Published:Updated:

கையடக்க நூலகம் சுட்டி விகடன் !

தி.குமரகுருபரன்

கையடக்க நூலகம் சுட்டி விகடன் !

தி.குமரகுருபரன்

Published:Updated:
##~##

அம்பத்தூர், சேது பாஸ்கரா பள்ளி மாணவர்களின் புத்தகப் பைகளில் கலர்ஃபுல்லாக இடம்பிடித்துள்ளது, சுட்டி விகடன். அந்தப் பள்ளியின் 470 மாணவர்கள் சந்தா செலுத்தியிருக்கிறார்கள்.

''நொடிக்கு நொடி மாறிக்கொண்டிருக்கும் இன்றைய உலகில், பள்ளிப் பாடங்கள் மட்டுமே போதாது. உலக விஷயங்களை விரல் நுனியில் வைத்திருக்க வேண்டும். அதே நேரம், மனிதர்களுக்கே உண்டான அன்பு, ஒற்றுமை, பிறரை மதித்தல், உதவுதல், கற்பனைத்திறன்   போன்ற குணங்களையும் வளர்த்துக்கொள்ள வேண்டும். சுட்டி விகடனில் திகி பக்கங்களுடன் அறிவியல் கட்டுரைகள், மாணவர்களின் கண்டுபிடிப்புகள், நன்னெறிக் கதைகள், ஜாலியான விஷயங்கள் என அனைத்தும் இருப்பதை உணர்ந்தேன். எளிய தமிழில் இருப்பதால் இது, மாணவர்களின் வாசிப்புத் திறனை மேம்படுத்தும். எனவே, சந்தா செலுத்தி மாணவர்களுக்கு வாங்கிக்கொடுத்திருக்கிறோம்'' என்கிறார், பள்ளியின் தலைமை ஆசிரியர் செல்வகுமார்.

ஒட்டுமொத்த விகடனுக்கும் ஒரே ஷார்ட்கட்!

''சுட்டி விகடனில் வரும் எல்லாப் பகுதிகளையும் நாங்கள் முதலில் படித்துவிடுவோம். அதில் சிலவற்றை, வகுப்பு அறையில் ஒரு ஆக்டிவிட்டியாகவே செய்கிறோம். மாணவர்களும் அதை மகிழ்ச்சியுடன் செய்கிறார்கள். மற்றவர்களுடன் விஷயங்களை ஆர்வத்துடன் பகிர்ந்துகொள்கிறார்கள்'' என்கிறார்கள் ஆசிரியர்கள்.

கையடக்க நூலகம் சுட்டி விகடன் !

''நான், இப்போதான் முதல்முறையாக சுட்டி விகடன் படிக்கிறேன். பசங்களே நடிச்சிருந்த 'ஷோபியும் நண்பர்களும்’ கதை ரொம்பப் பிடிச்சது. எல்லாருக்கும் உதவி செய்யணும்னு கத்துக்கிட்டேன். 'யுரேனஸ் எனும் நீலக்கோள்’ பக்கங்களை அப்படியே கட் பண்ணி வெச்சுக்கிட்டேன்'' என்கிறார், 5-ம் வகுப்பு ருப்ஜா.

''திகி பக்கங்களில் வந்த, 'சுலபமாகச் செய்யலாம் அறிவியல் சோதனைகள்’ படிச்சதும் எனக்கும் செஞ்சு பார்க்கும் ஆசை வந்துச்சு. அப்பாகிட்டே சொன்னேன். அப்பாவின் உதவியோடு செய்தேன். அந்த சன்டே ரொம்ப ஜாலியா, மறக்க முடியாத நாளாக இருந்துச்சு'' என்கிறார் மாணவி, அக்ஷய பிரியா.

''சுட்டி விகடன், கையடக்க நூலகமாக இருக்கிறது. வாசிக்கும் பழக்கம் வளர வளரக் கற்பனைத் திறனும் வளரும். அது, வருங்காலத்தில் மாணவர்கள் எந்தத் துறைக்குச் சென்றாலும் அங்கே புதிய புதிய முயற்சிகளைச் செய்வதற்குத் தூண்டுகோலாக இருக்கும்'' என்கிறார், தலைமை ஆசிரியர் செல்வகுமார்.

நீங்களும் புதிய முயற்சிகளுக்கு வித்திடுங்களேன்!