Published:Updated:

மயூரி என்றால் நம்பிக்கை !

க.பாலாஜி படங்கள் : க.பிரபாகரன்

மயூரி என்றால் நம்பிக்கை !

க.பாலாஜி படங்கள் : க.பிரபாகரன்

Published:Updated:

''எல்லோராலும் செய்ய முடிந்ததை என்னால செய்ய முடியலையேனு நினைச்சுக் கவலைப்படுறதைவிட, என்னால முடிஞ்சதைச் சிறப்பாகச் செய்யணும். விளையாட்டில் நம்ம இந்தியாவுக்குப் பெருமை சேர்க்கணும் என்பதுதான் என் லட்சியம்'' என்று இரு கன்னங்களிலும் அழகாகக் குழி விழச் சிரித்துக்கொண்டே சொல்கிறார் மயூரி.

அடையாறு, சிஷ்யா பள்ளியில் 6-ம் வகுப்பு படிக்கும் மயூரி, பெங்களூரில் நடந்த தேசிய அளவிலான மாற்றுத் திறனாளிகளுக்கான நீச்சல் போட்டியில் பேக் ஸ்ட்ரோக், ப்ரெஸ்ட் ஸ்ட்ரோக், ஃப்ரீ ஸ்டைல் என்ற மூன்று பிரிவிலும் S1 பிரிவில் தங்கம் கைப்பற்றினார். ஏற்கனவே, 2012-ல் சென்னையில் நடந்த தேசிய அளவிலான போட்டியில் மூன்று தங்கமும், மாநில அளவிலான போட்டியில் தங்கமும் கைப்பற்றியவர் மயூரி.

பிறவியிலேயே தசைத் திறன் குறைவு (muscular dystrophy) நோயால் பாதிப்பு, இரண்டரை வயதில் ஆபரேஷன் எனப் பல சவால்களைச், சாதனைகளாக மாற்றிய மயூரி, நீச்சல் பயிற்சியைக் கற்றுக்கொள்ள ஆரம்பித்தது ஆறு வயதில்.

ஒட்டுமொத்த விகடனுக்கும் ஒரே ஷார்ட்கட்!

மயூரி என்றால் நம்பிக்கை !

''என்னால் மற்றவர்களோட ஹெல்ப் இல்லாமல் சில நிமிடம்கூட தரையில் நடக்க முடியாது. என்னுடைய பிரச்னைக்குச் சரியான தீர்வு, ஹைட்ரோ தெரபி மூலமா கிடைக்கும்னு டாக்டர் சொன்னார். அதனால் நீச்சல் பயிற்சியை ஆரம்பிச்சேன். தரையில் சின்னக் கல் தடுக்கினாலும் விழுந்துடுவேன். ஆனால், நீரில் இறங்கினால், நான்தான் கில்லி. யாருடைய துணையும் இல்லாமல் மிதப்பேன்; ஓடுவேன்; நான் நினைச்சதை எல்லாம் செய்வேன். தண்ணீர்தான் என்னுடைய பெஸ்ட் ஃப்ரெண்ட்'' என்கிறார் மயூரி.

கீபோர்ட், மியூசிக், டிராயிங் போன்றவற்றிலும் அசத்தும் மயூரியை, ''அவளுடைய தன்னம்பிக்கைதான் அத்தனை வெற்றிகளுக்கும் ஆதாரம்'' என்று பூரிப்புடன் அணைக்கிறார்கள் பெற்றோர்.

''நான் வாங்கும் ஒவ்வொரு விருதையும் ப்ரேயர்ல என்னுடைய பிரின்சிபால் கொடுக்கும்போது, சந்தோஷமாக இருக்கும். இன்னும் நிறைய நிறைய வாங்கிக்கிட்டே இருக்கணும்னு நினைச்சுப்பேன். சீக்கிரமே, மாற்றுத் தினாளிகளுக்கான நீச்சல் போட்டியில் சர்வதேச அளவில் இந்தியாவுக்குப் பெருமையை வாங்கித் தரணும்'' என்று நம்பிக்கையுடன் சொல்கிறார் மயூரி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism