தன்னைப்பற்றி தானே துப்புக் கொடுத்த சீரியல் கில்லரின் கதை இது!

1976 முதல் 1977 வரை நியூயார்க் நகரமே பீதியில் இருந்தது. காரைப் பார்க்கிங் செய்ய முயன்ற 13 பேர் மர்ம மனிதனால் சுடப்பட்டார்கள். ஆறு பேர் இறந்துவிட, ஏழு பேர் உயிருக்குப் போராடினார்கள். எல்லாமே 44 காலிபர் வகை துப்பாக்கிக் குண்டுகள். யார் என்று தெரியாததால் துப்பாக்கியின் பெயரையே குற்றவாளிக்கு வைத்தது நியூயார்க் போலீஸ். '44 காலிபர்' வில்லனைப் பிடிக்க 200 போலீஸ்கொண்ட குழு அமைக்கப்பட்டது. கார் பார்க்கிங்கில் கேமராக்கள் பொருத்தப்பட்டன. ம்ஹூம்... எந்தப் பிரயோஜனமும் இல்லை!

இந்த வழக்கை விசாரித்துக்கொண்டு இருந்த தனியார் துப்பறியும் நிபுணரிடம் வந்து சேர்ந்தது ஒரு கடிதம். 'நான்தான் டேவிட் - சன் ஆஃப் சாம். என் தந்தைக்கு மனித ரத்தம் குடிக்க வேண்டும். என்னுடைய தந்தை சிறு வயதில் இருந்தே என்னைக் கொடுமைப்படுத்தினார். பெரியவன் ஆகும் வரை என்னை கார் காரேஜில் தனிமையில் அடைத்து வைத்தார். எனக்கு அதன் மீது தீராத வெறி. சாம்தான் என்னை வெளி உலகுக்குச் சென்று கொலை செய்யுமாறு உத்தரவிட்டார்.

அவருக்கு இளமை திரும்பவும், ஹார்ட் அட்டாக் வராமல் இருக்கவும் நான் நிறையப் பேரைக் கொலை செய்து, அவர்களின் ரத்தத்தை அவருக்குக் கொடுக்க வேண்டும். விரைவில் என்னைக் கொலை செய்துவிடுங்கள். இல்லை என்றால், உங்களுக்குத்தான் நஷ்டம்' என்று விவரித்தது அந்தக் கடிதம். சுதாரித்து முகவரி தேடி ஓடினால்... ஆள் அம்பேல்!

'என்ன நீங்க... தத்தியா இருக்கீங்க. ஓர் ஆளை முடிச்சிட்டு சீக்கிரம் நானே வர்றேன்' என்று இன்னொரு கடிதத்தையும் அனுப்பிவைத்தான் 44 காலிபர். கடைசியாகக் கொலை செய்த இடத்தில், 'நான்தான்ப்பா சீரியல் கில்லர். போலீஸ் வந்தா இந்த அட்ரஸைக் கொடுத்து வரச் சொல்லு' என்று பார்க்கிங் டோக்கன் வாங்கும் இடத்தில் எழுதிக் கொடுத்துவிட்டுப் போனான்.

அரக்கப் பறக்க வீட்டுக்குத் தேடி வந்த போலீஸிடம், 'நீங்க பிடிப்பீங்கன்னு எவ்ளோ நாள்தான் வெயிட் பண்றது? என்னைப்பத்தி நானே சொல்ல லைன்னா நல்லா இருக்காதுன்னுதான் க்ளூ கொடுத்தேன்' என்று சிரித்திருக்கிறான்.

நியூயார்க் நீதிமன்றம் அவனுக்கு, 365 வருடங்கள் சிறை தண்டனை கொடுத் தது.

இப்போதும் நியூயார்க் கில் கம்பி எண்ணிக் கொண்டு இருக்கிறான் 44 காலிபர் என்ற டேவிட்!