Published:Updated:

கணிதப் புலிகள் - பெளத்தயானா

இரா.சிவராமன்

கணிதப் புலிகள் - பெளத்தயானா

இரா.சிவராமன்

Published:Updated:

இந்தியாவின் முதல் கணிதக் குறிப்பை வழங்கிய அறிஞர் பௌத்தயானா.

கி.மு.800-ல் வாழ்ந்த இந்தியக் கணித அறிஞர். யஜுர் வேதத்தில் உள்ள குறிப்புகளில், நம் வாழ்வில் அன்றாடம் கடைப்பிடிக்க வேண்டிய விதிகள், வேத மந்திரங்கள் ஓத உதவும் யாக குண்டங்களின் அளவு முறைகள், தர்ம நெறிகள் போன்ற பல செய்திகளை வழங்கியுள்ளார். அந்தக் குறிப்புகளில், 'சுல்ப சூத்திரங்கள்’ என்ற தலைப்பில் உள்ள கருத்துகளே, இந்தியாவில் முதன்முதலில் தோன்றிய கணிதச் சிந்தனைகள். இந்தச் சூத்திரங்களை, 'பௌத்தயானா சுல்ப சூத்திரங்கள்’ என்கிறோம்.

பௌத்தயானா வழங்கிய சூத்திரங்கள் ஆறு வகைகளாகத் தொகுக்கப்பட்டுள்ளன. அதில் ஒரு வகையே பௌத்தயானா சுல்ப சூத்திரங்கள். இந்த சுல்ப சூத்திரக் குறிப்பில், அற்புதமான கணிதச் சிந்தனையை இவர்  ஏற்படுத்தியிருந்தார். 'மூலை விட்டத்தின் பக்க அளவில் அமைந்த பரப்பானது, மற்ற இரு பக்கங்களின் நீள அளவுகளில் அமைந்த பரப்புக்குச் சமம்’ என்பதே பௌத்தயானா வழங்கிய குறிப்பின் பொருள்.

ஒட்டுமொத்த விகடனுக்கும் ஒரே ஷார்ட்கட்!

கணிதப் புலிகள் - பெளத்தயானா

இந்தக் குறிப்பில் தோன்றும் வடிவம், செவ்வகம் என பௌத்தயானா வெளிப்படையாகக் குறிப்பிடவில்லை. எனினும், அந்தக் குறிப்பில் செவ்வக வடிவம் மறைமுகமாகத் தோன்றுவதை உணரலாம். பௌத்தயானா உண்மையில் செவ்வக வடிவைத்தான்  குறிப்பிட்டாரா என்பது ஆய்வுக்குரிய கேள்வியாக விளங்குகிறது.

பௌத்தயானா, செவ்வகத்தைக் கருத்தில்கொண்டு குறிப்பிட்டு இருந்தால், அதுவே பைத்தாகரஸ் தேற்றத்தின் முதல் சிந்தனையாக இருக்கும். பைத்தாகரஸ் வாழ்ந்த  காலத்துக்கு முன் பௌத்தயானா வாழ்ந்தார் எனும்போது, பைத்தாகரஸ் தேற்றத்தைக் கண்டறிந்த பெருமை, இவரையே சாரும். அதனால்,

கணிதப் புலிகள் - பெளத்தயானா

இன்று பைத்தாகரஸ் தேற்றத்தை 'பௌத்தயானா தேற்றம்’ என்ற பெயரில் அழைக்கிறோம்.

இவர் வழங்கிய மற்றொரு குறிப்பில், 'ஒரு சதுரத்தின் குறுக்களவில் அமைந்த பரப்பானது, அதன் பரப்புக்கு இரு மடங்காக அமையும்’ என மிகத் தெளிவாகக் கூறியிருக்கிறார். இந்தச் சிந்தனை,  இரு சமபக்க செங்கோண முக்கோணங்களுக்கான பைத்தாகரஸ் தேற்ற உண்மையை வெளிப்படுத்தும். இந்தத் தேற்றத்தைப் பயன்படுத்தியே, யாக குண்டங்கள், பலிபீடங்கள் போன்ற வழிபாட்டு முறைகளுக்குப் பயன்படும் கட்டமைப்புகளை இந்தியர்கள் ஏற்படுத்தினர்.

பௌத்தயானா வழங்கிய சிந்தனை, நம் கலாசாரத்துடன் அதிக அளவில் ஒன்றி இருப்பதைக் காணலாம். கணிதத்தில் பல அரிய சிந்தனைகளை, 10,000 ஆண்டுகளுக்கு முன் ஏற்படுத்தி, இந்திய கணிதப் பாரம்பரியத்துக்கு வித்திட்டார். மேலும், பைத்தாகரஸ் தேற்றத்தை முதன்முதலில் வழங்கி, இன்றைய நவீன தொழில்நுட்ப வளர்ச்சிக்கு அன்றே பௌத்தயானா உதவி புரிந்தார்.    

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism