Published:Updated:

இதுவும் ஒரு சம்மர் கலாட்டா !

ந.கீர்த்தனா படங்கள் : ஓவியா

இதுவும் ஒரு சம்மர் கலாட்டா !

ந.கீர்த்தனா படங்கள் : ஓவியா

Published:Updated:

''சம்மர் லீவில் ஜாலியா எதையாவது செய்யணும். அது பேரன்ட்ஸ் பாராட்டுற மாதிரியும், மறக்கவே முடியாத நிகழ்ச்சியாகவும் இருக்கணும்னு நினைச்சோம். அதுதான் இந்த கெட் டுகெதர்'' என்றார்கள் சென்னை, அண்ணா நகரில் உள்ள சாய்சமன் அப்பார்ட்மென்ட் வாண்டுகள்.

''டிவி, விளையாட்டுனு நிறுத்திக்காமல், ஒரு கெட் டுகெதர் வெச்சு, ஸ்கூல் ஃப்ரெண்ட்ஸ் எல்லாரையும் கூப்பிடுறதுனு முடிவுசெய்தோம். இதுல பசங்க கிடையாது. முழுக்க முழுக்க நாங்கதான். கெட் டு கெதர் நடத்த, பார்ட்டி ஹால் தேவை. அப்பார்ட்மென்ட் செகரட்டரியிடம் பேசினோம்'' என்றார் சங்கமித்ரா.

இதுவும் ஒரு சம்மர் கலாட்டா !

ஒட்டுமொத்த விகடனுக்கும் ஒரே ஷார்ட்கட்!

என்ன மாதிரி விளையாட்டுப் போட்டிகள் வைக்கலாம், யாரை எல்லாம் கூப்பிடலாம், அவர்களுக்கு உணவுக்கு என்ன செய்றது என எல்லாத்தையும் மீட்டிங் போட்டுப் பேசினாங்க.

''அந்த மீட்டிங்கில் கமிட்டி பிரித்து, பட்ஜெட் ஒதுக்கி, சாப்பாட்டுக்கான மெனுவையும் தயாரிச்சோம்'' என்றார் மஹத்தி.

இதுவும் ஒரு சம்மர் கலாட்டா !

''அம்மாக்கள்கிட்டே சொல்லி, உணவைத் தயாரிச்சா, எல்லா வீட்டு உணவையும் ருசிக்கலாம்னு அஞ்சனா ஐடியா கொடுத்தா. அம்மாக்களும் ரெடி. அப்புறம், போட்டிக்குப் பரிசு தரணுமே. அதுக்குப் பணம் கலெக்ட் பண்ணி, ஷாப்பிங் போனோம். எங்க பட்ஜெட்டுக்கு ஏற்ற மாதிரி பரிசுகளை வாங்கினோம்'' என்றார் அக்ஷரா.

ஹால் டெகரேஷன் தொடங்கி, பல விஷயங்களையும் செய்து முடிச்சாங்க. பிளான் எல்லாம் ஓகே. அந்த நாள் எப்படி நடந்துச்சு? வாங்க பார்க்கலாம்.

இதுவும் ஒரு சம்மர் கலாட்டா !

தோழிகள் எல்லாம் வந்ததும், முதலில் தமிழ்த்தாய் வாழ்த்து. அப்புறம், விருந்தினர்களுக்கு வெல்கம் டிரிங்ஸ் கொடுத்தாங்க. அப்புறம், போட்டிகள் ஆரம்பமாச்சு. நடுநடுவுல ஸ்நாக்ஸ், மறுபடியும் போட்டிகள், டான்ஸ், டின்னர் என வெளுத்துக்கட்டினாங்க. விருந்தாளியா வந்திருந்த தோழிகளுக்கு, இவங்களே உணவு பரிமாறி, இடத்தைச் சுத்தம் செய்தாங்க.

இதை எல்லாம் பார்த்த பெற்றோர்கள், ''வீட்ல ஒரு வேலை சொன்னா சிணுங்குறவங்க, இங்கே பம்பரமா செய்றாங்க. இதுக்காகவே ஒவ்வொரு வருஷமும் இந்தக் கொண்டாட்டத்தை நடத்தலாம்'' என்றபோது, அவங்க முகங்களில் பூரிப்பு.

புள்ளைங்களா, எங்கேயோ போய்ட்டீங்க!