Published:Updated:

உதகையில் ஒரு மெழுகு மியூசியம் !

தி.ஷெயப்பிரகாஷ் படங்கள் : மு.லலித்குமார்

பிரீமியம் ஸ்டோரி

உலகப் புகழ்பெற்ற மேடம் டுஸாட் (Madame Tussauds) மியூசியம் லண்டனில் இருப்பது தெரியும். அதேபோல, தமிழ்நாட்டில் ஒரு அருங்காட்சியகம் இருப்பது தெரியுமா?

ஊட்டியில், படகு இல்லத்துக்கு எதிரே அமைந்திருக்கிறது இந்த மெழுகு உலகம். தேசத்தந்தை காந்திஜி, நேதாஜி சுபாஷ் சந்திரபோஸ், பகத்சிங், பாலகங்காதர திலகர், ரவீந்திரநாத் தாகூர், ஜவகர்லால் நேரு என அனைவரையும் ஒரே இடத்தில் பார்த்து வியக்கலாம்.

உதகையில் ஒரு மெழுகு மியூசியம் !

உள்ளே நுழைந்ததும் நம்மை வரவேற்பவர், முன்னாள் குடியரசுத் தலைவர் அப்துல் கலாம். கனவு காணுங்கள் என்ற இந்த நாயகனின் சிலையும் சிந்தனை செய்வது போல அமைக்கப்பட்டிருக்கிறது. முன்னாள் பிரதமர் மன்மோகன் சிங், கர்நாடகாவின் கிருஷ்ணராஜ சாகர் அணையை (ஓர் இந்தியரால் முழுமையாக உருவாக்கப்பட்ட முதல் அணை இதுதான்.) கட்டிய, விஸ்வேஸ்வரய்யா ஆகியோரது மெழுகுச் சிலைகள் உள்ளன. விஸ்வேஸ்வரய்யாவின் பிறந்த தினமான செப்டம்பர் 15, இந்தியாவில் பொறியாளர்கள் தினமாகக் கொண்டாடப்படுகிறது.

மேல் தளத்தில், 350 ஆண்டுகள் பழைமை வாய்ந்த உதகையின் பூர்வீக தோடர் இன மக்களின் உடை மற்றும் கலாசாரத்தை விளக்கும்  சிலை உள்ளது. ஷீரடி சாய்பாபா, ஏழைகளுக்கு உதவும் அன்னை தெரசா, யேசு கிறிஸ்து, அரியணையில் கம்பீரமாக அமர்ந்திருக்கும் மராத்திய மன்னர் சத்ரபதி சிவாஜி ஆகியோர், நம்மை சிலிர்க்கவைக்கிறார்கள்.

உதகையில் ஒரு மெழுகு மியூசியம் !

பிரபலங்களின் சிலைகள் மட்டுமின்றி, மது அருந்திவிட்டு வாகனம் ஓட்டினால் ஏற்படும் விளைவுகள் பற்றிய விழிப்பு உணர்வுச் சிலையும் நம்மைக் கவர்கிறது. சந்தனக் கடத்தல் வீரப்பன், வனத்துக்குள்ளே வாழ்ந்ததையும் சிலையாக வைத்திருக்கிறார்கள்.

உதகையில் ஒரு மெழுகு மியூசியம் !

இந்தச் சிலைகள் அனைத்தையும் பெங்களூருவைச் சேர்ந்த ஜி.பாஸ்கரன் உருவாக்கியிருக்கிறார். இவர்தான், இந்த மெழுகு உலகத்தின் நிறுவனர். ''ஒவ்வொரு சிலையையும் செய்து முடிக்க 16 வாரங்கள் ஆகும். இங்குள்ள தலைவர்களைப் பார்க்கும் ஒவ்வொரு மாணவர் மனதிலும் அவர்களைப் போல சாதனையாளராக உருவாகும் எண்ணம் வரவேண்டும் என்பது எனது ஆசை'' என்கிறார்.

உங்க சுற்றுலா டைரியில், ஊட்டியின் 'மெழுகு உலகை’ குறிச்சுக்கங்க நண்பர்களே!

உதகையில் ஒரு மெழுகு மியூசியம் !
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு