக் கூட வாகனம் ஏறிப் பறக்கமாட்டோம். மற்றவர்களையோ பூமி வெப்பமயமாதலையோ பற்றி கவலைப்படாமல், ஜில்லென்று ஏ.சி.-யில் இருக்கமாட்டோம்.

கடவுளுக்கு ஒரு கடிதம் !

முடிந்தால் எங்கள் நிலையை மாற்றித் தரவும். இல்லையென்றால் இன்னொரு உலகை விரைவுத் தபாலிலோ, கூரியர் மூலமோ அனுப்பி வைக்கவும்!

இப்படிக்கு,
மிகவும் வருத்தத்துடன்
உலக விலங்குகள் சார்பாக...

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism