Published:Updated:

பாஸ்மதி அரிசி ஏற்றுமதி!

பாஸ்மதி அரிசி ஏற்றுமதி!

பாஸ்மதி அரிசி ஏற்றுமதி!

பாஸ்மதி அரிசி ஏற்றுமதி!

Published:Updated:

ரிசி வகைகளில் பாஸ்மதி அல்லாத அரிசி ஏற்றுமதியைப் பற்றிச் சென்ற வாரம் விரிவாகப் பார்த்தோம். இந்த வாரம் பாஸ்மதி அரிசியில் உள்ள ஏற்றுமதி வாய்ப்புகள் என்னென்ன, ஏற்றுமதிக்கு தகுதியுள்ள பாஸ்மதி அரிசி வகைகள் மற்றும் ஏற்றுமதிக்கு வாய்ப்புள்ள நாடுகள் பற்றி இந்த வாரம் பார்க்கலாம்.

பாஸ்மதி அரிசி ஏற்றுமதி!

மூன்றில் இரண்டு பங்கு!

ஒட்டுமொத்த விகடனுக்கும் ஒரே ஷார்ட்கட்!

சென்னை அண்ணாசாலையில் உள்ள மத்திய அரசின் ஏற்றுமதி மேம்பாட்டு நிறுவனமான FIEO (Federation of Indian Export Organisations), தென்மண்டல அலுவலக அதிகாரிகள் பாஸ்மதி அரிசி ஏற்றுமதி குறித்து சொன்னதாவது:  “இன்றைய நிலையில் பாஸ்மதி அரிசியின் உற்பத்திக் குறைவு என்பதாலும், உலக நாடுகளில் இதற்கான தேவை அதிகரித்துக் காணப்படுவதாலும் ஏற்றுமதி யாகும் பாஸ்மதி அரிசிக்கு விலையானது அதிகம். அதனாலேயே இந்தியாவில் உற்பத்தியாகும் பாஸ்மதி அரிசியில் மூன்றில் இரண்டு பங்கு ஏற்றுமதியாகிறது.

தற்போதைய நிலையில் பாஸ்மதி அரிசியை இந்தியாவிலிருந்து அதிகமாக இறக்குமதி செய்யும் நாடாக சவுதி அரேபியா விளங்குகிறது. இந்த நாட்டைத் தொடர்ந்து இங்கிலாந்து, குவைத், ஈரான் மற்றும் ஐக்கிய அரபு நாடுகள் பாஸ்மதி அரிசியை இந்தியாவிலிருந்து இறக்குமதி செய்துவருகின்றன.

கடந்த 2013-14ம் ஆண்டில் மத்திய கிழக்கு நாடுகளுக்கு ஏற்றுமதி செய்யப் பட்ட இந்திய பாஸ்மதி அரிசியின் மதிப்பு 9,890.58 கோடி ரூபாய் அதிகரித்துள்ளது. அதேபோல, பாஸ்மதி அரிசியை விரும்பி சாப்பிடும் நாடுகளில் குறிப்பாக, ஈரான் மற்றும் சவுதி அரேபிய நாடுகளில் மட்டும் இந்திய பாஸ்மதி அரிசி ஏற்றுமதி 50.96% அதிகரித்துக் காணப்படுகிறது. 2013-14ம் ஆண்டு நிலவரப்படி, இந்தியாவின் மொத்த பாஸ்மதி ஏற்றுமதியானது 37.57 லட்சம் டன் ஆகும். இதன் மொத்த மதிப்பு ரூ.29,299 கோடி. இது இதற்கு முந்தைய ஆண்டில் 34.59 லட்சம் டன்னாகக் காணப்பட்டது. இதன் அன்றைய மதிப்பு ரூ.19,409 கோடியாகும்.

பாஸ்மதி அரிசி ஏற்றுமதி!

அதிக இறக்குமதி செய்யும் ஈரான்!

கடந்த 2013-14ம் வருடம் இந்தியா விலிருந்து ஈரான்தான் அதிகமாக பாஸ்மதி அரிசியை இறக்குமதி செய்தி ருக்கிறது. இந்தியாவின் மொத்த பாஸ்மதி ஏற்றுமதியில் 14.41 லட்சம் டன் பாஸ்மதி அரிசி (மொத்த ஏற்றுமதியில் 37.46%) ஈரானுக்கு அனுப்பப்பட்டுள்ளது. இதன் மதிப்பு ரூ.10,975.71 கோடி. சவுதி அரேபியாவுக்கு 8.26 லட்சம் டன் பாஸ்மதி அரிசி (மொத்த ஏற்றுமதியில் 22.93%) ஏற்றுமதி செய்யப்பட்டிருக்கிறது. இதன் மதிப்பு ரூ.6,717.06 கோடி” என்கிற விவரத்தைக் குறிப்பிட்டார்கள்.

APEDA - அனுமதி அவசியம்!

அரிசி ஏற்றுமதி செய்யும் புளுபாரத் எக்ஸிம் நிறுவனத்தின் மேலாண்மை இயக்குநர் கே.எஸ்.கமாலுதீனுடன் பேசினோம்.

‘‘இந்தியாவைப் பொறுத்தவரை, பாஸ்மதி அரிசி வட இந்தியாவில்தான் அதிகம் விளைவிக்கப்படுகிறது. அவற்றுள் பாஸ்மதி ரா (Basmati Raw), பாஸ்மதி சில்கி (Basmati silky), பாஸ்மதி பாய்ல்டு (Basmati boiled), பாஸ்மதி செல்லா 1121 (Basmati sella 1121) மற்றும் பாஸ்மதி புஷா (Basmathi pusha) ஆகிய ஐந்து வகைகள் ஏற்றுமதிக்கு ஏற்றதாக உள்ளன. இந்த ஐந்து அரிசி வகைகளில் பாஸ்மதி செல்லா 1121 மற்றும் பாஸ்மதி புஷா ஆகிய இரண்டு வகைகள் தரத் திலும் ஏற்றுமதியிலும் சிறந்து வழங்கு கின்றன.

Agricultural and Processed Food Products Export Development Authority, (சுருக்கமாக APEDA) என்கிற நிறுவனம்தான் அரிசி ஏற்றுமதிக்கான புரமோஷனல் கவுன்சில் என்பதால், பாஸ்மதி அரிசி ஏற்றுமதியில் இறங்குபவர்கள் கட்டாயம் APEDA-விடம் அனுமதி பெற்றாக வேண்டும். ஏற்றுமதியாளர் ஏற்றுமதி செய்ய இருக்கும் பாஸ்மதி அரிசியின் அளவு, எந்த நாட்டுக்குச் செய்ய இருக்கிறோம் என்கிற விஷயத்தை எல்லாம் APEDA-விடம் தெரியப்படுத்தி உரிமத்துடன் சிறப்பு அனுமதியையும் பெறவேண்டும்.

இந்தியாவிலிருந்து உற்பத்தியாகும் பாஸ்மதி அரிசியின் அளவு எவ்வளவு, எவ்வளவு அரிசிகள் வெளிநாடுகளுக்கு ஏற்றுமதியாகின்றன என்கிற விவரங் களைத் தெரிந்துகொள்ளத்தான் இந்த அனுமதியானது அவசியமாக்கப் பட்டுள்ளது. ஏற்றுமதியாளர்கள் ஒவ்வொரு மாதமும், தான் ஏற்றுமதி செய்திருக்கும் அரிசியின் அளவு மற்றும் மதிப்பை APEDA-வுக்குத் தெரியப் படுத்துவது அவசியமாகும்.

பாஸ்மதி அரிசி உற்பத்தி மற்றும் ஏற்றுமதியில் இந்தியாவுக்குப் போட்டி நாடாக விளங்கும் பாகிஸ்தான், இந்தியாவைவிட பல மடங்கு பாஸ்மதி அரிசியை உற்பத்தி செய்து ஏற்றுமதி செய்துவருகிறது. இன்றைய நிலையில் ஒரு டன் பாஸ்மதி அரிசியானது 950 முதல் 1,750 டாலர் வரை வர்த்தகமாகி வருகிறது.

பாஸ்மதி அரிசி ஏற்றுமதி!

ஆர்டர்களைப் பார்த்து ஏமாறாதீர்கள்!

அரிசியைப் பொறுத்த வரை, ஆயிரம் டன் எண்ணிக்கையில் ஆர்டர் கள் கிடைத்தால், அதை உடனே பரிசீலனை செய்ய வேண்டாம். ஆப்பிரிக்க நாடுகளில் இருந்து பல பொய்யான ஆர்டர்கள் வந்து கொண்டு இருக்கின்றன.

இதுபோன்ற ஆர்டர் கள் கிடைக்கும்போது, இறக்குமதியாளர்களிடம் ஏற்றுமதியாளர்கள், நீங்கள் எல்சி(Letter of Credit) ஓப்பன் செய்வீர்களா என்று முதலில் கேட்க வேண்டும். இதற்கு ஒப்புக்கொண்டால் தான், மேற்கொண்டு ஏற்றுமதி குறித்துப் பேசலாம். இல்லை யெனில் அந்த ஆர்டரை தவிர்த்துவிடு வதே நல்லது'' என்றார்.

அரபு நாட்டு ஏற்றுமதியில் எச்சரிக்கை!

மேலும் அவரே, “பல ஆண்டுகளுக்கு முன்பு அரபு நாட்டுக்கு அரிசியை ஏற்றுமதி செய்தேன். சிங்கப்பூர், மலேசியா ஆகிய நாடுகளுக்கு ஏற்றுமதி செய்யும்போது ஆங்கில மொழி மட்டும் போதுமானது. இந்த நடைமுறையைஅரபு நாட்டு இறக்குமதியாளருக்கும் ஃபாலோ செய்தபோது பிரச்னையாகி விட்டது. அந்த நாட்டுக்கென்று சில சான்றிதழ் களை வழங்க வேண்டி இருந்தது. தவிர, அரபு நாடுகளுக்கு ஏற்றுமதி செய்யும் போது, நமது ஏற்றுமதி பொருட்களில் அரபு மொழி யில் அச்சிடப் பட்டு இருக்க வேண்டியது அவசியம்.

நான் அந்த நாட்டுக்கு தர வேண்டிய சான்றிதழ்கள் மற்றும் அரபு மொழிகளில் அச்சிடவில்லை என்கிற காரணத்தினால், எனக்கு ஆர்டர் வழங்கிய இறக்குமதி யாளருக்கு கடைசிவரை பொருளானது கிடைக்கவே இல்லை. ஆனால், அதை அப்படியே சிங்கப்பூருக்கு அனுப்பிவிட முடியும் என்பதால், நஷ்டத்திலிருந்து தப்பித்தேன்.  ஏற்றுமதி செய்வதில் பல விஷயங்களைக் கவனிக்க வேண்டி இருப்பதால், புதிதாகக் களம் இறங்குப வர்கள் ஆழமறிந்து காலைவிடுவதே நல்லது.

கவனிக்க வேண்டிய விதிமுறைகள்!

பாஸ்மதி அரிசி ஏற்றுமதி!

பொதுவாக அரிசியைப் பொறுத்த வரை, ஒவ்வொரு நாட்டுக்கும் ஒவ்வொரு விதிமுறை இருக்கிறது. (அந்த விதிமுறைக் கான வார்த்தைகள் கீழே தரப்பட்டுள் ளன). இறக்குமதியாளர்களிடமிருந்து அரிசி இறக்குமதி ஆர்டர் கிடைத்தவுடன், அரிசி ஏற்றுமதியை ஆரம்பிப்பதற்கு முன்பாக அரிசி இறக்குமதியில் அந்தந்த நாட்டின் விதிமுறைகளுக்கு உடன்பட்டி ருக்கிறார்களா என்பதைக் கேட்டு தெரிந்து, அதன்பிறகு அரிசியை ஏற்றுமதி செய்யுங்கள்.

அந்த நாட்டின் விதிமுறைக்கு அவர்கள் உடன்பட்டிருக்கவில்லை என்றால், நாம் அனுப்பிய அரிசியை அவர்கள் டெலிவரி எடுக்க முடியாது. அனுப்பிய அரிசியை நம் நாட்டுக்குத் திருப்பி எடுத்துக்கொள்ளவும் முடியாது. அதனால் இந்தச் சிக்கலில் இருந்து தப்பிக்க, அனுப்புவதற்கு முன்பே விசாரித்துக்கொள்வது நல்லது.

* சிங்கப்பூர் - stockpile

* மலேசியா - Bernas control

* புரூனே - Quota system

* லங்கா - Government Release

* ஐக்கிய அரபு நாடுகள்
    (UAE) - As per order

 ஃப்ரீ அட்வைஸ்!

தற்போதைய நிலையில் இந்தியாவி லிருந்து பொருட்களை ஏற்றுமதி செய்யும் ஏற்றுமதியாளர்களின் எண்ணிக்கை குறைவாகவே உள்ளது. இது இன்னும் பலமடங்கு அதிகரிக்க வேண்டும். இதற்காக கடந்த 19 ஆண்டு களில் ஏற்றுமதி தொழிலில் நான் பெற்ற அனுபவங்களைப் புதிதாகக் களமிறங்கும் ஏற்றுமதியாளர்களுக்குக் கற்றுக்கொடுத்து வருகிறேன்.

 ஆர்வம் இருக்கும் ஏற்றுமதியாளர்கள் என்னைத் தொடர்புகொண்டு நேரில் சந்தித்தால், இலவசமாக என்னால் முடிந்த சிறு அறிவுரைகளை உங்களுடன் பகிர்ந்து கொள்கிறேன்” என்று அரிசி குறித்த விவரங்களை மட்டும் சொல்லி முடிக்காமல், அக்கறையுடனும் பேசி முடித்தார் கமாலுதீன்.

ஏற்றுமதித் தொழிலில் இறங்க விருப்பம் உள்ளவர்கள் பயன்படுத்திக் கொள்ளலாமே!

ஈரானுக்கு இனி பாஸ்மதி அரிசி!

2013-14ம் நிதியாண்டில் இந்தியாவின் பாஸ்மதி ஏற்றுமதியானது 10% வரை குறைந்து காணப்பட்டது. இதற்கு மிகவும் முக்கியமான காரணம், இந்தியாவிலிருந்து பாஸ்மதி அரிசியை இறக்குமதி செய்யும் நாடான ஈரான் 2014ம் ஆண்டின் அக்டோபர் மாதம் முதல் பாஸ்மதி ஏற்றுமதிக்கான புதிய ஆர்டர்களை இந்தியாவுக்கு வழங்காமல் நிறுத்திவைத்திருந்தது. இந்திய அரசாங்கம் மேற்கொண்ட பல்வேறு பேச்சுவார்த்தைகளுக்குப் பிறகு சமீபத்தில் ஈரான் அரசானது இந்தியாவுக்கு ஆர்டர்களை வழங்க ஒப்புக்கொண்டுள்ளது. இதனால் அடுத்த ஆண்டு முதல் பாஸ்மதி ஏற்றுமதியானது ஆரம்பிக்கும் என FIEO வட்டாரம் தகவல் தெரிவித்துள்ளது.

பாஸ்மதி அரிசி ஏற்றுமதி!

பாஸ்மதி ஏற்றுமதியானது குறைந்திருந்தாலும், அதன் விலையானது அதிகரித்தே காணப்படுகிறது. 2014-15ம் ஆண்டு முதல் ஒன்பது மாதங்களில் ஒரு டன் பாஸ்மதி அரிசியானது சராசரியாக ரூ.80,000-ஆக வர்த்தகமானது. ஆனால், இதற்கு முந்தைய ஆண்டின் இதே காலகட்டத்தில் ஒரு டன் பாஸ்மதி அரிசியானது ரூ.75,000-ஆக இருந்தது. ஐக்கிய நாடுகளின் உணவு மற்றும் வேளாண்மை அமைப்பின் சமீபத்திய (Food and Agriculture Organization of the United Nations) கணக்கீட்டின்படி, 2014ம் ஆண்டின் ஈரானின் அரிசி உற்பத்தியானது 3 மில்லியன் டன்னாக உள்ளது. இது, இதற்கு முந்தைய இரு ஆண்டுகளில் முறையே 2.9 மில்லியன் மற்றும் 2.8 மில்லியன் டன்னாக இருந்தது. அதேசமயம், ஈரானின் மொத்த உணவு தானியங் களின் உற்பத்தியானது 4.4% குறைந்து 20.4 மில்லியன் டன்னாகக் காணப்படுகிறது.

ஏற்றுமதி/இறக்குமதிக்கு ஆவணங்கள் எளிமையாக்கம்!

சமீபத்தில் நடந்துமுடிந்து நாடாளுமன்ற பட்ஜெட்டில் நிதி அமைச்சர் அருண் ஜெட்லி உரையாற்றியபோது, இந்தியாவின் ஏற்றுமதி மற்றும் இறக்குமதி மீதான ஆவணங்களை எளிமைபடுத்துவோம் என்பதைத் தெரிவித்தார்.

அந்த நடைமுறையானது வருகிற ஏப்ரல் 1-ம் தேதியிலிருந்து நடைமுறைக்கு வர இருக்கிறது. அன்றைய தினத்திலிருந்து இந்தியாவிலிருந்து ஏற்றுமதியாகும் பொருட்கள் மீதான ஆவணங்களில் முக்கியமாகச் சமர்ப்பிக்க வேண்டிய ஆவணங்கள் Bill of Lading/Airway Bill, Commercial Invoice cum Packing List, Shipping Bill / Bill of export என்கிற மூன்று ஆவணங்களும், அயல்நாட்டிலிருந்து பொருட்களை இறக்குமதி செய்யும் போது முன்பு குறிப்பிட்டிருக்கும் முதல் இரண்டு ஆவணங்களுடன் Bill of Entry என்கிற ஆவணத்தையும் சமர்ப்பித்தால் போதுமானது.

ஏற்றுமதியாளர்கள் கவனத்துக்கு...

ஏற்றுமதி தொழில் சார்ந்த உங்களின் சந்தேகங்கள் மற்றும் கேள்விகளை exports@vikatan.com என்கிற மெயில் ஐடி-க்கு அனுப்பி வையுங்கள். குரல்பதிவு மூலமாகவும் உங்கள் கேள்வி மற்றும் சந்தேகங்களைப் பதிவு செய்யலாம். அதற்கு 044-668029920 என்ற எண்ணுக்கு டயல் செய்யுங்கள். கணினி குரல் வழிகாட்டும்.

செ.கார்த்திகேயன்

படங்கள்: ர.சதானந்த்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism