Published:Updated:

பேட்மேன் - 75

பூ.கொ.சரவணன்

பேட்மேன் - 75

பூ.கொ.சரவணன்

Published:Updated:
பேட்மேன் - 75

சாகச ஹீரோ பேட்மேன், இந்த மாதம் 75 வயதை நிறைவுசெய்கிறார்.

ஓவியர் பாப் கேன் (Bob Kane), எழுத்தாளர் பில் ஃபிங்கர் (Bill Finger)இணைந்து, 1939-ல் பேட்மேனை உருவாக்கினர். டிடெக்டிவ் காமிக்ஸின் 27-வது இதழில் பேட்மேன் தன் முதல் சாகசத்தைப் பதிவுசெய்தார். அப்போது, 'சூப்பர்மேன்’ பரபரப்பான ஹீரோ. அவருக்கு இணையாக இன்னொரு ஹீரோவை உருவாக்க நினைத்தபோது பிறந்தவர்தான் பேட்மேன்.

ஒட்டுமொத்த விகடனுக்கும் ஒரே ஷார்ட்கட்!

பேட்மேன் - 75

அந்தச் சமயத்தில், 'பேட் விஸ்பெர்ஸ்’ என்று ஒரு படம் வெளியானது. அதில் வரும் ஒரு குற்றவாளி, பிறரைக் கொல்லும்போது தொப்பி அணிந்திருப்பான். வெளவால் முத்திரையை விட்டுச்செல்வான். இதையே பாஸிட்டிவ்வாக யோசித்தார் பாப் கேன். பேட்மேனின் முகமூடியில் உள்ள கொம்பு போன்ற அமைப்பு, ஃபிங்கர் உருவாக்கியது. பேட்மேனின் கண்கள் ஒளிருமாறு செய்ததும் ஃபிங்கரே.

பேட்மேன் - 75

ப்ரூஸ் வெய்ன் எனும் கோடீஸ்வர இளைஞனின் பெற்றோர், அவரது இளம் வயதிலேயே கொலை செய்யப்படுகிறார்கள். அதனால், சமூகக் குற்றங்களைத் தடுக்க, பேட்மேன் அவதாரம் எடுக்கிறார் ப்ரூஸ். அவருக்கு உதவ காப்பாளர், கமிஷனர் கார்டன் உடன் இருக்கிறார்கள். ப்ரூஸ் வெய்ன் என்கிற பெயர், ராபர்ட் தி ப்ரூஸ் மற்றும் மேட் அந்தோணி வெய்ன் போன்ற புகழ்பெற்ற கதாபாத்திரங்களை அடிப்படையாகக் கொண்டு வைக்கப்பட்டது.

மற்ற சூப்பர் ஹீரோக்களுக்கும் பேட்மேனுக்கும் பெரிய வித்தியாசம் இருக்கிறது. பறப்பது, மாயமாக மறைவது, உருவம் மாறுவது என மற்ற ஹீரோக்களுக்கு அபூர்வ சக்தி இருக்கும். ஆனால், பேட்மேன் அப்படிக் கிடையாது. தனது அறிவியல் திறமை மற்றும் உடல் ஆற்றல் மூலம்  மட்டுமே சாகசங்களைச் செய்வார்.

சமூக அக்கறையும் மனதில் துணிச்சலும் இருந்தால், சாதாரண மனிதனும் சாகச வீரன் ஆகலாம் என்பதே பேட்மேன் சொல்லும் செய்தி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism