Published:Updated:

பரவசம் தரும் பலூன் ஸ்கல்ப்டிங்!

பரவசம் தரும் பலூன் ஸ்கல்ப்டிங்!

‘‘பலூன் ஸ்கல்ப்டிங் என்பது திருமண மண்டப அலங்காரங்களில் ஒன்றாக, பலூனிலேயே பார்க்கப் பரவசப்பட வைக்கும் உருவங்கள் உருவாக்கி அசத்துவது!’’ - கடந்த ஐந்து வருடங்களாக பலூன் ஸ்கல்ப்டிங் செய்து வரும் முரளி, அது பற்றி தந்த தகவல்கள் சுவாரஸ்யம்!

பரவசம் தரும் பலூன் ஸ்கல்ப்டிங்!

‘‘எம்.பி.ஏ ஷிப்பிங் அண்ட் லாஜிஸ்டிக்ஸ் மேனேஜ்மென்ட் படிச்சுட்டு, அது சம்பந்தமான பணியில் இருக்கேன். நேரம் கிடைக்கும்போது மட்டும், பலூன் ஸ்கல்ப்டிங் செய்றேன். கல்லூரியில் படிக்கும்போதிலிருந்தே, விழாக்களுக்கு பலூனில் அலங்காரங்கள் செய்வேன். ஆனா... ஆர்ச், பில்லர்ஸ்னு அதை எல்லோரும் செய்ய ஆரம்பிச்சப்போ, போட்டி அதிகமாயிருச்சு. அதிலிருந்து தனிச்சுச் தெரியணும்னு அடுத்து நான் கையில் எடுத்த விஷயம்தான், பலூன் ஸ்கல்ப்டிங்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பரவசம் தரும் பலூன் ஸ்கல்ப்டிங்!
பரவசம் தரும் பலூன் ஸ்கல்ப்டிங்!

திருமணம், பிறந்தநாள் விழாக்களுக்கு வாடிக்கையாளர்கள் கேட்கும் உருவங்களை பலூனில் செய்து கொடுப்பதுதான் பலூன் ஸ்கல்ப்டிங். இப்போ தீம் வெடிங் பிரபலமாகி வருவதால், அவங்களோட தீமுக்கு ஏற்ற கேரக்டர்களை நாங்க பலூனில் உருவாக்கித் தருவோம். பலூன்களில் நார்மல் பலூன், லிங்க் பலூன், ஷேப்ஸ் பலூன், மாடலிங் பலூன்னு பல வகைகள்

பரவசம் தரும் பலூன் ஸ்கல்ப்டிங்!

இருக்கு. இதையெல்லாம் இறக்குமதி செய்துதான் வாங்குவோம். குறிப்பா, இதில் மாடலிங் பலூனில் நினைக்கும் உருவத்தை, ஏன் உடையைக்கூட பலூனில் செய்யலாம்.

இம்போர்டட் பலூனில் செய்றதால, பலூன் ஸ்கல்ப்டிங்க்குக்கான கட்டணமும் கொஞ்சம் அதிகம். ஒரு தீம் உருவாக்க, குறைந்தபட்சம் ஐந்தாயிரத்துல இருந்து கட்டணம் ஆரம்பமாகும். திருமணங்களில், பலூனில் ஒரு ஆண் - பெண் ஜோடி செய்து ரிசப்ஷனில் அலங்கரிப்போம். பலூனிலேயே செய்யும் போட்டோ போர்டுக்கு, நல்ல வரவேற்பிருக்கும். அதாவது, திருமணத்துக்கு வரும் விருந்தினர்கள் அந்த போட்டோ ஃபிரேமுக்குள் நின்னு போட்டோ எடுத்துக் கலாம். அந்த போட்டோவை உடனடியா கொடுத்துடுவோம். அந்த பலூன்களில், மணமக்களின் பெயர், திருமண நாள் பிரின்ட் செய்யப்பட்டிருக்கும். குழந்தைகளை மகிழ்விக்கும் கார்ட்டூன் உருவங்களையும் உருவாக்கியும் அசத்தலாம்.

பரவசம் தரும் பலூன் ஸ்கல்ப்டிங்!

தீம் வெடிங்குக்கு பலூன் அலங்காரம் செய்ய, குறைந்தது ஆறு மணி நேரமாகும். ஏ.சி அறை என்றால், ஒரு வாரம் வரை அப்படியே இருக்கும். அவுட்டோர் என்றால், பலூன் மினுமினுப்பு குறையும். பலூன் மெட்டீரியல்களை மொத்தமா வாங்கி வெச்சா, நம்மூர் க்ளை
மேட்டுக்கு தாங்காது. அதையெல்லாம் அப்பப்போ ஆர்டர் கொடுத்து வாங்கணும் என்பதால, குறைந்தது ஐந்து நாட்களுக்கு முன்பாவது எங்ககிட்ட ஆர்டர் கொடுக்கணும். இந்த பலூன் மெட்டீரியல், பயோ டீகிரேடபிள் என்பதால் சீக்கிரம் அழிஞ்சுடும். இது பிளாஸ்டிக் கிடையாது, சுற்றுச்சூழலுக்கும் தீங்கில்லாதது!’’

பரவசம் தரும் பலூன் ஸ்கல்ப்டிங்!

 - பலூன் ஊதுவதுபோல ஒரே மூச்சில் சொல்லி முடித்தார் முரளி!

உங்கள் வீட்டுத் திருமணத்துக்கு வேண்டுமா பலூன் ஸ்கல்ப்டிங்..?!

- ந.ஆஷிகா