Published:Updated:

காஞ்சியில் கார்த்திகை!

காஞ்சியில் கார்த்திகை!

காஞ்சியில் கார்த்திகை!

காஞ்சியில் கார்த்திகை!

Published:Updated:

கார்த்திகை மாதத்தை ராசியின் பெயரால் விருச்சிக மாதம் என்பர். இந்த வீடு அனல் கிரகமான செவ்வாயின் வீடாகும். சூரியனுக்கு இம்மாதத்தில் வழிபாடு செய்வதால், பரம்பரை சொத்துக்களால் பயன் உண்டாகும்; அவை நம்மைவிட்டுப் போகாது. கண் சம்பந்தமான நோய்கள் அணுகாது; பார்வையின் சக்தி மேம்படும்.

கார்த்திகை மாத ஞாயிற்றுக் கிழமைகளில் சூரியனை வழிபடுவதும், ஜோதிர்லிங்கங்களை வழிபடுவதும் மிகுந்த புண்ணியத்தைத் தரும். காஞ்சியில் அருளும் சிவாலயங்களில் ஸ்ரீகச்சபேஸ்வரர் ஆலயமும் ஒன்று. கார்த்திகை ஞாயிற்றுக் கிழமைகளில் இங்குள்ள சூரிய தீர்த்தத்தில் மூழ்கி அதன் கரையில் உள்ள இஷ்டலிங்க பெருமானையும், கச்சபேசப் பெருமானையும் வழிபட்டால் நினைத்தவை நல்லபடியே நடக்கும், வாழ்வில் மங்கலங்கள் உண்டாகும், கண்ணொளி மேம்படும், தலை சம்பந்தமான நோய்கள் நீங்கும் என்கின்றன புராணங்கள்.

காஞ்சியில் கார்த்திகை!

ஒட்டுமொத்த விகடனுக்கும் ஒரே ஷார்ட்கட்!

இந்தத் தலத்தின் மற்றொரு சிறப்பு மண்டை விளக்கு பிரார்த் தனை. புதிய மண் சட்டியில் துள்ளுமாவை (இடித்த அரிசி மாவு) நாட்டுச் சர்க்கரையுடன் கலந்து, பானையில் பாதியளவு நிரப்பி,

காஞ்சியில் கார்த்திகை!

அதன் மேல் இரண்டு அகல் விளக்குகளை ஏற்றிவைப்பார்கள். தேங்காய்பழம், தாம்பூல காணிக்கையுடன் அந்த பானையை தலை மீது சுமந்தபடி ஆலயத்தை மும்முறை வலம் வந்து வணங்குவார்கள். அதன் பின்னர், விளக்குகளை ஸ்வாமிக்கு முன் வைத்துவிட்டு, மற்றவற்றைப் பிரசாதமாக எடுத்துக் கொள்கின்றனர்.

தீபப் பிரகாசப் பெருமாள்

சிவபெருமான் ஓங்கி அழலாய் நின்றதுபோலவே, திருமாலும் ஒளிப்பிழம்பாய் காட்சி அளித்துள்ளார். காஞ்சிபுரத்தில் பிரம்மன் சரஸ்வதியின்றி யாகம் ஒன்றைச் செய்தான். தன்னை மதியாது செய்யும் அந்த யாகத்தை அழிக்க எண்ணிய சரஸ்வதி, நள்ளிரவில் பெரிய நதியாகப் பெருகி ஓடி வந்தாள். அதற்கு வேகவதி என்பது பெயராயிற்று. அந்த நள்ளிரவில் நதியின் குறுக்கே அணையாகப் படுத்ததுடன், பேரொளியாகவும் நின்றார் பெருமாள். அதனால் அவருக்குத் தீபப் பிரகாசர் என்ற பெயர் உண்டாயிற்று. அப்பெயருடன் அவர் அருளும் திருக்கோயில் விளக்கொளிப் பெருமாள் கோயில் என்று அழைக்கப்படுகிறது.

தொகுப்பு: பூசை ஆட்சிலிங்கம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism