டயலாக்

கமுதி

. தனியார் பேருந்து ஒன்றில்...

. ''சார் பின்னாடி இருக்கிறவங்க சீக்கிரம் கண்ணாடியை மூடிக்கோங்க... என் பொண்டாட்டி வாமிட் பண்ணப்போறா!'

. ''யோவ்... ஏதாவது கேரி பேக் இருந்தா அதுல எடுக்கச் சொல்ல வேண்டியதுதானே... உங்க வீட்டுக்காரம்மா 'விஷேச’ வாந்தி எடுக்குற சமாச்சாரம் ஊரெல்லாம் தெரியணுமா?''

. (மனைவி முறைக்க... கணவர் கப்சிப்!)

. - எம்.கல்லூரிராமன், அபிராமம்.

. பொன்மலை

. ஆர்மி கேட் அருகே நண்பர்கள் இருவர்...

. ''மச்சான் நானும் என்னோட லவ்வரும் எடுத்துக்கிட்ட செல்ஃபியைப் பாரேன்!'

. (மொபைலை வாங்கிப் பார்த்தவர்...) ''சிங்கிளா நம்மை நாமே எடுத்துக்கிட்டாதான் செல்ஃபி. இப்படி நீ ஃபிகரோட எடுத்துக்கிட்டா அது செல்ஃபி இல்லை... ஜொல்ஃபி!'

. ''ஃபிகர்னு சொல்லாத மச்சான்... அவ என்னோட லவ்வர்!'

. ''இந்த மூஞ்சியை ஃபிகர்னு சொன்னது தப்புதான்.மன்னிச்சுக்கோடா!'

. (நண்பர் முறைக்கிறார்!)

. - சார்லி, பொன்மலை

. பழவேற்காடு

. சலூன் கடை ஒன்றில் இருவர்...

. ''மச்சான் மேஷ ராசிக்கு ராசி பலன் என்ன போட்டிருக்குன்னு கொஞ்சம் படி...'

. ''மேஷ ராசிக்கு ஓசியில ஜோசியம் கேட்டா மாசியில மரணம்னு போட்டிருக்குடா...''

. (ஜெர்க் ஆன நண்பர்...) ''ஓசியில பேப்பர் படிக்கிறதுக்காகவே சலூன் கடைக்கு வர்ர உன்கிட்ட கேட்டேன் பாரு... என்னைச் சொல்லணும்!'

. (அருகில் இருந்தவர்கள் சிரிக்கிறார்கள்!)

. - ப.பாலசுப்பிரமணியம், தத்தைமஞ்சி.

டயலாக்

Vikatan Correspondent