பூம்..பூம்...ரோபோ !

உலகின் முதல் ரோபோ மாதிரியை உருவாக்கியது யார் தெரியுமா? டாவின்சி. ஆச்சர்யத்தில் மூர்ச்சை ஆகாதீர்கள். அவர், ரோபோவை படமாக வரைந்திருந்தார். இழுவைகள் மற்றும் கம்பிகள் மட்டும் கொண்ட அதற்குப் பெயர், ரோபோ நைட். அதாவது, இயந்திர வீரன்.

. 1800-களில் இயந்திர வாத்துகள் உருவாக்கப்பட்டன. இறக்கைகளை அடிக்கிற அளவுக்கு திறன்கொண்ட அவை, இயந்திர மனித தொழில்நுட்பத்துக்கு முன்மாதிரியாகக் கருதப்படுகின்றன.

. கார்ல் கேப்பக் (Karel Capek) என்பவரின் நாடகத்தில், மனிதர்கள் போல இருந்த இயந்திரங்களைக் குறிக்க, ரோபோ என்ற வார்த்தையை அறிமுகப்படுத்தினார்.

. முதல் ரோபோ பொம்மை, 1932-ல் ஜப்பானில் உருவானது. அதை தகரத்தால் உருவாக்கினார்கள்.

. 1937-ல், ஆலன் டியூரிங் (Alan Turing) சமர்ப்பித்த ஆய்வுக் கட்டுரை, செயற்கை அறிவு மற்றும் ரோபோடிக்ஸ் துறையில் புரட்சியை உண்டாக்கியது.

. 1954-ல், புரோகிராம் செய்யப்பட்ட ரோபோ கரம் ஒன்றை, ஜெனரல் மோட்டார்ஸ் நிறுவனம் உருவாக்கியது. அதைக்கொண்டு, கார்களை வேகமாக உருவாக்கினார்கள். தொழில்துறையில் ரோபோவின் பயன்பாடு அப்போதுதான் ஆரம்பமானது.

. 1986-ல், மனிதர்களைப் போல தோற்ற அமைப்புக்கொண்ட ரோபோ (பிuனீணீஸீஷீவீபீ ஸிஷீதீஷீ) உருவாக்க, ஹோண்டா நிறுவனம் திட்டமிட்டது. இதன் வளர்ச்சி, மனிதர்களோடு கலந்துரையாடும் கிஷிமிவிளி ரோபோ, 2000-ம் ஆண்டில் உருவானது.

. கார்னகி மிலான் பல்கலையில் எட்டு கால்கள் கொண்ட ரோபோக்கள் 1997-ல் உருவாக்கப்பட்டன. அவை, எரிமலையில் இருந்து வாயு மாதிரிகளைச் சேகரிக்கப் பயன்பட்டன.

. ரோபோ கப் என்கிற ரோபோக்களுக்கான கால்பந்து விளையாட்டை, நாய் போன்ற உருவத்தில் ரோபோக்களை உருவாக்கி, விளையாட்டில் ஈடுபடுத்தினர்.

. 10 கிராம் எடை, 7 சென்டிமீட்டர் உயரம்கொண்ட ஹெலிகாப்டர் ரோபோ, பேரிடர் சமயங்களில் பயன்பட உருவாக்கப்பட்டன.

. கட்டடங்களை உருவாக்குபவை, ரிமோட் உதவி இல்லாமல் தானே இயங்குபவை, படிகளில் ஏறி இறங்குபவை என ரோபாக்களின் வளர்ச்சி, அசாத்தியமாக உள்ளன.

. வருங்காலத்தில் வீடுகளில் ரோபோக்கள் பயன்பாடு சர்வ சாதாரணமாக இருக்கும். நீங்கள் மருந்து சாப்பிட நினைவூட்டும். என்ன ஜூஸ் குடிக்கலாம், என்ன பாட்டு கேட்கலாம் என்றெல்லாம் அறிவுரை சொல்லும்.

. - ச.புவனேஷ்

பூம்..பூம்...ரோபோ !

Vikatan Correspondent