Published:Updated:

டோனி...4 சச்சின்.. 8

டோனி...4 சச்சின்.. 8

டோனி...4 சச்சின்.. 8

டோனி...4 சச்சின்.. 8

Published:Updated:
டோனி...4  சச்சின்.. 8
டோனி...4  சச்சின்.. 8

'முன்னொரு காலத் தில் புலி, யானை, சிங்கம் போன்ற விலங்குகள் இருந்தன' என்று வருங் கால சுட்டிகள் பாட நூலில் படித்தால் ஆச்சர்யப்படுவதற்கில்லை. அந்த அளவுக்கு வன விலங்குகள் வேகமாக அழிந்து வருகின்றன. இதைத் தடுக்க, உலகம் முழுவதும் 'சர்வதேச வனவிலங்குகள் பாதுகாப்பு தினம்' 1931 முதல் ஒவ்வொரு வருடமும் அக்டோபர் 4-ம் தேதி கொண்டாடப்படுகிறது.

ஒட்டுமொத்த விகடனுக்கும் ஒரே ஷார்ட்கட்!

டோனி...4  சச்சின்.. 8
டோனி...4  சச்சின்.. 8

இந்த தினத்துக்கு வித்திட்ட, பிரான்ஸிஸ் அசிசி 1181 - 1182-ல் இத்தாலியில் பிறந்தவர். தந்தை பியட்ரோ டி பெர்னாடன் துணி வணிகத்தில் சிறந்து விளங்கியவர். தாய் பிகா பூர்லமொன்ட். பிரான்ஸிஸ் பிறந்த சமயத்தில், தந்தை வியாபார விஷயமாக பிரான்ஸ் சென்றிருந்தார். தாய்க்கு தனது மகன் கிறிஸ்துவ மத போதகராக வரவேண்டுமென ஆசை. அதனால், கிறிஸ்துவப் பெரியவரான ஜெவானி டி பெர்னாடன் என்ற பெயரை வைத்தார். ஆனால், தந்தையோ பெரிய வியாபாரியாக மகன் விளங்க வேண்டும் என்று விரும்பினார். மகனுக்கு பிரான்செஸ்கோ என்று பெயரிட்டார். பிரான்ஸிஸ், ஆரம்பத்தில் ஆடம்பரமும், அமர்க்களமுமாக வளர்ந்தார். பிறகு ஏழைகளின் துயரைக்கண்டு, உதவ ஆரம்பித்தார். தந்தையோடு வியாபாரத்தில் ஈடுபடும்போது, பல சமயங்களில் துணிகளை ஏழைகளுக்கு இலவசமாகக் கொடுத்துவிடுவார். இதனால், தந்தையுடன் வாக்குவாதம் ஏற்படும். 1201-ஆம் ஆண்டு புருசியாவுக்கு எதிராக இத்தாலி போர் தொடுத்தபோது... படையில் சேர்ந்தார். எதிரிகளிடம் பிடிபட்டு, கைதியாக சிறையில் இருந்தார். அப்போது ஏற்பட்ட அனுபவங்கள் அவரை பொதுச்சேவைப் பக்கம் திருப்பியது. விடுதலையான பிறகு, இத்தாலியில் உள்ள அசிசி திருச்சபையில் சேர்ந்தார். இயற்கையின் மீது ஆர்வம் உண்டானது. பறவைகளையும், விலங்குகளையும் அன்புடன் நடத்தினார். அவற்றைப் பாதுகாக்க பிரச்சாரம் செய்தார். விலங்குகள், பறவைகளின் தெய்வம் என்றே இவரை அழைத்தனர். 1226 அக்டோபர் 3-ஆம் தேதி மரணமடைந்தார். அடுத்த இரண்டாவது ஆண்டு இவருக்கு புனிதர் பட்டம் கிடைத்தது. இவர் நினைவாகவே அக்டோபர் நான்காம் தேதி வனவிலங்குகள் தினமாகக் கொண்டாடப்படுகிறது.

பிற உயிரினங்களைப் பாதுகாப்பது கடமை என்றால், நம்மை எதிரி நாடு களிடமிருந்து காத்துக்கொள்வதும் முக்கியம். அதை ஒவ்வொரு நாடும் ராணுவம் மூலம் செய்கிறது. நம் இந்தியாவும் ராணுவ பலத்தை நாளுக்கு நாள் கூட்டிக் கொண்டே செல்கிறது. தரைப் படை, கப்பல் படை, விமானப் படை என முப்படைகள் இருப்பது தெரியுமல்லவா? அதில் இந்திய விமானப் படை தினம், அக்டோபர் 8-ம் தேதி கொண்டாடப் படுகிறது. அன்றைய தினம், விமானப் படையின் பல்வேறு சாகசங்கள் நடக்கும். விமானப் படையில் பணிபுரிந்தோருக்கு விருதுகள் வழங்கப்படும்.


 

டோனி...4  சச்சின்.. 8

இந்திய விமானப் படை ஆங்கிலேயர் களால் 1932-ல் உருவாக்கப்பட்டது. சுதந்திரத் துக்குப் பின், இந்திய பாதுகாப்புப் படையின் ஒரு பிரிவானது. குடியரசுத் தலைவர்தான் விமானப் படையின் முதன்மை படைத் தலைவர். உலகின் நான்காவது பெரிய விமானப் படை என்ற பெருமை நமக்கு உண்டு. தற்போது இந்திய விமானப் படையில் 1,70,000 வீரர்கள் பணிபுரிகிறார்கள். போர் விமானங்கள் 1130, மற்ற பயன்பாட்டுக்கு 1700 விமானங்கள் உள்ளன. அதென்ன மற்ற பயன்பாட்டுக்கு? போர் நடக்கும் இடத்தில் விமானத்தில் இருந்து குண்டுகளை வீசுவது மட்டுமே விமானப் படையின் பணியல்ல. திடீரென பேய் மழை கொட்டி, வெள்ளம் வந்து மக்கள் பாதிக்கப்பட்டால், அங்கே வந்து மீட்பது விமானப் படைதான். பூகம்பம், நிலச்சரிவு போன்ற

டோனி...4  சச்சின்.. 8

இயற்கைச் சீற்றங்களின் போதும் மீட்புப் பணியில் ஈடுபடுவார்கள். சுதந்திர தினம், குடியரசு தினம் போன்ற அரசு விழாக்களில், வானில் விமானங்கள் மூலமாக பல்வேறு சாகசங்களைச் செய்து, மெய்சிலிர்க்க வைப்பது நம்ம விமானப் படைதான்.

நல்ல விஷயங்களை மக்களிடம் வேகமாகக் கொண்டு செல்ல, பிரபலங்களை அந்த விஷயத்துக்குப் பயன்படுத்துவார்கள். 'இதை இப்படி செய்யாதீங்க... அப்படி செய்ங்க' என்று மனதுக்குப் பிடித்தவர் சொல்லும்போது, கவனிப்போம் அல்லவா... அந்த வகையில், நமது அரசு... டோனியை வனவிலங்கு தூதராக நியமித்தது. நமது தேசிய விலங்கான புலிகளைப் பாதுகாக்க தூதராகச் செயல்படுகிறார். அதுபோல், சச்சினுக்கு சமீபத்தில் விமானப் படையின் கௌரவ கேப்டன் பதவி அளிக்கப்பட்டது. சுட்டீஸ்... விலங்குகளைப் பாதுகாப்பது மட்டுமல்ல... நாளை நீங்களும் ஒரு டோனி போல் சச்சின் போல் வளர்ந்து, இப்படி நல்ல விஷயங்களுக்குத் தூதுவராக இருக்கும் பெருமையை அடைய வேண்டும். செய்வீங்கதானே?

 
     
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism