Published:Updated:

ஜகம் செழிக்க மகாமகத்தில் வேத பாராயணம்!

ஜகம் செழிக்க மகாமகத்தில் வேத பாராயணம்!
பிரீமியம் ஸ்டோரி
ஜகம் செழிக்க மகாமகத்தில் வேத பாராயணம்!

ஜகம் செழிக்க மகாமகத்தில் வேத பாராயணம்!

ஜகம் செழிக்க மகாமகத்தில் வேத பாராயணம்!

ஜகம் செழிக்க மகாமகத்தில் வேத பாராயணம்!

Published:Updated:
ஜகம் செழிக்க மகாமகத்தில் வேத பாராயணம்!
பிரீமியம் ஸ்டோரி
ஜகம் செழிக்க மகாமகத்தில் வேத பாராயணம்!

சாரமான வேத பண்டிதர் குடும்பத்தில் பிறந்தவர் பிரம்மஸ்ரீ எஸ்.ராமமூர்த்தி சாஸ்திரிகள். வயது 94. ஆனால், ஓர் இளைஞரைப் போல் சுறுசுறுப் பாகச் செயல்பட்டுக்கொண்டிருக்
கிறார். ஸ்ரீசுக்ல யஜுர் வேதத்தை முறையாகப் பயின்று, அதில் கனம் என்னும் வேத பாடத்தையும் கற்றுத் தேர்ந்தவர். வேத சாஸ்திரங்களில் தேர்ச்சி பெற்றிருந்தும் தொழில் ரீதியாகச் செல்லாமல், வேத பாராயணத்துக்கு மட்டுமே தம்மைப் பூரணமாக அர்ப்பணித்து வாழ்கிறார்.

இதுவரை 6 மகாமகங்களைத் தரிசிக்கும் பாக்கியம் பெற்ற சாஸ்திரிகள், இப்போது தரிசிக்கப்போவது ஏழாவது மகாமகம். எனில், இவரைத் தரிசிப்பதே நமக்கான பாக்கியம் அல்லவா?
‘வேதாஹமேதம் புருஷம் மஹாந்தம் ஆதித்யவர்ணம் தமஸ:’ என்று யஜுர் வேத சுவேதாஸ்வதர உபநிஷத மந்த்ரம் மென்மையாக ஒலிக்க, நாம் அவரைச் சந்தித்தோம். மகத்துவம் மிக்க மகா மகத்தின்போது இவர் தலைமையில் நிகழவுள்ள ஸ்ரீசுக்ல யஜுர் வேத பாராயணம் குறித்த விவரங்களை அறிந்து சிலிர்த்தோம்.

குலபதி பிரம்மஸ்ரீ இஞ்சிக்கொல்லை சிதம்பர கனபாடிகள் அவர்களால் 103 வருடங்களுக்கு முன்பு கும்பகோணம் அபிமுக்தீஸ்வரர் கோயிலில் உலக நன்மைக்காக வேத பாராயணம் தொடங்கப்பட்டது. ஒவ்வொரு மாசி மகத்தின்போதும் மகாமகத்தின்போதும் தொடர்ந்து 10 நாட்கள் ஸ்ரீசுக்ல யஜுர் வேத பாராயணம் செய்வதைத் தொடங்கினார்.

ஜகம் செழிக்க மகாமகத்தில் வேத பாராயணம்!

அவருக்குப் பின் காஞ்சி காம கோடி பீடம் ஸ்ரீமஹா ஸ்வாமிகளின் ஆக்ஞைப்படி அந்த மகத்தான புண்ணிய கைங்கர்யத்தைத் தொடரும் பாக்கியம் ராமமூர்த்தி சாஸ்திரிகளுக்குக் கிடைத்திருக்கிறது. தொடர்ந்து 60 வருட காலமாக மாசி மகம் மற்றும் 5 மகாமகங்களில் கலந்துகொண்டு 10 நாள் உற்ஸவத்தின்போதும் காலை மாலை இரண்டு வேளையும் சுக்ல யஜுர் சம்ஹிதை, க்ரம, உபநிஷத் மற்றும் கன பாராயணம் செய்து வருகிறார்.

கேட்பவர்க்குப் புண்ணியத்தையும், உலகத்துக்கு நன்மையையும் ஒன்றாகத் தரக்கூடியது வேத பாராயணம். இந்த மகத்தான கைங்கர்யத்தில் தம்மை ஆத்மார்த்தமாக அர்ப்பணித்துக் கொண்டிருக்கும் பிரம்மஸ்ரீ எஸ்.ராமமூர்த்தி சாஸ்திரிகளை சந்தித்தபோது, தமக்கு இப்படி ஓர் அரிய பேற்றினை அருளிய காஞ்சி ஸ்ரீமஹா ஸ்வாமிகளின் கருணா கடாட்சத்தை நன்றியோடு நினைவு கூர்ந்ததுடன், மஹா ஸ்வாமிகளின் திருவடிகளில் தம்முடைய சரணாகதியைச் சமர்ப்பித்துக் கொள்வதாகவும் கூறினார்.

 படம்: க.சதீஷ்குமார்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism