Published:Updated:

எஸ்.ஏ-விலும் ஈஸியாக அசத்தலாம்!

எஸ்.ஏ-விலும்  ஈஸியாக அசத்தலாம்!
பிரீமியம் ஸ்டோரி
எஸ்.ஏ-விலும் ஈஸியாக அசத்தலாம்!

ஆசிரியர்கள் தரும் அசத்தல் டிப்ஸ்

எஸ்.ஏ-விலும் ஈஸியாக அசத்தலாம்!

ஆசிரியர்கள் தரும் அசத்தல் டிப்ஸ்

Published:Updated:
எஸ்.ஏ-விலும்  ஈஸியாக அசத்தலாம்!
பிரீமியம் ஸ்டோரி
எஸ்.ஏ-விலும் ஈஸியாக அசத்தலாம்!
எஸ்.ஏ-விலும்  ஈஸியாக அசத்தலாம்!

அன்புச் சுட்டி நண்பர்களே...

‘எல்லோருமே டென்த், ப்ளஸ் டூ ஸ்டூடன்ட்ஸுக்குதான் எக்ஸாம் டிப்ஸ் கொடுக்கிறாங்கன்னு பார்த்தா, சுட்டித் தமிழில் நீங்களும் அதையே செய்றீங்க’ என்று உரிமையுடன் கோபிக்கும் 9-ம் வகுப்பு வரை படிக்கும் உங்களுக்காகவே இந்த இணைப்பு இதழ்.

எஸ்.ஏ-விலும்  ஈஸியாக அசத்தலாம்!

ஒட்டுமொத்த விகடனுக்கும் ஒரே ஷார்ட்கட்!

CCE கல்வி மதிப்பீட்டு முறையின் கீழ், FA செயல்பாடுகள் மற்றும் செயல்திட்டங்கள் மூலம் 40 மதிப்பெண்களும், ஒவ்வொரு பருவத்தின் இறுதியில் நடைபெறும் தொகுத்தறி மதிப்பீடு (Summative Assessment) எனும் எழுத்துத் தேர்வு மூலம் 60 மதிப்பெண்களும் அளிக்கப்படுவது உங்களுக்குத் தெரியும். நீங்கள் FA போலவே SA-விலும் மதிப்பெண்களைக் குவிக்க, பாடவாரியான வழிகாட்டுதல்கள் இந்த இணைப்பில் தரப்பட்டுள்ளன. தேர்வு பயத்தைப் போக்கும் டிப்ஸ் முதல், எழுதிய விடைத்தாள்களைச் சரியாகக் கட்டி ஆசிரியரிடம் ஒப்படைப்பது வரை, அனுபவம் வாய்ந்த ஆசிரியர்களின் அக்கறை மிகுந்த ஒத்துழைப்புடன் பயனுள்ள குறிப்புகளைக் கொடுத்திருக்கிறோம்.

அடுத்த வகுப்புகளுக்குச் செல்லும் போதும், பாதுகாத்துப் பயன்பெறும் வகையில் இந்தத் தொகுப்பு இருக்கும். இதில் உள்ள வழிகாட்டல்களை ஒவ்வொரு பருவத் தேர்வின்போதும் பின்பற்றலாம்.

தேர்வுகள் அனைத்திலும் நல்ல மதிப்பெண்களுடன் வெற்றிபெற வாழ்த்துகள்!

அன்புடன்

ஆசிரியர்

 தமிழ்

மார்ச் மாதம் வந்தாலே, தேர்வுப் பரபரப்பு தொற்றிக்கொள்ளும். சுட்டி விகடன் FA பக்கங்களைப் பார்த்து, அருமையான செயல்பாடுகளைச் செய்து, வளரறி மதிப்பீட்டின் முழு மதிப்பீடான 40 மதிப்பெண்களைப் பெற்றிருப்பீர்கள். மீதம் இருக்கும் 60 மதிப்பெண்களுக்கான தேர்வை உற்சாகமாக எழுதலாம் வாங்க. முதலில் தமிழ்...

எஸ்.ஏ-விலும்  ஈஸியாக அசத்தலாம்!

• தமிழ்ப் பாடத்தைப் பொறுத்தவரை உங்களின் கையெழுத்து ரொம்ப முக்கியம். அழகான எழுத்துகள் உங்களுக்கே தன்னம்பிக்கையை வளர்க்கும். அடித்தல், திருத்தல் இல்லாத அழகான கையெழுத்து,  அதிகமான மதிப்பெண்களைப் பெற்றுத்தரும்.

• விடைகளைத் தெளிவாகவும், வார்த்தைகள் மற்றும் வரிகளுக்கு இடையில் தேவையான இடைவெளிகளுடன் எழுத்துப்பிழை இல்லாமல் எழுத வேண்டும்.

• ‘நல்ல தொடக்கம் பாதி வேலை முடிந்தாற்போல’  என்ற பழமொழிக்கேற்ப, நன்கு தெரிந்த வினாக்களுக்கு முதலில் விடை அளியுங்கள்.  அது, விடைத்தாள் திருத்துபவரின் மனதில் நல்ல எண்ணத்தை உண்டாக்கும். நேரமும் வீணாகாது.

• செய்யுள் – 20 மதிப்பெண்கள்

• உரைநடை – 16 மதிப்பெண்கள்

• துணைப்பாடம் – 5 மதிப்பெண்கள்

• இலக்கணம் – 10 மதிப்பெண்கள்

• கடிதம் மற்றும் கட்டுரை – 5 மதிப்பெண்கள்

• வாழ்க்கைத்திறன் மதிப்புக் கல்வி – 4 மதிப்பெண்கள்

என மொத்தம் 60 மதிப்பெண்கள்

• சிறு வினாக்களுக்குப் பதில் அளிக்க, அதிக நேரம் எடுத்துக்கொள்ளாதீர்கள்.

• பெரிய வினாக்களுக்குப் பதில் எழுதும்போது, தேவையான தலைப்பு எழுதி அடிக்கோடிட்டால், நல்ல மதிப்பெண்களைப் பெற்றுத்தரும்.

எஸ்.ஏ-விலும்  ஈஸியாக அசத்தலாம்!

• செய்யுட் பகுதியை எழுதும்போது, எழுத்துப் பிழை வருவதற்கு அதிக வாய்ப்பு இருக்கிறது. அதனால், செய்யுளை பல முறை படிப்பதுடன் பல முறை எழுதிப் பார்க்க வேண்டும்.

• கதை விடுவது என்றால் உங்களுக்குப் பிடிக்கும்தானே...அதனால், துணைப்பாடப் பகுதியில் உள்ள கதைகளை நன்கு படித்திருப்பீர்கள். அந்தக் கதை வலியுறுத்தும் கருத்தையும் மனதில் நன்கு பதியவையுங்கள்.

• கடிதம் எழுதும்போது, முதலில் இந்தக் கடிதம் யாருக்கு எழுதுகிறோம் என்பதை ஒரு நிமிடம் யோசித்து, அதற்கு ஏற்ற முறையில் தெளிவாக எழுதவும்.

• தன்னம்பிக்கை ஊட்டும் தமிழ் மொழித் தேர்வை, சிறப்பாக எழுதுங்கள்.

- ப.குணசேகரன்,ஊ.ஒ.ந.நி.பள்ளி, பள்ளப்பட்டி, தருமபுரி.

ஆங்கிலம்

ங்கிலத் தேர்வில் அசத்தத் தயாரா?

• ஆங்கிலத்தில் அனைத்துக் கேள்விகளிலும் முழு மதிப்பெண் பெற, எழுத்துப் பிழை ஏற்படாத வண்ணம் ஒரு முறைக்கு பல முறை படித்த கேள்வி பதில்களை எழுதிப் பார்ப்பது நல்லது.

• Prose மற்றும் Poetry-களுக்கு மட்டும் முக்கியத்துவம் கொடுக்காமல், Grammar பகுதிக்கும் முக்கியம்கொடுத்து பயிற்சிசெய்ய வேண்டும்.

எஸ்.ஏ-விலும்  ஈஸியாக அசத்தலாம்!

• அனைத்து Grammar பாடத்தின் ரூல்ஸ்களையும் நன்கு தெரிந்து வைத்துக்கொண்டு, அதன் பயிற்சிக் கேள்விகளை தொடர்ந்து எழுதிப்பார்க்க வேண்டும்.

• மனப்பாடப் பாடல்களில் (Memory poem) உள்ள குறியீடுகளை (Punctuation) தகுந்த இடங்களில் எழுதப் பழகியிருத்தல் நன்று. இல்லையேல், முழு மதிப்பெண் பெற இயலாது.

• ஆங்கிலப் புத்தகத்தில் உள்ள Book Back கேள்விகளை மட்டும் படிக்காமல், அந்தப் பாடத்தையே முழுமையாகப் படித்து, எந்தக் கேள்வி கேட்டாலும் பதில் எழுதத் தயாராக இருக்க வேண்டும்.

• ஒரு மதிப்பெண் வினாக்களுக்கு முக்கியத்துவம் அளிக்கும் வகையில், அனைத்துப் பாடங்களிலும் உள்ள Unfamiliar  words-களின் Synonyms மற்றும் Antonyms வார்த்தைகளைத் தெரிந்துவைத்திருக்க வேண்டும்.

• பாடம் மற்றும் கிராமர் பற்றிய சந்தேகங்கள் இருப்பின், ஆசிரியரிடம் கேட்டுத் தெளிவுபடுத்திக்கொள்ள வேண்டும்.

• மனப்பாடமாகப் படிக்காமல், பொருளைப் புரிந்துகொண்டு படிக்கும் வழக்கம் மிகச் சிறந்தது. படிக்கும்போது, ஒரு சொல்லுக்கு பொருள் தெரியவில்லை என்றால், டிக்‌ஷ்னரியைப் பயன்படுத்தப் பழகுங்கள். அந்தச் சொல்லுக்குப் பொருள் தெரிந்ததும் டிக்‌ஷ்னரியை மூடிவிடுங்கள். இன்னொரு சொல்லுக்குப் பொருள் தேடுகிறேன் என நேரத்தை வீணடிக்காதீர்கள்.

எஸ்.ஏ-விலும்  ஈஸியாக அசத்தலாம்!

• சொற்களை வாய்விட்டு உச்சரிக்கப் பழகிக்கொண்டால் எழுதுவது எளிதாகும்.

• இரண்டு விதமான லெட்டர் முறையை (Formal, Informal) நன்கு தெளிவுபடுத்தி எழுதப் பயிற்சி செய்தல் நல்லது.

• Dia-logue பகுதியில் வரும் கேள்விகளுக்குப் பதிலளிக்க, பல்வேறு Dia-logue மாடல்களைப் பார்த்து, தொடர்ந்து பயிற்சிசெய்ய வேண்டும்.

• பொதுவான கேள்விகள், அதாவது General Essay மற்றும் Comprehension கேள்விகளை எழுத, சொந்த நடையில் ஆங்கிலத்தில் எழுதிப் பழக வேண்டும். தினமும் இரண்டு தலைப்புகளில் (எ.டு: My School, My hoppy) சிறு கட்டுரைகள் எழுதிவந்தால், முழு மதிப்பெண் பெறலாம்.

• ஆங்கிலத் தேர்வில் முழு மதிப்பெண்கள் பெற வாழ்த்துகள்.

- தி.ஆனந்த், ஊ.ஒ.ந.நி.பள்ளி, காளாச்சேரி மேற்கு, நீடாமங்கலம்.

கணக்கு

ணக்கில் நீங்கள் புலிதான். தேர்வில் முழுமையாக வேட்டையாடினால்தானே புலிக்கு மரியாதை. உங்களுக்கான டிப்ஸ்.

1. தேர்வு எழுதும் முன்பு வினாத்தாள் அமைப்பு தெரிந்திருத்தல் அவசியம். எடுத்துக்காட்டாக, எத்தனை 1 மதிப்பெண் வினாக்கள், 2 மதிப்பெண் வினாக்கள், 3 மதிப்பெண்  வினாக்கள், 5 மதிப்பெண் வினாக்கள் என்பதைத் தெரிந்திருப்பது  அவசியம்.

எஸ்.ஏ-விலும்  ஈஸியாக அசத்தலாம்!

2. முதல் 10 அல்லது 15 நிமிடங்கள் வினாத்தாளை முழுமையாக கவனம் செலுத்திப் படிக்க வேண்டும்.

3. வினாத்தாளைப் படிக்கும்போது, புரியாத கடினமான வினாக்களைப் பற்றி கவலைப்படவோ, பதற்றம்  அடையவோ கூடாது.

4. வினாத்தாளைப் படித்தவுடன், உங்களால் பதிலளிக்கக் கூடிய வினாக்களைத் தேர்ந்தெடுத்து, அவற்றுக்கு முதலில் விடையளிக்க வேண்டும்.

5. விடை எழுதும்போது, சரியான விடையை கவனத்துடனும் வேகத்துடனும் செய்தல் வேண்டும். இருக்கிற காலத்தை விரயம் செய்யாமல் சரியாகப் பங்கிட்டு எழுதுதல் அவசியம்.

6. சூத்திரங்கள் மூலம் செய்யும் கணக்குகளுக்கு...

சூத்திரம் Formula

மதிப்பைப் பிரதியிடுதல் Substituting Values

கணக்கிடுதல் Calculation

விடை Answer


என்ற முறையைப் பின்பற்றுதல் அவசியம்.

7. செய்முறை வடிவியல் கணக்குகளுக்கு உதவிப்படம் வரைந்து, உண்மைப் படம் வரைய வேண்டும்.

8. ஒவ்வொரு கணக்கைச் செய்து முடித்ததும் விடையைக் கட்டம் போட்டோ, அடிக்கோடிட்டோ காட்டுதல் வேண்டும்.

9.
பரப்பளவு, கன அளவு, சுற்றளவு கேட்கும் கணக்குகளுக்கு, விடையை அளவுகளுடன் சேர்த்து எழுத வேண்டும். எடுத்துக்காட்டாக, பரப்பளவுக்கு சதுர அளவுகள்.

எஸ்.ஏ-விலும்  ஈஸியாக அசத்தலாம்!

10. இறுதியாக, கடினமான கணக்குகளை விட்டுவிடாமல் முயற்சிக்கவும். இறுதி 10 நிமிடங்களுக்கு முன்னதாக விடைத்தாள்களைக் கட்டிவிட்டு, எழுதாத வினாக்களுக்கு விடையளிக்கவும். எழுதி முடித்திருந்தால், விடைகளைச் சரிபார்த்தல் அவசியம்.

கணக்கில் சதம் அடிக்க வாழ்த்துகள்.

- ஜோ.ரூபி கேத்தரின் தெரசா, அ.ம.மே.நி.பள்ளி, திருச்செங்கோடு.

அறிவியல்

றிவுக்கு அதிக வேலை தரும் அறிவியல் தேர்வுக்கான டிப்ஸ்.

அறிவியல் தேர்வில் அவசியம் படங்கள் வரைய வேண்டும். பென்சில், ரப்பர் மற்றும் அளவுகோல் போன்றவற்றை மறக்காமல் எடுத்துச் செல்லுங்கள்.

எஸ்.ஏ-விலும்  ஈஸியாக அசத்தலாம்!

அறிவியல் தேர்வில் படங்கள் வரையும்போது, பாகங்களைக் குறிக்க மறக்காதீர்கள். படம் தெளிவாக இருத்தல் அவசியம்.

அறிவியல் அறிஞர்களின் தத்துவங்கள், விதிகள் (Law, Equation, Theory)   கேள்விகளுக்குப் பாடப் புத்தகத்தில் உள்ளவாறே எழுதுவது அவசியம்.

தேர்வு எழுதும்போது, அனைத்துக் கேள்விகளையும் நன்கு படித்து விடையளியுங்கள். பதற்றம் காரணமாக, கேள்விகளைத் தவறாகப் புரிந்துகொள்ள வாய்ப்புகள் உள்ளன. விடைகள் சுருக்கமாகவும் தெளிவாகவும் இருக்க வேண்டும். தேவையில்லாத கதைகளை எழுத வேண்டாம்.

வினாக்களுக்கு விடையளிக்கும்போது, மையக்கருத்துக்கு (Main points) அடிக்கோடிட்டுக் காட்டுங்கள். அது, திருத்துபவருக்கு உங்கள் மீது நல்ல எண்ணத்தை உருவாக்கும்.

தெரியாத வினாக்களில் நேரத்தைப் போக்காமல், தெரிந்த வினாக்களைத் தேர்வுசெய்து முதலில் விடையளியுங்கள். நேரம் வீணாவதைத் தடுக்கலாம்.

ஒரு மதிப்பெண் வினாக்களுக்கு கொடுக்கப்பட்டுள்ள 4 விடைகளில், சரியானது எது என்று நன்கு யோசித்து எழுதுங்கள்.

எஸ்.ஏ-விலும்  ஈஸியாக அசத்தலாம்!

அனைத்து விடைகளுக்கும் சரியான வினா எண்ணை எழுதி உள்ளீர்களா எனச் சரிபார்க்கவும்.

ஒவ்வொரு பாடத்தின் பின்புறம் உள்ள வினாக்களை மட்டும் படிக்காதீர்கள். பாடத்தையும் முழுமையாக வாசித்துவிட்டுச் செல்லுங்கள்.

ஏழு வினாக்கள் கொடுக்கப்பட்டு, அதில் ஐந்து வினாக்களுக்குப் பதில் அளிக்கும் பகுதியில், உங்களுக்கு நன்கு தெரிந்த கேள்விகளைத் தேர்ந்தெடுங்கள். அரைகுறையாக நினைவில் இருக்கும் கேள்விகளை சாய்ஸில் விட்டுவிடுங்கள்.

பெரிய வினாக்களுக்கான பதில்களை கட்டுரைப்போல எழுதாமல், பாயின்ட், பாயின்டாகப் பிரித்து எழுதினால், பார்ப்பதற்கு அழகாகவும் திருத்துபவருக்கு தெளிவாகவும் தெரியும்.

அச்சமின்றி எழுதுங்கள் அறிவியல் தேர்வு உங்கள் வசம்.       

- ஜி.கிறிஸ்டோபர், மாநகராட்சி ஆரம்பப் பள்ளி ஒக்கிலியர் காலனி, கோயம்புத்தூர்.

சமூக அறிவியல்

மூக அறிவியல், நம் வாழ்க்கையோடு இணைந்து வருவது.  படிப்பது எளிது. அதே போல தேர்வை மிக எளிதாக எழுத சில டிப்ஸ்.

எஸ்.ஏ-விலும்  ஈஸியாக அசத்தலாம்!

ஒரு மதிப்பெண் வினாக்களில், 4 ஆண்டுகளைக் கொடுத்து தேர்ந்தெடுக்கச் சொல்லும்போது, கவனத்துடன் தேர்ந்தெடுங்கள்.

ஒரு மதிப்பெண் வினாக்களுக்குப் பயிற்சி எடுக்கும்போது, குழுவாக அமர்ந்து ஒருவர் மாற்றி ஒருவர் வினா கேட்டு, பயிற்சி மேற்கொள்ளலாம். விநாடி - வினா நிகழ்ச்சி போன்றும் பயிற்சி மேற்கொள்ளலாம்.

எத்தனை வரிகளில் கேட்டிருக்கிறார்களோ, அந்த அளவில் மட்டும் எழுதுங்கள். வரலாறு என்பதால், வளவள என்று எழுதி நேரத்தை வீணாக்காதீர்கள்.

விடை எழுதும்போது ஆண்டுகள், தலைவர்களின் பெயர்கள் ஆகியவற்றைப் பிழையில்லாமல் குறிப்பிட்டு அடிக்கோடிடுதல் நல்லது.

வரலாற்றுப் பாடத்தில் உள்ள வடமொழி கலந்த சொற்களைப் பல முறை எழுதிப் பார்த்துப் பழகுதல் நல்லது.

குறு வினாக்களுக்கு ஓரிரு வரிகளில் கருத்துக்கு வளம் சேர்ந்து எழுத வேண்டும்.

விரிவான விடைக்கு, உள் தலைப்புகள் எழுதி விடையளித்தால் சிறப்பாக இருக்கும்.

கோடிட்ட இடங்களை நிரப்புதல் பயிற்சி செய்யும்போது, விடைகளை எழுதிப் பார்க்கவும்.

‘வேறுபடுத்துக’ தொடர்பான கேள்விகள் நிச்சயம் கேட்கப்படும் என்பதால், இந்தக் கேள்விகளுக்கு முக்கியத்துவம் கொடுத்துப் படிக்கவும்.

எஸ்.ஏ-விலும்  ஈஸியாக அசத்தலாம்!

மிக எளிதாக மதிப்பெண் தரக்கூடியவை வரைபடம். வகுப்பறையில் உள்ள தமிழ்நாடு, இந்தியா, உலகம் போன்ற வரைபடங்களில், தினமும் ஏதாவது 10 இடங்களின் பெயர்களை ஒரு மாணவர் கேட்க, மற்றவர்கள் அந்த இடங்களை வரைபடத்தில் சுட்டிக்காட்ட வேண்டும். இவ்வாறு பயிற்சி செய்யும்போது, மெள்ளக் கற்கும் மாணவர்களும் புரிந்துகொள்வர். வரைபடத்தில் இடங்களைக் குறிக்கும்போது அவசரப்படாமல், சரியான இடம்தானா என மனதுக்குள் உறுதிசெய்துவிட்டு குறிக்கவும். அடித்தல், திருத்தல் இருந்தால், மதிப்பெண் இழப்பு ஏற்பட வாய்ப்பு இருக்கிறது.

மனப்பாடம் செய்யாமல், கருத்தூன்றிப் படித்து சொந்த நடையில் எழுத வேண்டும்.

தேர்வு நேரம் முடிவதற்கு 10 நிமிடங்கள் முன்பாகவே எழுதிய விடைகளைச் சரிபார்த்து, ஏதாவது விடுபட்டுள்ளதா எனப் பரிசோதித்தல் நல்லது. அப்படி விடுபட்டிருந்தால், வினாத்தாளின் இறுதியில் வினா எண்ணை எழுதி, விடையை எழுதுங்கள்.

பதற்றப்படாமல் நேர்மறைச் சிந்தனையுடன் தேர்வெழுதி வெற்றிபெற வாழ்த்துகள்.

- மூ.சங்கீதா, அ.பெ.மே.நி.பள்ளி,கண்ணமங்கலம்.

சூ மந்திரக்காளி, பயமே ஓடிப்போ!

ஸியான பாடங்கள், அதை சூப்பராகப் படித்துவிட்டோம். ஆனாலும் தேர்வு என்றாலே பயம் எட்டிப்பார்க்கும். அதைத் தூக்கி எறியலாமா?

எஸ்.ஏ-விலும்  ஈஸியாக அசத்தலாம்!

இது எனக்கான தேர்வு, நான் எவ்வளவு தூரம் ஒரு பாடத்தைப் புரிந்துகொண்டிருக்கிறேன் என்பதைப் பற்றிய தேர்வு என்பதைக் கவனத்தில் வைத்துக்கொள்ளுங்கள்.

உங்களுக்குத் தெரியாத பகுதிகளைக் கண்டுபிடியுங்கள். அதில் இடர்பாடு ஏற்பட்டால், ஆசிரியரிடம் கேட்டுத் தெளிவாகுங்கள்.

சிறுதுளி பெருவெள்ளம் போல, எவ்வளவு மதிப்பெண் பெற விரும்புகிறீர்களோ, அந்த மதிப்பெண்களைப் பெற, ஒவ்வொரு பாடத்திலும் சிறிதளவு தினமும் படியுங்கள்.

படித்ததை எழுதிப்பாருங்கள். தவறானவற்றைத் திருத்தி, மீண்டும் எழுதிப்பாருங்கள்.    

தேர்வு நாளுக்கு முன்னதாக, அதாவது 10 நாட்களுக்கு முன்பாக, மாலை 6 முதல் இரவு 8 மணி வரை, ஒவ்வொரு பாடத்துக்கும் வாசிப்புக்கான அட்டவணை தயாரியுங்கள். அதைத் தொடருங்கள்.

ஒரு மதிப்பெண் வினா-விடை, குறுவினா, சிறுவினா, நெடுவினா என வரிசை அமைத்துக்கொண்டு வாசியுங்கள். ஒரு மதிப்பெண் வினா-விடையைப் பார்க்காமல் எழுதி முடித்த பின், அந்தப் பகுதியை டிக் செய்யுங்கள். பிறகு, குறுவினாவைத் தொடங்குங்கள்.

காலையில் என்ன படிக்கப்போகிறீர்கள்? என்பதை முன்னிரவே திட்டமிட்டு, தினமும் அதிகாலை எழுந்தவுடன் செயல்படுத்துங்கள். 

எஸ்.ஏ-விலும்  ஈஸியாக அசத்தலாம்!

மனதை ஒருநிலைப்படுத்த, காலையில் எழுந்தவுடன் 10 நிமிடங்கள் தியானம் செய்யுங்கள். தியானம் தெரியாதவர்கள் அமைதியாக அமர்ந்திருங்கள்.

தேர்வு நெருங்குவது முதல் முடியும் வரை சரிசம உணவை எடுத்துக்கொள்ளுங்கள்.

‘நான், வரும் தேர்வை மிக எளிதாக எதிர்கொள்வேன். எல்லா வினாக்களுக்கும் விடை தெரிகிறது. தேர்வில் அதிக மதிப்பெண் பெறுவேன்’ என்ற வாக்கியத்தைக் காலையிலும் மாலையிலும், படிப்பதற்கு முன்னும் பின்னும் மனதுக்குள் சொல்லி வாருங்கள். உங்களுக்குத் தெரியாமலேயே நீங்கள் மனஉறுதி பெற்றுவிடுவீர்கள்.

– ரா.தாமோதரன், அ.மே.நி.பள்ளி, மெலட்டூர், தஞ்சை மாவட்டம்.

தேர்வு  நேரத்தில்...

செய்ய வேண்டியவை!

அந்தந்தப் பாடங்களின் வினாத்தாள் திட்ட வரைவு (Blue print) அட்டவணைக்கேற்ப  வினாக்களைப் படிக்கவும்.

கடந்த மூன்று ஆண்டுகால முழு ஆண்டுத் தேர்வு வினாத்தாள்களை ஒப்பிட்டுப் படிக்கவும்.

முக்கிய வினாக்களைத் தேர்ந்தெடுத்து, அவற்றை நன்கு படிக்கவும்.

எஸ்.ஏ-விலும்  ஈஸியாக அசத்தலாம்!

அனைத்துப் பாடங்களையும் ஒருமுறை திருப்புதல் செய்துகொள்ளவும்.

படித்தவற்றை எழுதிப்பார்க்கவும். அதை நீங்களே ஓர் ஆசிரியரைப் போல கறாராகத் திருத்துங்கள். மதிப்பெண் போடுங்கள். ஏன் மதிப்பெண் குறைத்தீர்கள் என்று தனியே எழுதுங்கள். அதை அடுத்த முறை சரிசெய்யுங்கள்.

படித்து முடித்ததும் புத்தகத்தை அதற்குரிய இடத்தில் வைத்துவிடுங்கள். இல்லாவிட்டால், அடுத்த முறை படிக்க உட்காரும்போது அதைத் தேடுவதற்கே நேரம் போய்விடும்.

நன்கு வெளிச்சமும், காற்றும் உள்ள இடமாக படிப்பதற்குத் தேர்ந்தெடுங்கள். போதுமான வெளிச்சம் இல்லாத இடத்தில் படிக்கும்போது கண்கள் விரைவில் சோர்ந்துவிடும்.

மனதை அமைதியாக வைத்துக்கொள்வதற்கு யோகா மற்றும் தியானம் செய்தல் உதவியாக இருக்கும்.

கோடைக்காலம் தொடங்கிவிட்டது என்பதால், உடலுக்கு குளிச்சியான மோர், இளநீர், பழங்களைச் சாப்பிடுங்கள்.

தேர்வு தொடங்குவதற்கு 15 நிமிடங்களுக்கு முன்னர் தேர்வு அறைக்குச் செல்வது அவசியம்.

தேர்வு அறையில் தண்ணீர் வைக்கப்பட்டிருக்கும் என்றாலும், பாட்டிலில் எடுத்துச்செல்வது நல்லது.

எஸ்.ஏ-விலும்  ஈஸியாக அசத்தலாம்!

தேர்வு அறை மேற்பார்வையாளர் கூறுவதைப் பின்பற்றுவது அவசியம்.

வினாத்தாளை நன்கு வாசித்த பிறகு விடையளிக்கவும்.

வினாத்தாளில் எதிர்பார்த்த வினாக்கள் வராவிட்டால், உடனே பதற்றம் அடையாதீர்கள். முதலில், உங்களுக்கு நன்கு தெரிந்த வினாக்களுக்கு விடையளிக்கவும். பிறகு, மற்ற வினாக்களுக்கான விடையை யோசித்து எழுதவும்.

எந்தத் தேர்வாக இருந்தாலும் பிழையின்றி எழுதுவதோடு, அடித்தல், திருத்தல் இன்றி எழுதுவது அவசியம். முக்கியக் கருத்துகளுக்கு அடிக்கோடு இடுங்கள்.

விடைகள் முழுவதும் எழுதிய பின், ஒருமுறை வாசித்துப்பார்த்தல் அவசியம். அப்போது, வினாவுக்குரிய எண்ணைச் சரியாக எழுதியிருக்கிறோமா என்பதைச் சோதிக்க மறக்க வேண்டாம்.

தேர்வு நேரத்தை முழுமையாகப் பயன்படுத்தவும்.  

செய்யக்கூடாதவை

எதிர்மறையான சிந்தனைகளைக் கூறுபவர்களோடு விலகி இருங்கள்.

தேர்வு சமயத்தில் ஐஸ்க்ரீம், துரித உணவுகள் போன்ற உடலுக்கு ஆகாத உணவுகளை உங்களுக்கு ரொம்பப் பிடிக்கும் என்றாலும் சாப்பிடாதீர்கள்.

தொலைக்காட்சி பார்ப்பதைத் தவிருங்கள். அதில் நேரம் விரயம் ஆவதுடன், தேவையில்லாத சிந்தனைகளுக்கு அழைத்துச் செல்லும். தேவைப்பட்டால் செய்திகள் மட்டும் பாருங்கள்.

படிக்கும்போது சிறிது இடைவெளி எடுத்து, விளையாடுவது நல்லது. ஆனால், கூர்மையான பொருட்களை வைத்து விளையாடாதீர்கள்.

எஸ்.ஏ-விலும்  ஈஸியாக அசத்தலாம்!

இரவு நேரத்தில் அதிக நேரம் கண்விழித்துப் படிப்பதைத் தவிர்க்கவும். இது, அடுத்த நாள் சோர்வு இல்லாமல் உற்சாகமாக இருக்க உதவும்.

விடையைத் தவிர தேவையில்லாததை எழுதி, பக்கத்தை நிரப்ப வேண்டாம்.

தேர்வு அறையில் மற்ற மாணவரோடு பேசவோ, சைகை காட்டவோ முயற்சிக்க வேண்டாம். குடிக்க நீர் கேட்டாலும் அது தவறாகவே புரிந்துகொள்ளப்படும்.

தேர்வுக் காலத்தில் தொடங்கும் நல்ல பழக்கங்களை எப்போதும் தொடருங்கள்.

- ஸ்ரீ திலிப், அ.உ.நி.பள்ளி, சத்தியமங்கலம், விழுப்புரம்.

 வாசிப்புத் திறனை வளர்த்தெடுப்போம்!

சி
ல மாணவர்கள் அதிக நேரம் படிப்பார்கள். ஆனால், படித்த பகுதி குறைவாக இருக்கும். அதற்குக் காரணம், படிக்கும்போது மனம் ஒன்றிப் படிக்காததே. வாசிப்புத் திறனை மேம்படுத்தும்போது, படிப்பது சுமையாக அல்லாமல் சுகமாக மாறும். அதற்கு சில பயிற்சிகளைச் செய்யலாமா?

எஸ்.ஏ-விலும்  ஈஸியாக அசத்தலாம்!

1. வாசித்தல் மேம்பட, முதலில் எழுத்துகளை அடையாளம் காணச் செய்ய வேண்டும். பிறகு,  எழுத்துகளைச் சரியாக ஒலிக்கப் பழகுதல், எழுத்துகளை இணைத்து ஒலிக்கப் பழகுதல் அவசியம்.

2. ஒரு வாக்கியத்தைப் படிக்கும்போது, அந்த வார்த்தைக்குரிய உச்சரிப்புடன், நிறுத்தற் குறிகளுக்கு உரிய இடத்தில் நிறுத்திப் படிக்க வேண்டும். பிழையின்றியும் பொருளை உணர்ந்தும் ஏற்ற இறக்கத்துடன் வாய்விட்டு உரக்க வாசிக்க வேண்டும்.

3. ஆசிரியர், தொடக்கநிலை வகுப்பு மாணவர்களைப் படம் பார்த்துப் பொருள் கூறச் செய்தல், தெரிந்த எழுத்துகளில் சொற்களை உருவாக்கச் செய்ய வேண்டும். படங்களைக் காட்டி கதை கூறச் செய்தல், பாதிக் கதையைக் கூறி, மீதிக் கதையை மாணவர்களைக் கூறச் செய்தல், சிறிய கதைப் புத்தகங்களைக் கொடுத்து வாசிக்கச் செய்து, புத்தக வாசிப்புக்கான ஆர்வத்தை ஏற்படுத்தலாம்.

4. மொழியைப் பிழையின்றிப் பேசவும், எழுதவும் துணைபுரியும் இலக்கணத்தை ஆசிரியர் நடத்தியபோது கூறிய உதாரணங்களை நினைவுபடுத்திப்பார்க்க வேண்டும்.

5. சிலவற்றை எளிமையாக நினைவில் வைத்துக்கொள்ளும் வழிகளைத் தேடிக்கொள்ள வேண்டும். வானவில் நிறங்களை நினைவில்கொள்ள vibgyor என்று கூறுவதைப்போல.

எஸ்.ஏ-விலும்  ஈஸியாக அசத்தலாம்!

6. பள்ளி அல்லது வீட்டுக்கு அருகில் உள்ள பொது நூலகத்தில், மாணவர்களை  உறுப்பினராகச் சேர்க்கலாம். பாடத்தோடு தொடர்புடைய புத்தகங்களை நூலகத்தில் வாசிக்கும்போது, பாடம் மறக்கவே மறக்காது.

7. புத்தகத்தில் படிக்கும்போது, முக்கியமான கருத்துகளின் கீழ் அடிக்கோடிடவும். புத்தகத்தைப் புரட்டும்போது, அந்த வரிகள் சட்டென்று கண்களில் தெரிந்து, அந்தப் பாடம் முழுவதும் நினைவுக்கு வந்துவிடும்.

8. பாடங்களைப் படித்ததும் குறிப்பேட்டில் குறிப்பு எடுத்துக்கொள்வது நல்ல பழக்கம். அதைச் செய்யும்போது, இரண்டு முறை படித்த பலனைக் கொடுக்கும்.

இவற்றைப் பயிற்சியாக இல்லாமல் பழக்கமாக மாற்றிக்கொண்டால், வாசிப்புத் திறனை நிச்சயம் வளப்படுத்தலாம்.

- க.சரவணன், டாக்டர் டி.திருஞானம் துவக்கப் பள்ளி, மதுரை.

வசீகரிக்கும் விடைத்தாள்!

ன்கு சமைத்தால் மட்டும் போதாது; சிறப்பாகப் பரிமாறவும் வேண்டும்.  அதுபோல, நன்றாகப் படித்து நன்றாகத் தேர்வு எழுதினாலும், விடைத்தாளை வசீகரமாக அமைப்பது முக்கியம்.

• விடைத்தாளில் அடித்தல் திருத்தல் இன்றி, தெளிவாக எழுதுவதே முதல் வேலை.

எஸ்.ஏ-விலும்  ஈஸியாக அசத்தலாம்!

• தரமான பேனாக்கள் தயாராக இருக்க வேண்டும். புத்தம்புதிய பேனாவாக இல்லாமல், ஏற்கெனவே சிறிது எழுதிப் பழகிய பேனாவாக இருப்பது நல்லது. சில பேனாக்கள் சிறிது எழுதியதுமே இங்க் கொட்ட ஆரம்பிக்கும். அப்படிப்பட்ட பேனாக்களைத் தவிர்த்துவிட வேண்டும்.

• விடைத்தாள் கொடுத்ததும் உங்கள் தேர்வு எண்ணை உரிய இடத்தில் எழுதுங்கள். தேர்வாளரின் கையொப்பம் விடைத்தாளில் இருக்கிறதா என உறுதிப்படுத்திக்கொள்ளுங்கள்.

• விடைத்தாளில் மதக் குறியீடுகள் எதுவும் எழுதாதீர்கள்.

• பதில் தெரியாத கேள்விக்கு அதிக நேரம் யோசிக்க வேண்டாம்.  கடைசியில், நேரம் இல்லாமல் அவசர அவசரமாக எழுதும்போது, சரியான விடையும் புரியாமல் போய்விடும்.

• தகுந்த இடங்களில் பத்தி பிரித்து, சின்னச்சின்ன பாராவாக எழுத வேண்டும். தாராளமாக ‘மார்ஜின்‘ விடுங்கள்.

• ஒவ்வொரு கேள்விக்கான பதில் முடிந்ததும் கோடு போட்டுவிடவும். அப்போதுதான் அடுத்த கேள்விக்கான பதில் என்பது தெளிவாகத் தெரியும்.

• ஒரு பக்கத்துக்கு, குறைந்தது 15 வரிகள் எழுத வேண்டும். நிறையப் பக்கங்கள் எழுதுகிறேன் என எழுத்துகளைப் பெரிதாக எழுதவோ, அதிக வரிகளை ஒரே பக்கத்தில் எழுதவோ கூடாது.

• விடைத்தாளின் கீழ்ப்பகுதியில் எந்த கேள்விக்கான பதிலையும் எழுத ஆரம்பிக்காதீர்கள். அடுத்த பக்கம் புதிய பதிலை எழுத ஆரம்பிக்கவும். ஒரே கேள்விக்கு இரண்டு இடங்களில் பதில் எழுதக் கூடாது.

எஸ்.ஏ-விலும்  ஈஸியாக அசத்தலாம்!

• பச்சை, சிவப்பு போன்ற பேனாக்களைப் பயன்படுத்தாதீர்கள்.கறுப்பு அல்லது நீல வண்ணப் பேனாக்களை மட்டும் பயன்படுத்தவும்.

• கட்டாயம் கேள்வி எண்ணை மார்ஜின் உள்ளே குறிக்கவும்.

• தேர்வு எழுதி முடித்துவிட்டு நேரம் அதிகமாக இருந்தால், விடைத்தாளில் எதையும் கிறுக்கிக்கொண்டு இருக்காதீர்கள்.

• ஆண்டுகள், சூத்திரங்கள் வந்தால், தனிக் கட்டம் இட்டுக் காட்டலாம்.

• விடைத்தாளின் மேல் இடது மூலையில் தேவையான அளவு ஓட்டை போட்டு, நூலைக் கோத்து, தாள் கழன்று விழாதவாறு முடிச்சுப் போட்டுக் கொடுக்க வேண்டும்.

• வசீகரமான விடைத்தாள், முழு மதிப்பீடு பெற நிச்சயம் உதவும்.

- லெ.சொக்கலிங்கம், சேர்மன் மாணிக்கவாசகம் நடுநிலைப் பள்ளி, தேவகோட்டை.

நம் நேரம் நம் கையில்!

நாம் எந்தப் பொருளை இழந்தாலும் மீண்டும் பெற்றுவிடலாம். ஆனால், இழந்த காலத்தை மீண்டும் பெற இயலாது. எனவே,  காலத்தின் அருமையை உணர்ந்து செயல்பட, நேர மேலாண்மை குறித்த தெளிவு அவசியம். இப்போது தேர்வு நடைபெறும் நேரம் என்பதால், நேரத்தை எவ்வாறு செலவிடலாம் என்பதைத் திட்டமிட்டுக்கொள்வது நல்லது.

எஸ்.ஏ-விலும்  ஈஸியாக அசத்தலாம்!

தேர்வுக்கு முதல் நாள்:

• நாளை எழுதப்போகும் தேர்வை, கால அட்டவணையைப் பார்த்து உறுதிசெய்யவும்.

• பாடம் முழுவதும் படிக்க நேரம் இருக்காது. எனவே, கடினப் பகுதிகள் அல்லது படிக்காமல் விட்ட பகுதிகளை மட்டும் ஒரு முறை பார்க்கலாம்.

• காலை 5 மணிக்கு எழும் வழக்கம் உள்ளவர்கள், ஒவ்வொரு மணித்துளிக்காகவும் திட்டமிட வேண்டும்.

• சாப்பிட, குளிக்க என நம் அன்றாட அடிப்படைத் தேவைகளுக்கான நேரத்தைக்கூட குறிப்பிட்ட அளவில் சரியாகச் செலவிட வேண்டும்.

• பணத்தை எப்படி கணக்காகச் செலவிட்டு, அன்றைய செலவை சரிபார்க்கிறோமோ, அதுபோல  திட்டமிட்டபடிதான் நேரம் செலவாகிறதா எனப் பார்க்க வேண்டும். இவ்வாறு திட்டமிட்டால்தான் தேர்வு நேரப் பதற்றமோ, பரபரப்போ ஏற்படாது.

• நம் கடிகாரத்தை 10 நிமிடம் அதிகமாக வைத்துக்கொள்ள வேண்டும் அது, நம்மைக் கொஞ்சம் சுறுசுறுப்பாக்க உதவும். ஒவ்வொரு மணியிலும் நமக்கான உதிரி நேரம் இருப்பது போல திட்டமிட வேண்டும். ஒரு பணியை 10 நிமிடங்களில் செய்திடலாம் என்றால், நாம் 15 நிமிடங்களை அதற்காக ஒதுக்க வேண்டும். நம் கையில் 5 நிமிடங்கள் மீதம் இருந்தால், பதற்றம் இல்லாமல் இருக்கலாம்.

தேர்வு நாளன்று:

• பள்ளிக்குக் கிளம்பும் நேரத்தை அவரவர் சூழலுக்கு ஏற்ப திட்டமிட வேண்டும்.

• உள்ளூர் பள்ளி எனில், காலை 8 மணிக்கு வீட்டிலிருந்து கிளம்பினால் போதும். வெளியூர் எனில், பயண நேரத்துக்கு ஏற்ப கிளம்பலாம்.

• பள்ளிப் பேருந்தில் பயணம் செய்பவர்களுக்கு எந்தச் சிக்கலும் இருக்காது. பொதுப் பேருந்தில் செல்பவர்கள், சொந்த வாகனத்தில் பெற்றோர் துணையோடு சென்றால், நேரத்தை மிச்சப்படுத்தலாம்.

தேர்வு அறையில்:

• தேர்வு அறையில் தேர்வு எழுதுவதற்கான நேரம் எவ்வாறு பகுக்கப்பட்டுள்ளது என்பதை துண்டு அறிக்கையாக வாயிலில் ஒட்டி வைத்திருப்பார்கள். அதன்படி வினாத்தாள் படிக்க, முதல் பக்கத்தைச் சரிபார்க்க, கையொப்பமிட என ஒவ்வொரு செயலுக்கும் நேரம் ஒதுக்கப்பட்டுள்ளது. அவற்றை முறையாகப்  பின்பற்ற வேண்டும்.

எஸ்.ஏ-விலும்  ஈஸியாக அசத்தலாம்!

• விடை எழுதத் தொடங்கிய பிறகு, அரை மணி நேரத்துக்கு ஒரு மணி ஒலிக்கும். அதற்கேற்ப நேரத்தைத் திட்டமிடுங்கள்.

• மொத்தம் உள்ள நேரத்தை வினாத்தாளில் உள்ள மதிப்பெண்களால் வகுத்துக்கொள்வது சிறந்த முறையாக இருக்கும்.

• கடினமான கணக்கோ, மனப்பாடப் பகுதியோ உரிய நேரத்தில் நினைவுக்கு வரவில்லை எனில், அதை நினைத்துப் பார்ப்பதற்காக நேரத்தை வீணடிக்காமல், அடுத்த விடையை எழுதவும்.

எஸ்.ஏ-விலும்  ஈஸியாக அசத்தலாம்!

• 100 மதிப்பெண்ணுக்கு 150 நிமிடங்கள் எனில், ஒரு மதிப்பெண்ணுக்கு ஒன்றரை நிமிடங்கள் என ஒதுக்கலாம். எழுதியதை சரிபார்க்க வேண்டும், ஒரு மதிப்பெண்ணுக்கு ஒரு நிமிடம் எனத் திட்டமிடலாம். இப்படி திட்டமிட்டால், சரிபார்ப்பதற்கும் நேரம் இருக்கும்.

- இரத்தின புகழேந்தி,அரசு உயர்நிலைப் பள்ளி,மன்னம்பாடி.

வினாக்களுக்குள் ஒளிந்திருக்கும் விடைகள்!

மாணவர்கள் தேர்வு எழுதும்போது, தான் படித்தவற்றை மட்டும் நினைவுகூர்ந்து எழுதுவர். ஆனால், பல நேரங்களில் வினாக்களுக்குள் சில விடைகளும் ஒளிந்திருக்கும். அதைக் கண்டுபிடித்து, நமது புத்திசாலித் தனத்தைக் காட்ட வேண்டும்.

எஸ்.ஏ-விலும்  ஈஸியாக அசத்தலாம்!

தேர்வு அறையைவிட்டு வெளியே வந்ததும், மற்றவர்கள் அதைப் பற்றி விவாதிக்கும்போதுதான், ‘அடடா இதை மறந்துவிட்டோமே, படிக்காமலேயே கொஞ்சம் யோசித்து இருந்தால் மிக எளிதாக எழுதியிருக்கலாமே’ என்று வருந்தக் கூடாது.

இதுபோன்ற நிலையைத் தவிர்க்க, வினாத்தாளை ஊன்றிக் கவனிக்க வேண்டும். எங்கெல்லாம் விடைகள் கண்கட்டுவித்தை காட்டலாம் என்பதைப் பார்ப்போம்.

1. சரியான விடையைத் தேர்ந்தெடு, பொருத்துக பகுதியில் கேள்வியோடு விடைகள் சாய்ஸாக இருக்கும். அதிலும் சரியானதைத் தேர்ந்தெடுக்க முடியவில்லை என்றால், ஆசிரியர் பாடம் நடத்தியதை யோசித்தால் போதும், விடை கிடைத்துவிடும். சில நேரங்களில் பொருத்துக பகுதியில் நேராகவே விடைகள் கொடுக்கப்பட்டிருக்கலாம், அல்லது கீழிருந்து மேலாக விடைகள் அமைக்கப்பட்டிருக்கலாம். சில நேரங்களில் பொருத்துக பகுதியின் வினாக்கள், பொருத்தமான விடையைத் தேர்ந்தெடுக்கும் பகுதிக்கு விடையாக வரலாம்.

எஸ்.ஏ-விலும்  ஈஸியாக அசத்தலாம்!

2. குறுகிய வினாக்களில் வினாவைக் குறிக்கும் சொற்களை நீக்கிவிட்டு, அதற்குரிய பதிலை, ஓரிரு சொற்களை எழுதினாலே விடை கிடைத்துவிடும். எழுத்துப் பிழை வருவதையும் தடுக்க முடியும்.

3. ஒரு மதிப்பெண் வினாக்கள் சிலவற்றுக்கு விடை தெரியாமல் விட்டுவிட்டு, பெரிய கேள்விகளுக்கான விடையை எழுதுவோம். அப்போது, அந்த விடையிலேயே ஒரு மதிப்பெண் விடை இருக்கலாம். அதை நாம் கவனித்தாலே, மதிப்பெண் ரெடி. அதே போல, மன வரைபடம் பகுதியை ஆழ்ந்து கவனித்தால், அதிலிருந்து விரிவான வினாவுக்கு பதில் எழுதலாம்.

4. 9-ம் வகுப்பு  ஆங்கிலப் பாடத்தில், பொருத்துக பகுதியில் PRODUCTS-SLOGANS கேட்கப்படுகிறது. இதில், பொருட்களும் அவற்றுக்கான விளம்பர வாசகங்களும் இடம்பெறுகின்றன. சில நேரங்களில் இதில் PRODUCTS வரும் வார்த்தைகளில் பாதியோ, முழுவதுமோ SLOGANS-ல் இடம்பெறும். அதைப் பார்த்தாலே இவற்றைப் பொருத்திவிடலாம். எடுத்துக்காட்டாக...

Wet grinder - grind smooth

Mixer - mix quick

Footware - Fine fit for foot etc..,


5.
தமிழில் செய்யுள் பகுதி கொடுக்கப்பட்டு, அதன் அணி கேட்கப்பட்டிருக்கும். இதற்கு என நீங்கள் தனியாகப் படிக்கவேண்டியது இல்லை. அணிகளை நினைவூட்டி, கொடுக்கப்பட்டிருக்கும் செய்யுளைப் படித்தாலே, எளிதாக சரியான விடையை எழுதிவிடலாம்.

6. சமூக அறிவியல் தேர்வில், வரைபடத்தில் இடங்களைக் குறிப்பதும், காஷ்மீர் என்றால் தலை என்பதுபோல ஏதேனும் ஓர் அடையாளம் வைத்திருந்தால், எளிதாகக் குறித்துவிடலாம்.

எஸ்.ஏ-விலும்  ஈஸியாக அசத்தலாம்!

7. வினாத்தாளில் பாடத்திட்டத்துக்குத் தொடர்பில்லாத கேள்விகள் ஏதேனும் இருந்தால், அந்த வினா எண்ணைக் குறித்தாலே மதிப்பெண் கிடைக்கும்

தேர்வு எழுதும்போது நாம் கொஞ்சம் கவனமாக இருந்தாலே, இந்த விடைகளை எளிதில் கண்டுபிடித்துவிடலாம். அதற்கு பாடங்களைப் பொருள் உணர்ந்து படித்திருக்க வேண்டும். ஆர்வத்துடன் படித்து, நல்ல மதிப்பெண்களைப் பெறுங்கள்.

- து.விஜயலட்சுமி, அ.ஆ.மே.நி.பள்ளி, கண்ணமங்கலம்.

செல்போனின் நன்மைகளும் தீமைகளும்!

செல்போனைப் பார்க்காமல் ஒரு நாளை உங்களால் கடத்த முடியுமா? முடியாது என்றே சொல்வீர்கள். அந்தளவுக்கு நமது அங்கமாக மாறிவிட்டது. அதை மாணவர்கள் பயன்படுத்தலாமா? அதன் நன்மை, தீமைகள் பற்றிப் பார்ப்போமா?

எஸ்.ஏ-விலும்  ஈஸியாக அசத்தலாம்!

நன்மைகள்

மொழிப் பாடங்களை வீட்டில் படிக்கும்போது, சில வார்த்தைகளுக்குப் பொருள் தெரியாதபோது, செல்பேசியில் உள்ள அகராதியைப் (DICTIONARY) பயன்படுத்தி பொருள் தெரிந்துகொள்ளலாம்.

மனப்பாடப் பகுதி செய்யுள் மற்றும் ‘MEMORY POEMS’  ஆகியவற்றை வாய்ஸ் ரெக்கார்டர் வசதியைப் பயன்படுத்திப் பதிவுசெய்து, மீண்டும் கேட்டு தவறுகளைச்  சரிசெய்யலாம்.

அறிவியல் பாடத்தில் உள்ள கருத்துகள் புரியாதபோது, இணையதள வசதியைப் பயன்படுத்தி, தேவையான விளக்கங்கள் பெறலாம்.                                  

தாவரவியல் மற்றும் விலங்கியல் பாடங்களில் வரும் உள்ளுறுப்புகள் பற்றிய வீடியோ பதிவுகளைப் பதிவிறக்கம்செய்து, மாணவர்கள் அறிவை வளர்த்துக்கொள்ளலாம்.

மாணவர்கள், தங்கள் நண்பர்களுடன் குழுப் பகிர்தல் முறையில் பாட தொடர்பான தகவல்களைப் பரிமாறிக் கொள்ளலாம்.

விடியற்காலையில் எழுந்து படிக்க அலாரம் வைக்கலாம்.

தீமைகள்:

எஸ்.ஏ-விலும்  ஈஸியாக அசத்தலாம்!

செல்போனில் கேம்ஸ் விளையாடுவதால், நேரம்  விரயமாகிறது. நண்பர்களுடன் ஓடியாடி விளையாடுவதால்,  மனதுக்கும் உடலுக்கும் உற்சாகம் ஏற்படும். செல்போனில் கேம்ஸ் விளையாடுவதால், மன இறுக்கத்துக்கு ஆளாவதுடன் இரவு தூக்கத்திலும் இடையூறு ஏற்படும்.

தொடர்ச்சியாக செல்போனைப் பயன்படுத்துவதால், சிறு வயதிலேயே கண் பார்வைக் குறைபாடு ஏற்படும்.

ஹெட்போன்களைவைத்து பாடல்களைக் கேட்பதால், படிப்பதிலிருந்து கவனம் சிதறும்.

- ப. குணசேகரன், ஊ.ஒ.ந.நி.பள்ளி, பள்ளப்பட்டி, தருமபுரி.

தனிக்கவனத்துக்கு!

தேர்வு சமயத்தில் ரொம்பக் கவனமாகவே  குழந்தைகளைப் பாதுகாப்போம். கூடுதல் கவனம் தேவைப்படும் சில மாணவர்களும் இருப்பார்கள். அவர்களின் பெற்றோர்களுக்காக...

எஸ்.ஏ-விலும்  ஈஸியாக அசத்தலாம்!

எதிர்ப்புசக்தி குறைவான குழந்தைகளை கூடுதல் கவனத்துடன் பராமரிப்பது அவசியம். முதல் பரீட்சை முடிந்து அழைத்து வரும்போது, வெயில் அதிகமாக இருக்கிறது என்று குளிர்பானங்கள் வாங்கிக் கொடுக்காதீர்கள். அவர்களின் உடல்நலத்துக்கேற்ற  நல்ல பானங்கள், மோர் அல்லது இளநீர் கொடுங்கள்.

கண்ணாடி அணிந்திருக்கும் குழந்தைகள் டென்ஷனில் கீழே தவறவிடலாம். அதனால், தொடர்ந்து படிப்பது தடைப்படும். தேர்வுக்குச் செல்லும்போது உடைந்துவிட்டால், பதற்றம் அதிகரிக்கும். எனவே, கூடுதலாக கண்ணாடி வைத்திருப்பது நல்லது.

பெண் குழந்தைகளுக்கு பீரியட்ஸ் பிரச்னை வரலாம். அதற்குத் தயாராக குழந்தைகளை அனுப்புவது நலம். சீரகத் தண்ணீர் கொடுத்துவந்தால், வயிற்று வலி குறையும்.

மாற்றுத்திறனாளி குழந்தைகளின் கடைசி நேர டென்ஷனைத் தவிர்க்க, சிறிது முன்னதாக தேர்வு அறைக்கு அழைத்துச் செல்ல ஏற்பாடுகள் செய்ய வேண்டும்.

மருத்துவர்கள் ஆலோசனைப்படி மாத்திரை எடுத்துக்கொள்ளும் மாணவர்களுக்கு, சரியான நேரத்தில் அதைக் கொடுக்க மறக்க வேண்டாம்.

அடிக்கடி தலைவலி, ஜுரம் எனக் கஷ்டப்படும் குழந்தைகளை, இரவு நீண்ட நேரம் படிக்கவிடாமல், நன்கு தூங்கவைக்கவும். நல்ல உடல்நிலையுடன் தேர்வு அறைக்கு அனுப்புங்கள்.

தேர்வு என்றாலே பயம்கொள்ளும் குழந்தைகளுக்கு, தினந்தோறும் உற்சாகமான வார்த்தைகளால் தன்னம்பிக்கை கொடுங்கள்.

வாய் திக்கிப் பேசும் குழந்தைகளிடம் தேர்வு அறை மேற்பார்வையாளர் ஏதேனும் கேள்வி கேட்கும்போது, தயங்காமல் பதில் சொல்லப் பழக்குங்கள். பதில் சொல்லும்போது மற்ற மாணவர்கள் சிரித்துவிட்டால், அதைப் பெரிதுபடுத்தாமல் தேர்வைக் கவனத்துடன் எழுதப் பயிற்சி அளியுங்கள்.

எஸ்.ஏ-விலும்  ஈஸியாக அசத்தலாம்!

கையெழுத்து சுமாராக எழுதும் மாணவர்களுக்கு, நம்பிக்கை அளித்து, பலமுறை எழுதிப் பார்க்கச் செய்யுங்கள்.

வயிற்றில் பூச்சி இருக்கும் குழந்தைகளுக்கு, அதற்குரிய சிகிச்சை அளித்து அனுப்புங்கள். இல்லையென்றால், அவர்களின் உடல் சீக்கிரமே சோர்ந்து தேர்வைச் சரியாக எழுதமுடியாமல் போய்விடும்.

எல்லாவற்றையும்விட முக்கியமானது, மேலே சொன்னவற்றில் ஏதேனும் சிக்கல் என்றால், நீங்கள் பதற்றமாகி  குழந்தைகளையும் கலவரப்படுத்திவிடாதீர்கள். அந்தச் சிக்கலுக்கு என்ன செய்யலாம் என யோசித்துத் தீர்வு காணுங்கள்.

- நா.கிருஷ்ணவேணி, ஊ.ஒ.ந.நி.பள்ளி, நல்லம்பாக்கம்.

செக் லிஸ்ட்

எஸ்.ஏ-விலும்  ஈஸியாக அசத்தலாம்!

ஹால் டிக்கெட்

நன்றாக எழுதும் பேனாக்கள் இரண்டு.

இரண்டு பேனாக்களிலும் இங்க்,,நிப் சரியான அளவில் இருக்கின்றன.

சீவப்பட்ட பென்சில்கள் இரண்டு.

ஷார்ப்னர், எரேஸர்.

ஜியோமெட்ரி பாக்ஸ்

கறுப்பு மற்றும் நீல நிற ஸ்டிக் பேனாக்கள்/ (முக்கியமான பகுதிகளை அடிக்கோடு போடுவதற்கு)

கர்ச்சீஃப்

விடைத்தாள்களைக் கட்டுவதற்கான நூல் (எதற்கும் கைவசம் இருப்பது நல்லது)

பரீட்சை கிளிப், அட்டை (தேவை என்றால்)

தண்ணீர் பாட்டில்.
தொகுப்பு: வி.எஸ்.சரவணன்
அட்டை: அ.குரூஸ்தனம்,
படங்கள்: தே.தீட்ஷித், க.சர்வின்

 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism